Krasniqi: Kryesuesi i KK-së ndërton në pronën komunale

Drejtori i Urbanizmit kritiokon kryesuesin e KK-së se ka bërë shkelje procedurale urbanistike

Pronari i ndërmarrjes “Kulla”, Idriz Hyseni, njëherësh edhe kryesuesi i KK-së të Drenasit, ka mohon deklaratat e drejtorit të Urbanizmit dhe ka thënë se ka leje ndërtimi

Bekim Dobra

Koha Ditore - Drenas, 6 dhjetor - Kryesuesi i KK-së të Drenasit, Idriz Hyseni, njëkohësisht edhe pronari i ndërmarrjes ndërtimore, “Kulla”, është akuzuar nga Drejtoria e Urbanizmit se ka bërë shkelje në procedurat e planeve detale të Komunës. Komuna e Drenasit ka dhënë pronen e vet për ndërtim banesor. Ky lloj ndërtimi u është dhënë me koncesion dy firmave, asaj “Rukolli” nga Skenderaj dhe “Kulla” nga Drenasi. Pornar i kësaj të fundit është vetë kryesuesi i KK-së, Idriz Hyseni. Drejtori i Urbanizmit, Liman Krasniqi, ka thënë se me kushtet tekniko urbanistike ai e ka hapsirën prej 529 metrash katrorë. Mirëpo për vazhdimin e punimeve duhet që domosdoshmërish të kërkojë leje urbanistike të ndërtimit, gjë që një kërkesë të tillë nuk e ka bërë. Drejtori i Urbanizmit , Liman Krasniqi, pasi ka thënë se askush nuk duhet të lejohet të punojë pa i plotësuar kushtet ligjore, ka akuzuar inspektorët se nuk janë duke e kryer punën si duhet. Madje Krasniqi ka shfaqur dyshimin se “Kulla” ka dalë edhe nga leja e kushteve urbanistike dhe hapësirave te planit, gjë që, sipas tij, duhët verefikohet nga inspektorët e ndërtimit. “Ai ( Idriz Hyseni ) edhe pengon punën zyrtare të inspektorëve për të verefikuar se a ka dalë jashtë lejës urbanistike”, ka thënë Krasniqi dhe ka akuzuar drejtorin e Inspektorisë se nuk është duke vepruar sipas ligjit. “Nësë është kryesues i KK-së ai nuk duhët të sillet si pronar i tokës komunale” ka theksuar Krasniqi, ndërsa ka shtuar se “ajo pjes është zonë urbanistike dhe për çdo veprim, ndërtim apo rrënim, secili është i obliguar të pajiset më leje ndërtimi apo rrënimi”. Drejtoresha e Inspektoriatit, Hyrije Xhemajlaj – Thaçi, ndërkaq, ka thënë se ndërmarrja “Kulla” është në fazen e parë të ndërtimit dhe se duhet pritur per ta verefikuar vazhden e punimeve. “Ne i kemi dhënë sugjerimet tona, që t’i përfillë kushtet tekniko-urbanistike të lejuara nga Drejtoria e Urbanizmit dhe përderisa është në këtë fazë të punimeve ne nuk mund të dalim më një konkulzion se a ka dal jashtë vijave destinuese apo jo”, ka thënë drejtoresha Thaçi. Akuzat e drejtorit të DU-së,Krasniqi, i ka hedhur poshtë pronari i ndërmarrjes “Kulla”. Idriz Hyseni. Ai pasi ka mohuar akuzat ka thënë shkurt se ka leje ndërtimi, dhe se ka plotësuar të gjitha kërkesat e duhura. “Une kamë leje ndërtimi dhe atë të kushteve tekniko- urbanistike. Këtu thjesht është inat, sepse une kamë ofruar 27 për qind të objektit KK-së, ndërsa firma e drejtorit Krasniqi vetëm 15 për qind. Kamë qenë ofertuesi më përqindjen më të lartë dhe për ate edhe kam fituar tenderin” ka thënë Idriz Hyseni dhe ka shtuar se nuk ka dal nga asnjë vijë urbanistike dhe se ka respektuar parcelën që i është dhënë. Kryetari i KK-së, Nexhat Demaku, ishte i njoftuar më “kaosin” e krijuar ndërmjet dy udhëheqësve të lartë komunalë. Ai ka thënë se brenda shumë pak ditësh do të iniciojë personalisht zgjidhjen e kësaj qështjeje. “Jam në dijeni më problemin e krijuar dhe personalisht do të inicioj që kjo qështje të përfundojë brenda tri titësh” është zotuar Demaku.

