Policët rrahin qytetarin në prezencë të femijëve

Pasi kishte shkuar t’i marrte dy fëmijët e tij në çerdhen pa vendparkim, babait i del punë me policinë



“Kur kam dalë jashtë kam parë të gjithën, për një moment më kanë shkuar sytë nga fëmijët dhe me vrap kam shkuar për t’i larguar nga vendi i ngjarjes, kur i kam sjellë në çerdhe, ata të tërët dridheshin nga frika. Nuk degjoja fjalë tjetër nga ta përveç ‘na kanë rreh policia babin’”, i ka përshkruar edukatorja e Rinorit e Rinës momentet kur policët kanë ushtruar dhunë ndaj babait të tyre

Bekim Dobra

Drenas, 21 mars - F.S, baba i Rinorit gjashtë vjeç, e i Rinës katër vjeçe, është rrahur nga policët e Policisë së Kosovës para syve të tyre dhe të shumë fëmijëve të tjerë të çerdhes “Ardhmëria” në Drenas. Ky banor i Çikatovës së Re e Drenasit, kishte shkuar të enjtën për t’i marrë djalin e vajzën e tij në këtë çerdhe, e cila pasi nuk ka vendparkim, prindërit detyrohen t’i ndalin veturat për pakë çaste në trotuarin karshi. Këtë e kishte bërë edhe S.F, por atij i kishte dalë punë me policët. Ata i kishinë bërë problem për ndaljen e veturës dhe e tërë situate kishte përfunduar me rrahjen e tij, përdorimin e sprejit që i kishte afektuar edhe Rinorin e Rinën, të cilët, përveç kësaj, janë ndarë të traumatizuar nga keqtrajtimi dhe pastaj edhe arrestimi i babit të tyre. Dëshmitarët në vendin e ngjarjes kanë rrefyer se si policia e kishte rrahur qytetarin në prezencë të fëmijëve të tijë, por edhe të fëmijëve tjer të çerdhes, ndërkaq zyrtarët e policisë arsyetohen se prindi që po i merrte fëmijët në çerdhe i kishte penguar policët në kryerjen e detyrës. "Policia ia ka tërhequr vërejtjën të dyshuarit, por ai ka penguar, fyer dhe sulmuar fizikisht policët ne detyrë zyrtare, ndërsa ata kanë bërë një rezistenc aktive jo pasive dhe i janë kundërvënë të dyshuarit", ka thënë togeri i Stacionit Policor të Drenasit Fehmi Hoti. Ai ka shtuar se F.S është dërguar në Stacionin Policor të Drenasit, pastaj në QKMF "Dr.Hafir Shala" në Drenas dhe në QKU në Prishtinë dhe se gjendja e tij shëndetësore është stabile. Hoti thotë se Gjykata Komunale e Drenasit në procedurë të shpejt ka caktuar të dyshuarit arrest shtëpiak për 15 ditësh. Rrefimin në hollësi e ka dhënë të shtunën për gazetën bashkëshortja e qytetarit të rrahur, Qerime Bytyqi, e cila është police në Stacionin Policor të Drenasit. Ajo tregon te ketë marrë lajmin nga një koleg i saj derisa ishte ne detyrë zyrtare. Qerimja thotë se ngjarja ka ndodhur rreth orës 15:00, atëherë kur fëmijët dalin nga çerdheja. "Automjeti i burrit ka qënë i parkuar