Demaku i shkruan letër refuzuese Ministrisë së Punës

Emërimi i drejtorit të Qendrës së Punës Sociale në Drenas i papranueshëm për kreun e KK-së

Duke ia përkujtuar ligjet MPMS-së, kryetari ka theksuar se në bazë të Ligjit për shërbime sociale dhe familjare, është paraparë që komunat t’i themelojnë qendrat për punë sociale po edhe drejtorët të zgjidhen nga komunat, nëpërmjet konkursit

Bekim Dobra

Koha Ditore - Drenas, 6 dhjetor - Autoritetet komunale të Drenasit i kanë derguar një letër Ministrisë së Punës dhe Mirëqenies Sociale ( MPMS ), duke i kërkuar anulimin e vendimit mbi zgjedhjen e drejtorit të Qëndrës për Punë Sociale ( QPS ) në Drenas. “Mënyra se si është zgjedhur drejtori i kësaj qendre është e paparanueshme dhe po aq jolegjitime” thuhet ndër të tjera në letër. Në emër të Komunës së Drenasit , Nexhat Demaku, ia ka kujtuar ligjet Ministrisë së Punës, mbi të cilat janë rregulluar shërbimet sociale. “Në bazë të Ligjit për shërbime sociale dhe samiljare është paraparë që secila komunë themelon Qendrën për Punë Sociale, si institucion publik dhe se drejtorët e QPS-së zgjidhen nga komunat me anë të konkursit, sipas Rregullores mbi shërbimin civil” ka vazhduar letra . Më tutje është thënë se në bazë të këtyre dispozitave, MPMS-ja është në kundërshtim më ligjet e aprovuara. “Ju në kundërshtim të këtyre dispozitave keni bërë zgjedhjen e drejtorit të QPS-së dhe nga kjo bazë, meqë nuk keni të drejtë të bëni zgjedhjen e drejtorit, kërkojmë nga ju që të Anuloni vendimin mbi zgjedhjen e drejtorit, ngase për të qënë një punë juridikisht e vlefshme duhët të këtë edhe bazën juridike” është thënë në këtë shkresë. Përmes kësaj kërkese, zyrtarët komunal i kanë kujtuar MPMS-së se nëse nuk ndërmerr hapa sipas kërkesës së parashtruar, ata duke respektuar Ligjin për shërbime sociale dhe familjare, do të ndërmarrin veprimet procedurale rreth shpalljes së konkursit publik për zgjedhjen e drejtorit të Qendrës për Punë Sociale në Drenas. Me konkursin e Ministrisë së Punës dhe Mirëqenies Sociale, drejtor është zgjedhur ushtruesi i detyrës, Avdi Gashi, i cili në bazë të rekomandimeve komunale nuk njihet si drejtor. Kryetari i Komunës, Nexhat Demaku, ka thënë se “nuk kemi asgjë kundër drejtorit të emëruar, por jemi kundër veprimeve të MPMS-së, pasi që kanë bërë shkelje dhe janë përzier në kompetencat që tani janë lokale”, ka thënë kryetari Demaku. Ai ka shtuar se është e vërtët se në një përiudhë këto qendra në gjithë Kosovën janë menaxhuar nga MPMS-ja, por tani ligji ka paraparë që ato të jenë nen mbikqyrjen e qeverisë locale. “Dhe në bazë të këtyre dispozitave ne duhët të jem ata që të shpallim konkurs për drejtor të QPS-së në Drenas”, ka thënë Demaku.

Ordinancat punojnë pa licencë dhe pa leje komunale të punës

Shëndetësia e “vyshkur” edhe në Drenas

Drejtori i Shëndetësisë në Drenas, Elmi Dobra, ka thënë se janë 35 ordinanca private, kurse vetëm 13 sosh kanë licencën nga Ministria e Shëndetësië, ndrërsa pjesa më e madhe nuk kanë as leje komunale të punës