përballë çerdhes dhe nuk ka qënë i vetmi, aty janë parkuar edhe tri vetura të tjera, sepse të gjithë në atë kohë marrim fëmijët dhe në mungesë të parkingut për pak kohë shfrytezojmë trotuarin", ka filluar të tregoj ajo rastin e ditës së 19 marsit. Qerimja rrëfen se është detyruar të marrë pushim mjekësor për të qëndruar afër dy fëmijëve të saj të traumatizuar dhe burrit të lenduar. Ajo thotë se, përveç bashkëshortit, nga shufrat dhe spreji i policisë janë prekur edhe fëmijët e saj. "Djalin e kam të lënduar nga shufrat e policëve dhe nga spreji që kanë përdorur në sytë e fëmijëve", ka thënë ajo. Qerimja tregon se kur ka arritur për t'i marrë fëmijët në çerdhe i ka gjetur të traumatizuar nga sjellja e policëve dhe thotë se aty kanë qënë edhe rreth 50 fëemijë të tjerë atë ditë kur ka ndodhur ngjarja. "Une vet jamë police dhe nuk kemi të drejt në prezencë të shkollave, çerdheve dhe frekuentimi i të miturve të përdorim dhunë e aq më pak përdorim para fëmijëve të shufrave dhe të sprejit", thot ajo. Ajo tregon se ka kërkuar nga policia që të hapë rast për ngjarjen që i ka ndodhur, por tregon se një gjë e tillë nuk është marrë parasysh nga Stacioni Policorë i Drenasit. "Kam njoftuar Qendrën për Punë Sociale, Këshilin e të Drejtave dhe Lirive të Njeriut", ka thënë ajo. Ajo përmend edhe emrat e policëve që kanë qënë atë ditë, B.G, A.F,K.I, I.P dhe L.T. "Nga tramuat e shkaktuara fëmijët i kam dërguar edhe në spital dhe raporti i mjekut të pediatrisë kam marrë se fëmijët kanë pësuar stres traumatik", ka thënë ajo. Për këtë ngjarje Qerimja tregon të këtë angazhuar edhe avokat mbrojtës. Mihrie Halilaj edukatore në çerdhen e qytetit, tregon se atë ditë i ka dorezuar fëmijët prinderit, por thotë se pas një kohe ka dëgjuar piskamet e fëmijëve. "Kur kamë dalë jashtë kamë parë të gjithën, për një moment më kanë shkuar sytë nga fëmijët dhe me vrap kam shkuar për t'i larguar nga vendi i ngjarjes, kur i kam sjellë në çerdhe të tërë u dridheshin nga frika, nga ta nuk dëgjohej tjetër fjalë vetëm se na kanë rrahë policia babin", tregonte gjendjen rrënqethëse të fëmijëve Mihrija. Ajo pranon problemin e mungesës së vendparkimit për veturat që sjellin dhe marrin fëmijët, por shton se janë bërë disa herë kërkesa për rregullimin e një vendpakrim, gjë që nuk është zgjidhur asnjëherë. Edhe drejtori i çerdhës së qytetit "Ardhmëria", Nuredin Ibriqi, tregon incidentin e krijuar atë ditë dhe paraqet se problem kanë më nje vendparking ku do të mund të qëndrojnë veturat e prindërve të fëmijëve, por tregon se kërkesa e tyre ende nuk ka marrë kahun e realizimit.

Gjykata më vetëm 2 gjykatës

Gjykata Komunale e Drenasit, për mungesë të gjyqtarëve, grumbullon lëndë të pazgjidhura



Kryetari i Gjykatës Komunale të Drenasit, Avdi Haxhaj, ka bërë të ditur se nga 2.971 lënë bazike janë zgjidhur vetëm 1.446 sosh, ndërkohë kanë mbetur pa u zgjidhur 1.542 lënë, ose 52 për qind e numrit të përgjithshëm

Bekim Dobra

Drenas, 21 mars - Kreu i Gjykatës Komunale të Drenasit, Avdi Haxhaj, i është dashur t’i përvjelë mëngët vetë për të shqyrtuar 282 lëndë, ngase numri i kuadrove në këtë gjykatë nuk mjafton për t’u kryer puna me efikasitet. Kryetari Haxhaj është ankuar se numri i vogël i gjykatësve ka bërë që të mos ketë as kolegj penal, kështu që lëndët penale duhet të procedohen në Prishtinë. Gjykata Komunale në Drenas tash ka mbetur në vetëm dy gjykatës, ndërsa vitin e kaluar kishte tre. “Bazuar në numrin e banorëve që ka Komuna e Drenasit të paktën duhet t’i kemi 6-7 gjykatës, kurse kemi vetëm dy, në këtë mënyrë nuk e kemi numrin e mjaftueshëm të gjykatësve për ta pasur edhe kolegjin penal, kështu që lendët detyrohemi t’i dërgojmë në Prishtinë”, thotë Haxhaj. Duke folur me shifra, kryetari i Gjykatës, Haxhaj, ka saktësuar se nga 2.971 lëndë bazike janë zgjidhur vetëm 1.446 sosh, ndërkohë kanë mbetur pa u zgjidhur 1.524 lëndë, ose 52 për qind e numrit të përgjithëshëm. Ai tregon se 1.202 lendë janë trasheguar nga viti 2007 dhe që ato janë të grumbulluar nga viti 2003. Sipas një raporti të prezantuar, gjykata ka pasur në procedurë 555 lëndë të natyrës penale, nga të cilat janë zgjidhur 303 sosh. Lëndë të natyrës civile kishte në trajtim 679 lëndë, nga të cilat janë zgjidhur vetëm 273. Kryetari Haxhaj në veçanti, ka potencuar ngecjet në zgjidhjen e lëndëve përmbarimore (ekzekutimet). Sipas tij, nga 1.069 lëndë përmbarimore është arritur që zbatohen vetëm 332 prej tyre, kanë mbetur pa u përmbaruar edhe 737 sosh. “Mund të them me komoditet të plotë, se janë treguar rezultate në punë, ndonëse na kanë përcjellur shumë vështirësi, siç janë niveli i ulët i pagave, mosplotësimi i vendeve të zbrazëta për pozitën e gjykatësve, stërngarkimi me punë i stafit të adminstratës gjyqësore, si pasojë e moslejimit të vendeve të nevojshme shtesë të punës, stëvjetërimi i pajisjeve elektronike”, ka veçuar disa nga vështirësitë, ai. Haxhaj për një gjykatës më pak që ka mbetur gjykata ka thënë se arsyet janë se nuk ka stimulim për punën e bërë, ndërsa puna është tejet e ngarkuar. Një veshtirësi tjetër Hazhaj ka potencuar edhe ligjet e shumta, ato të UNMIK-ut, ato të ish-Jugosllavis që thotë se ende punojnë me to në mungesë të ligjeve të reja dhe i veshtirësojnë në masë të madhe punen.

Komuna dhe organizata “Islamic Relief” bashkë në projektin “Shëndeti dental”

Drenas, 19 mars - Drejtoria e Shëndetësisë dhe Mirëqenies Sociale dhe organizata “Islamic Relief” në Drenas kanë nënshkruar një memorandum mirëkuptimi për realizimin e projektit të “Shëndetit Dental”, i cili do të implementohet në dy qendra të mjekësisë familjare, në Tërstenik dhe në Komoran, projekt, i cili do tëkushtojë mbi 27 mijë euro. Projekti për shëndetin dental ka për qëllim humanitar në ofrimin e shërbimeve mjekësore për shërbimin dental në menyrë që jetimeve dhe familjeve të varfra t’iu ofrohet kujdes shëndetësor. Vendi ku do të implementohet projekti janë dy qendrat e mjekësisë familjare, njëra në Tërstenik dhe tjetra në Komoran. Projekti do të zgjasë 12 muaj me mundësi vazhdimi. Drejtori i Shëndetësisë Komunale të Drenasit, Ilmi Dobra, ka thënë se përmes këtij projekti DSHMS-ja është e obliguar të punësoj stafin punues, të ofroj objektin në shfrytëzim dhe të mbikëqyrë anën profesionale të shërbimit që do të kryhet nga ana e personelit të punësuar. ( B. D. )

Shtyhet për 15 prill procesi gjyqësor për rastin e xhamisë në Zabel të Ulët

Drenas, 19 mars - Për mungesë të palës së dëmtuar-mulla Osman Musliut, procesi gjyqësor i nisur dy ditë më parë në Gjykatën e drenasit është shtyer. Gjykatësi Skënder Zariqi ka marrë vendim që të ndërpritet seanca gjyqësore për shkak të mosprezencës së palës së demtuar, përkatësisht Osman Musliut, i cili ka deklaruar se nuk ështënë gjendje të mirë shëndetësore. Vendimi i procesit është caktuar për datën 15 prill. ( B.D )