Bekim Dobra

Koha Ditore - Drenas, 4 dhjetor - Shumica e ordinancave private që kryejnë shërbime shëntetësore në Komunën e Drenasit operojnë pa licencë të Ministrisë së Shëndetësisë që është domosdo e obligueshme, e po ashtu edhe pa leje komunale të punës. Këtë fakt e kanë bërë publik autoritetet komunale të Drenasit. Një dokument që e ka paraqitur drejtoresha e Inspektorisë, Hyrije Xhemajlaj – Thaçi, është mesuar se në komunën e Drenasit operojnë gjithsejt 35 ordinanca shëndetësore private. Ajo ka thënë se inspektorët e tregut kanë bërë kontrollime për ordinancat dhe barnatoret shëndetësore se sa kanë leje pune që veprojnë në Drenas. Ajo ka thënë se nga 35 sosh, 3 e kanë pushuar menjëherë veprimtarinë, ndërsa 12 kanë leje komunale për zhvillim të veprimtarisë. 15 nga to nuk janë të paisura më leje pune, ndërsa për 5 të tjera nuk janë kontrolluar pasi që punojnë ditëve të fundjavës dhe pas orarit të punës ( natën ). Këto ditë do të kontrollohen të gjitha ordinancat shëndetësore, kurse ato që nuk janë të pajisura me leje pune, inspektorët e tregut u kanë dhënë 7 ditë afat për t’u pajisur me leje qarkulluese komunale, në të kundërtën do të merrën masa për t’i mbyllur këto veprimtari. Edhe drejtori i Shëndetësisë komunale, Elmi Dobra, është i shqetësuar më faktin e veprimatrisë së ordinancave private. Ai ka thënë se nga 35 ordinanca që operojnë në komunë, vetëm 13 kanë licencë të MSH-së, ndërsa të tjerat jo. “Më e keqja këtu është se edhe disa ordinanca private që kanë licencë ministrore nuk janë të pajisura me leje pune nga KK-ja dhe nuk i paguajnë tatimin komunal që i takon secilës veprimtari komunale që kryen biznes privat” ka thënë drejtori Dobra. Ai ka shtuar se janë bazuar në kërkesën e MSH-së për t’i kërkuar të gjitha emrat e ordinancave shëndetësore, duke përfshirë poliklinikat, ambulancat, barnatoret etj që të pajisen më obligimet ligjore. “Ne si drejtori, në bashkëpunim më Drejtorinë e Inspektoriatit kemi verefikuar pjesën më të madhe të ordinancave, poliklinikat, ambulancat, barbatoret, laboratorët që ekzistojnë në Drenas” ka thënë Dobra dhe ka shtuar se “ky bashkëpunim është duke vazhduar më inspektorët dhe janë duke i zbatuar obligimet, i kemi dhënë afat 7 ditë për t’u pajisur me leje pune dhe nëse brenda këtij afati nuk do të veprojnë në bazë të kërkesës sonë ne do të veprojmë sipas ligjit”, ka thënë ai. Sipas tij, të gjitha ato ordinanca që nuk e kanë licencën e MSH-së dhe lejen komunale për këtë veprimtari, konsiderohën se punojnë ilegalisht dhe duhet të merrën masa ndaj tyre. Drejtoresha e Inspektoriatit, Hyrije Xhemajlaj – Thaçi, ka thënë se pas kërkesës për t’u pajisur më leje komunale, shumë ordinanca private kanë aplikuar. Ajo ka kujtuar se sikurse leja komunale ashtu edhe licenca duhët të vazhdohën çdo vit, ndërsa inspektorët janë të ngarkuar për ata që nuk respektojnë rregulloret komunale.

Drenasi pa parkingje publike, veturat parkohen vend e pa vend

Togeri Fehmi Hoti ka thënë se 30 për qind e punës policore ka të bëjë me parkimet e veturave nëpër vende të papershtatshme