Fillon dhe ndërpritet gjyikimi për rastin e xhamisë së Zabelit të Ulët në Drenas

Drenas, 18 mars - Procesi gjyqësor i rastit të rrahjes në Xhaminë e Zabelit të Ulët, i nisur të mërkurën në Gjykatën Komunale në Drenas është ndërprerë, pasi që prokurori Faik Hoxha ka thënë të jetë fyer nga deklarimi i mullla Osman Musliut. I fundit ka akuzuar prokurorin se nuk ka arritur të identifikojë sulmuesit e tij. Pas këtyre fjalëve, prokurori Hoxha ndërprehu seancën. “Nuk kamë ardhur në seancë për të mi vlerësuar aftësitë e mija, por për të kryer procesin gjyqësorë në bazë të Ligjit”, ka thënë prokurori Hoxha. Ndërkaq gjyqtari komunal, Skënder Zariqi pas braktisjes së seancës nga prokurori Hoxha ka kërkuar që seanca të vazhdoi ditën e enjte me marrjen në pyetje të dëshmitarëve dhe të akuzuarve tjerë. Të nëntë të akuzuarit për këtë rast në ditën e parë të gjykimit kanë mohuar fajësinë që u ngarkohet. Ata akuzohen për shkaktim të dëmeve fizike,vepër kjo e cila sanksionohet me Kodin penal të Kosovës. Ndryshe, në incidentin e 9 shkurtit në xhaminë e fshatit Zabel i Ulët ishte rrahur kryetari i Bashkësisë Islame të Drenasit, Osman Musliu dhe dy qytetar. ( B.D )

Grupet vullnetare ndryshojnë gjendjen për mirë në arsim

Projekti i Qendrës së Përparimit dhe Edukimit Arsimor (QPEA) nga Ferizaj jep rezultate në Drenas



Drejtori i Arsimit i Drenasit, Arsim Mehmeti, ka thënë Komuna e Drenasit prin me shtrirjen e projekti të grupeve vullnetare që ka si qëllim koordinimin e punëve në grupe edhe në udhëheqje shkollash

Bekim Dobra

Drenas, 16 mars - Drejtoria komunale e Arsimit e Drenasit së bashku më Qendrën e Përparimit dhe Edukim Arsimorë (QPEA) nga Ferizaj dhe më 28 shkollat e kësaj komune, në saj të formimit të grupeve vullnetare si projekt në shkolla ka dhënë rezultate. Drejtori i Arsimit në Drenas, Arsim Mehmeti, ka thënë se DA-ja nё bashkёpunim me QPEA-në nga Ferizaj kishte themeluar nё shtator të vitit 2008 fillimisht 2 grupe vullnetare nga nxёnёsit nё 2 shkolla fillore, më sakt nё fshatin Abri e Epёrme dhe Korroticё e Epёrme si pilotprojektet e para nё Drenas. “Ideja pёr themelimin e kёtyre grupeve vjen si rezultat i bashkёpunimit tё shkёlqyeshёm qё ka DA-ja nё Drenas me QPEA-nё, e cila vepron nё Komunёn e Drenasit me intensitet mё tё madh qё nga viti 2008 dhe falё Kryesisё sё kёsaj qendre, shkollat kanё pёrfituar mbajtjen e disa trajnimeve me tema kryesisht psikosociale nёpёr shkolla”, ka theksuar drejtori Mehmeti. Nga fillimi i trajnimeve të mbajtura, Mehmeti ka thënë se kanё dhёnё rezultate tё mёdha nё 2 shkollat fillore, duke krijuar klimё tё pёrshtatshme psikosociale nё procesin mё tё ndjeshёm arsimor mёsimdhёnie-mёsimnxёnie nё pёrfshirjen e prindёrve nё angazhime maksimale pёr fёmijёt e tyre pёr tё jetёsuar zbatimin e reformave me nxёnёsit nё qendёr me qёllim tё arritjes sё cilёsisё nё arsim qё ёshtё prioriteti kryesor i vendit. Nga tema të ndryshme qё janё mbajtur nё kёto trajnime, njёra nga to qё ka zgjuar interesim tё madh te tё gjithё ka qenë ajo pёr punёn vullnetare, ka thënë drejtori Mehmeti, temё e cila referohet nga libri i dr. Anica Mikush Kos, njё humaniste e njohur sllovene dhe mike e madhe e shqiptarёve, e cila ka qenё nё Komunёn e Drenasit dhe kishte vizituar shkollat. Në të gjitha shkollat e Komunës së Drenasit janë formuar grupet vullnetare, ku secila shkollë ka nga 15 nxënës dhe nga një koordinator mësimdhënës. Deri tashti kёta vullnetarё sipas drejtorit Mehemti, kanё organizuar njё varg aktivitetesh vullnetare nё shkolla e tyre, duke ndryshuar gjendjen pёr tё mirё tё nxёnёsve si nё suksese nё mёsime, ashtu edhe nё vetё ndryshimin e ambienteve shkollore. “Janë themeluan 28 grupe vullnetare nё tё gjitha shkollat fillore dhe tё mesme nё Komunёn e Drenasit, duke shёnuar kёshtu risinё e parё nё Republikёn e Kosovёs”, ka theksuar drejtori Mehmeti. Qёllimi i formimit tё kёtyre grupeve, Mehmeti ka thënë se ёshtё nё radhё tё parё që shkollat tё kenё klimё tё pёrshtatshme psikosociale, e cila do tё krijon mundёsi tё reja tё gjithёpёrfshirjes nё procesin edukativo-arsimor nё ndihmё nxёnёsi-nxёnisin nё fusha tё ndryshme arsimore, krijim tё njё kulture humanitare qё mungon nё masё tё madhe sidomos nё Kosovёn e pasluftёse. “Secili nxёnёs vullnetar nё fund tё vitit shkollor do tё merr njё çertifikatё si dёshmi e angazhimit tё tij, ndёrsa mёsimdhёnёsit koordinatorë do tё pёrfitojnё trajnime dhe çertifikatё falёnderimi”, ka thënë Mehmeti. QPEA-ja që ka mbështetur këtë pilot projektin në Drenas ka siguruar 74 bursa për nxënësit të shkollave të mesme të Drenasit për këtë vit shkollor.

Defektet deknike lënë fëmijët pa çerdhe

Në Drenasin III, prej pesë vitesh, një objekti i arsimit parafillor mbetet jashtë përdorimit

Drejtori i QEAP-së “Ardhmëria”, Nuredin Ibriqi, thotë se objekti i vetëm institucional që ai menaxhon nuk i përmbush kërkesat e shumta, ndërsa çerdhja po shkatërrohet si brenda ashtu edhe jashtë

Bekim Dobra

Drenas, 11 mars - Objekti i çerdhes për fëmijë, i ndërtuar para më shumë se 5 vitësh në Drenasin III ende mbetet jashtë funksionit, ngaqë nuk është pranuar teknikisht, shaku i defekteve. Kjo çerdhe është ndërtuar nga një donacion i jashtëm, ndërsa punimet i ka kryer një firmë vendëse. Pas një viti, në këtë objekt janë bllokuar tubat e kanalizimit dhe si pasjë është dashur të ndërpritet puna në këtë çerdhe. Katër vjet pas ndërtimit, objekti është demoluar brenda dhe jashtë. Drejtori i SHF “Ali Gashi”, Haki Kuliqi, i cili një kohë ka qenë edhe përgjegjës i mirëmbajtjes së këtij objekti, tregon se që nga fillimi i punimeve ua koshte tërhequr vërejtjen strukturave të atëhershme komunale se punimet nuk janë duke u bërë mirë, por tregon se nuk është ndërmarrë asgjë. Kuliqi kujton se pasi që janë përfunduar punimet, KK-ja teknikisht, nuk i koshte pranuar objektin, porse ky vendim ka qenë i vonuar. Tashti objekti nuk i përmbush standardet për të funksionuar si një institucion i edukimit parafillor, pasi që nuk ka të rregulluar nyjat sanitare, kanalizimin dhe është demoluar në masë të madhe. Pamja e jashtme e objektit tregon se është shndërruar në një vend mbeturinash. Çdo gjë që e pengon objektin e SHF-së “Ali Gashi”, dhe vetë nxënësit i hedhin në oborrin e çerdhës. Drejtori Kuliqi thotë se janë dëmtuar edhe dritaret e objektit. Objekti ishte ndërtuar më të vetmin qëllim për të lehtësuar çerdhen e vetme të qytetit që nuk i përmbush kërkesat e banorëve të Drenasit. Këtë e konfirmon edhe drejtori i QEAP-së “Ardhmëria”, në Drenas, Nuredin Ibriqi. Ai thotë se kërkesat janë tejet të mëdha që të vendosën fëmijët e moshës 1- 6 vjeç në këtë institucion të vetëm në qytet, ndërsa mundësit janë të vogla. “Mundesitë tona janë deri në 100 fëmijë të qëndrojnë në këtë objekt, ndërsa kërkesat janë shumë të mëdha, objekti është tejet i vjetëruar që dikur ishte shfrytëzuar si ambulancë shëndetësore”, tregon vështirësitë Ibriqi dhe thotë se disa herë objekti ishte renovuar e përshtatur për të marrë pamjen që ka sot. “Me ndërtimin e një objekti të ri ose zgjerimin e këtij ekzistues do t’i dilnim në ndihmë qytetareve dhe kërkesave të shumta”, thotë Ibriqi. Ndërsa zyrtarët komunalë nuk premtojnë shumë në realizim të shpejtë të funksionimit të objektit ekzistues në Drenasin III. Drejtori i Arsimit, Arsim Mehmeti, thotë se është menduar në zgjidhjen e këtij problemi, por tregon se prioritet i dëritanishëm ka qenë si nga qeveria ashtu edhe nga institucionet lokale rregullimi i shkollave. Ai ka potencuar janë duke shikuar mundësitë përmes donatorëve të jashtëm për të riparuar nyjen sanitare të objektit dhe të gjejnë zgjidhje të shpejt.