Bekim Dobra

Koha Ditore - Drenas, 3 dhjetor - Komuna e Drenasi ka mangësi në menagjimin e hapsirave të lëna bosh në qytetin e vogël të Drenasit. Është thuje e vetmja komunë në Kosovë që i mungonë të paktën një parking publik ku qytetarët do ta kishin të siguruar veturën e parkuar qoft edhe për një moment. Naser Gashi, mërgimtar nga Suedia ka thënë se të mërkurën është endeur kot në rrugën kryesore të Drenasit për të parkuar veturën dhe për ta kryer një punë, për kryerjen e së cilës nuk nevojiteshin më tepër se 10 minuta. Ai thoshte se nuk ka guxim ta parkojë veturën larg syve të njerëzve pasi që sipas tij “verës e kam parkuar veturën luksoze në një vend të papërshtatshëm , por kur jam kthyer e kam gjetur të demtuar, të thyer pasyqrën”. Gashi shfaqte mendimin se Komuna duhët të kujdeset për ta caktuar një vend për parkim veturash. Problemin i mungesës së parkingjevevpublike në qytet e shqëteson edhe kreun policor në Drenas. Togeri Fehmi Hoti ka thënë se 30 për qind e punës njëzetekatërorëshe të policisë është pikërisht probmeli rreth parkimit të veturave në vende të papershtatshme nga qytetarët. Togeri Hoti ka konfirmuar se nga mungesa e menaxhimit të vendparkimeve të qytetit ka raste të shumta kur lajmërohen qytetarët dhe thonë se u janë demtuar veturat. Togeri Hoti ka shtuar se kanë pasur jo pak raste kur edhe janë vjedhur veturat. “Kemi kërkuar nga Komuna që të marrë masa rreth kësaj problematike, por deri tashti nuk kemi marrë asnjë përgjigje” ka thënë Hoti. Puna më të madhe për këto raste i ka rënë kompanisë së vetme që ka “mërmiangën”, “Idea” e cila brenda ditës me urdhër të policisë bartë deri në dhjetë vetura që janë parkuar në kundërshtim me Ligjin e komunikacionit dhe i dergon në vende të posaçme për këtë punë. Këtij kaosi urbanistik i ka ndihmuar edhe ndryshimi i destinimit të rrugëve dhe trotuareve të qytetit, të cilat janë në vlugun më të madhë të punimeve. Ndryshimet brenda qytetit në rregullimin e sheshit “Skenderbe”, trotuareve në të gjitha pjesët, ndriqimi publik dhe gjelberimi i Drenasit ka bërë qytetarët të mos e njohin një qytet të dikurshëm. Ata i konsiderojnë si të mirëpritura këto ndryshime, por ankohën se në mosgjetjen e një zgjidhje të parkimit për vetura është krijuar roblem. Astrit Zeqiri thoshte se dy herë i është marrë vetura nga policia, ngase nuk ka pasur vend të caktuar për parkim. Nga ana tjetër, zyrtarë komunalë kanë thënë se me zbatimin e planit zhvillimorë do të zgjidhën problemet e “trasheguara”.

Kryetari kërkon që restorant “Kalaja” të kthehet në stacion të trenit

KK i Drenasit i drejtohet me një letër Hekurudhave të Kosovës

Lokali i lartshënuar më parë kishte qenë në shërbim të stacionit të trenit, ndërsa disa vjet radhazi është shfrytëzuar si restorant

Bekim Dobra

Koha Ditore - Drenas, 28 nentor - Autoritetet komunale të Drenasit ia kanë bërë me dije Hekurudhave të Kosovës se stacioni i trenit në qytet nuk do të shfrytëzohet su restorant, të cilin destinim e ka prej disa vjetësh. Ata kanë kërcënuar të etjën se di t’ia bënë drynin këtij objekti, në rast se ai nuk do të jetë në shërbim të udhëtarëve. Zyra e kryetarit të Komunës, Nexhat Demaku, ka protokoluar të ejtën një kërkesë adresuar Hekurudhave të Kosovës dhe drejtorit të Hekurudhave për kthim të restorant “Kalaja” në stacion të trenit, siç ka qenë më herët. Në këresë është thënë se kjo bëhet me qëllim që udhëtarët të kenë këtë vend si destinacion të pritjes së trenit. Lajmin e ka bërë të ditur zyrtarja për informim, Rinore Veliu. Ajo ka thënë se kërkesai është drejtuar menaxhmentit të Hekurudhave të Kosovës për të vetmin qëllim që stacioni i trenit të këtë destinimin e pritjes së udhëtareve për trenin që qarkullon në linjen Prishtinë - Pejë. I gjithë stacioni i trenit në Drenas për disa vjet shfrytëzohet si restorant dhe hotel. Sipas një burimi të informuar komunal mësohet se “Kalaja” as që ka leje komunale për shfrytëzim të tij si restorant dhe hotel, ndërsa kounës nuk i ka paguar asnjëherë taksat për shfrytëzim të objektit. Qytetarët që presin trenin mirëpresin kërkesën komunale për kthim të tij në stacion treni. Njëri nga ta ishte Elmi Hoxha. “Ne detyrohemi pa dashje që të hyjmë me pi diçka në restorant për të pritur trenin. Më shtrenjtë na kushton pija se bileta” ka thënë ky qytetar. Ai ka shtuar se tash në kohën e ftohtë qytetarët mërdhijnë në pritje, meqë nu ka një vend adekuat për qëndrim. Menaxhmenit i Hekurudhave të Kosovës si mbules prapa restorantit “Kalaja” kishte vendosur dy Baraka për pritje, të cilat janë thuajse çdo herë të mbyllura. Vendosja e tyree pati shqetësuar komunën. Autoritetet komunale kanë thënë se do t’i largojnë kontinjerët, pasi që ekziston objekti për destinim të caktuar. Sipas një deklarate të zyrtares për informim, Rinore Veliu, nëse nuk ndërmerr asgjë menaxhmenti i Hekurudhave të Kosovës për lejimin e shfrytëzimit si stacion të trenit këtë destinim, komuna do të detyrohet të bëjë mbyllje të restorantit dhe largim të menjëhershëm të kontinjerëve. Ajo ka shtuar se kërkesa i është drejtuar përgjegjësve për mirëmbajtje të këtij objekti dhe presin shumë shpejt edhe veprimin e menaxhmentit hekurudhor që të veprojnë në harmoni me kërkesën komunale dhe të udhëtarëve.