Komemoracion për ish-kryetarin e Drenasit

Më rastin e vdekjes në moshë 76 vjeçare të Halil Halilajt


Bekim Dobra

Drenas, 9 mars - Më rastin e vdekjes së magjistrit të drejtësisë, idh-kryetarit të Drenasit, Halil Halilaj, në sallën e Kuvendit Komunal të Drenasit është mbajtur komemoracion, të hënën. I ndjeri ishte kryetar i Drenasit ,veprimtar politik dhe së fundmi gjykatës i Gjykatës Supreme të Kosovës. Kryetari i Drenasit, Nexhat Demaku, në emër të qytetarëve të komunës, i ka shprehur ngushëllime familjes Halilaj, duke thënë se "Halil Halilaj ishte kryetar në kushtet më të vështira dhe në kohën me të ndjeshme të Kosovës. Por çdo herë u ka dalë në mbrojtje qytetarëve të kësaj komune”, ka thënë Demaku. Ndërsa në emër të Gjykatës Supreme të Kosovës ka folur Rexhep Haxhimusa. Ai ka theksuar se Kosova sot po ndahet nga gjyqtari më i mirë i viteve 60-70-80. Mungesa e tij do të ndihet çdo herë në Gjykatën e Kosovës. Daut Demaku është shprehur se biografia e Halilit është shumë e fuqishme dhe këruar nga rinia dhe e ardhmja e vendit të mos e harrojnë veprën dhe sakrificën e Halilit. Më këtë rast familjes Halilaj i kishin mbërritur shumë telegrame ngushëllimi, ndër të cilët edhe i ministres së Drejtësisë, Nekibe Kelmendi. Për ta nderuar veprën e Halil Halilajt merrnin pjes shumë përfaqësues institucionesh, familjarë qytetarë. Ndërkohë varrimi i Halilajt u bë në varrezat e Drenasit III. Ai ka ndërruar jetë në moshën 76 vjeçare.

Shkatërrohet objekti që nuk menaxhohet nga askush

Mbetët i padefinuar statusi i Stacionit të Autobuseve në Drenas dhe gjendja e keqe e tij


Drejtori i "Kosovartansit" në Drenas, Hajzer Istogu, thotë se që nga viti 2007 shërbimet e kompanisë janë pa operime, ndërsa mbahen me vështirësi nga të hyrat e transportuesve privatë, kurse zyrtarët komunal, thonë se është oblige i “Kosovatransit” ta mirëmbajë satcionin