Drejtori e lufton papërgjegjësin me rregullore

Arsim Mehmeti, drejtor i DA-së, ka thënë se Rregullorja nuk do të jet vetëm program në letër, ndërsa mosrespektimi i saj do të thotë ndëshkim

Bekim Dobra

Koha Ditore - Drenas, 26 nëntor - Niveli i dobët i suksesit shkollorë dhe puna “shkel e shko” e drejtorëve të shkollave dhe mësimdhënësve, ka bërë që Arsim Mehmetin, drejtor komunal i Arsimit, të protokolojë rregullore të punës që do t’u dërgoët shkollave dhe që do të shërbente për drejtor shkolloash, mësimdhënës e nxënës. Ai ka thënë se rregullorja nuk do të jetë vetëm program në letër, dhe mosrespektimi i saj do të thotë ndëshkim. “Në rast të moszbatimit të rregullores do merren masa diciplinore deri në largimin nga shkolla”. Drejtori Mehmeti ka thënë se së pari i është treguar drejtorëve të shkollave, të cilët duhet ta respektojnë atë, ndërsa ka permendur diasa pika, siç janë raportet e drejtorëve DA-në, kryerja me kohë dhe saktë e obligimeve ndaj DA-së, respektimi i të gjitha procedurave financiare, sjellja në DA e orareve të punës në shkolla, sjellja e orarit të perosnelit (të orëve mësimore sipas lëndëve dhe normativit) si dhe respektimi i urdhëresave të DA-së për duhanin, uniformat unike të një shkolle etj. “Për moszbatimin e këtyre obligimeve do të aplikohen masa administrative dhe financiare për të gjithë drejtorët e shkollave” ka ritheksuar Mehmeti dhe ka shtuar e gjithë bëhet me qëllimin të funksionalizimin të mirëfilltë të sistemit arsimor në Komunën e Drenasit, si dhe për të krijuar shprehi dhe kulturë pune, për të arritur suksese të larta në aspektin e mësimdhënies dhe mësimnxënies. Sipas drejtorit Mehmeti, drejtorët e shkollave obligohen që nëpërmjet formularit të kritereve t’i vlerësojë mësimdhënësit. Në bazë përshkrimit të kritereve bazë për vlerësim është kërkuar që të kërkohët kualifikimi i mësimdhënësve, përvoja e punës, rezultatet në punë (suksesi i nxënësve), mënaxhimi i klasës dhe orës mësimore, mënaxhimi si kujdestar i klasës, respektimi i orarit të punës, rendit shtepiak në shkollë, kodit të mirësjelljes dhe etikës, krijimi i raporteve të shëndosha mësimdhënës- nxënës dhe kritere tjera. Për sëcilin kriter duhët të bëhet vlerësimi më pikë nga çdo muaj. Për tre muaj, mësimdhënësi që ka mesataren prej 20-49 pikë do t’i ndërpritet kontrata e punës, për ata që kanë 50-59 do t’i tërhiqet vërejtja më shkrim dhe kështu më radhë. Një rregullore e re është nxjerrë edhe për sjelljen e nxënësve në shkolla. Më këto rregulla përcaktohën të drejtat, detyrat, obligimet për sjellje dhe disipinë të nxënësve në shkolla. Drejtori Mehmeti ka thënë se në bazë të kësaj rregulloreje nxënësit do të njoftohen për të drejtat e tyre në shkolla, për detyrat dhe obligimet që do t’i kënë, për masat disiplinore dhe për rregulla të tjera gjatë procesit shkollorë. Për krejt këto, drejtori Mehmeti thotë se janë bërë më qëllim të krijimit të një institucioni tamam shkollor, që të respektohen dhe të aprovohen të drejtat dhe dispozitat e gjithsecilit në shkollë.