Bekim Dobra

Drenas, 3 mars - Që nga ndërtimi, Stacionit të Autobusëve në Drenas ka mbetur pa statusin që i takon dhe gjithnjë në gjendje të keqe. Prona ku operojnë transportuesit privat është e komunës, ndërsa kjo e fundit nuk ka bërë asgjë për të rregulluar statusin e vet. Stacioni i Autobuseve kontrollohet nga "Kosovatransi", ndërsa kjo e fundit tash për tash mbikëqyret nga AKP-ja. Ndonëse ka licencën e operimit ndërmarrja në fjalë nga Ministria e Transporti dhe PostëTelekomunikacionit, veprimtaria e saj që nga viti 2007 është vetëm kryerja e shërbimeve në stacion. Drejtori i "Kosovatransit", Hajzer Istogu, ka thënë se çështja e Stacionit të Autobusëve që nga ndërtimi është ende pa një status të veçantë. Thotë të kenë bërë kërkesa disa herë në KK të Drenasit, por pa ndonjë rezultat. Tregon se të ardhurat ndërmarrja i realizon nga të hyrat prej 2 euro për peron nga transportuesit privatë. Ndërsa veshtirësitë janë pasi që ndërmarrja ka 37 punëtorë dhe realizimi i të ardhurave krijohet më shumë zor. Istogu tregon se kanë në dispozicion 167 metra katrorë dhe janë 6 peronë ku më vështirësi operojnë edhe transportuesit privatë. Paga minimale për një punëtor tregon të jetë 60 euro, ndërsa më e larta prej 120 euro. Istogu ankohët edhe në linjat e transportuesve privatë, të cilët ndërpresin linjat, për çka tregon se edhe atyre ju paraqet vështirësi operimi ilegalë i kombibusëve, gjë që ndikon negativisht në menaxhimin e të hyrave të ndërmarrjes. Një veshtirësi tjetër potencon Istogu, janë disa transportues të tjerë privatë, të cilët kalojnë transit pa u ndalur në Stacion në Drenas në destinacionin Prishtinë-Drenas-Skenderaj. "Ne nuk mund të menaxhojmë ndërmarrjen, duhët të kemi një status të definuar. 37 punëtorë që kanë punuar për sa vjet në njëfarë mënyre kanë mbetur pa punë", ka thënë Istogu. Nga ana tjetër zyrtarët komunalë të Drenasit thonë se Stacioni i Autobusëve është pronë e tyre, por pranojnë se nuk menaxhohet nga komuna. Drejtori i Shërbimeve Publike, Ragip Gjoshi, thotë se vendi është pronë komunale, por që kurr nuk është menaxhuar nga komuna. Gjoshi ka theksuar se Stacioni i Autobuseve i është dhënë në shfrytëzim "Kosovatransit". Sipas Gjoshit shfrytëzuesi është i obliguar të mbajë objektin ashtu siç e kishte pranuar. "E tërë pasuria është pronë komunale e dhënë në shfrytëzim "Kosovatransit", ndërsa kjo e fundit që nga marrja në shfrytëzim nuk i ka paguar komunës tatimin e obliguar sipas rregullores", ka thënë Gjoshi. Ai shton se ndërmarrja ka të drejtën të funksionoj vetëm si ndërmarrje shërbyese. "Ne kuptojmë se ndërmarrja ka veshtirësi të mëdha ekonomike, ka afër 40 punëtorë që nga të hyrat e vogla mbahet që më nje kosto aktuale nuk i mbulon aktivitetet", thotë Gjoshi. Por shton se sipas Ligjit për ndërmarrjet publike i ndalohet regjistrimi ndërmarrjeve të reja dhe bie ndesh më Ligjin e qeverisjes locale. Përderisa Komuna dhe "Kosovatransi", nuk merren vesh, vendi i Stacionit të Autobuseve po shkatërrohet. Ndërkaq kryetari i Drenasit, Nexhat Demaku, ka thënë se do të merr hapa në bashkëpunim më inspektorët komunalë që të merrën masa rreth stacionit dhe çështjeve të tjera të parregullta.

Edhe këtë muaj nuk marrin paga 11 punëtorë të pasistemuar

Bekim Dobra

Drenas, 8 mars - Kryetari i Sindikatës së Pavarur të Arsimit në Drenas, hajriz berisha, pas një takimi që ka pasur me kryetarin e Sindikatës së Pavarur të Arsimit në Kosovë, Ali Shabanaj, dhe kryetarin e arsimot fillor, Rrahman Jashari, ka njoftuar se edhe këtë muaj nuk kanë marrë pagat për 5 muaj 11 punëtorë të pasistemuar të dy shkollave të mesme. Drejtori i Arsimit, Arsim Mehmeti, ka informuar sindikalistet mbi terë procesin edukativo-arsimor që zhvillohet në Drenas dhe sipas tij me vendimin e MASHT-it për shtimin e paraleleve, janë punësuar punëtorët dhe të gjithë janë sistemuar sipas rregulloreve. Por MASHT-i buxhetin shtesë, për këta punëtorë edhe pas 5 muajsh nuk e ka lëshuar. Sindikalistet kanë propozuar që nga KK-ja të bëhet një zgjidhje në bashkëpunim më DKA-në dhe kryetarin në mënyrë që KK-ja t'u ndihmojë punëtorëve derisa MASHT-i të bëjë një zgjidhje në mënyrë që punëtorët mos të pesojnë pa të ardhura pa fajin e tyre.

Më gjithë ndalesat, shkollarët në mësim me celular

Shkelet Kodi i Mirësjelljes nga nxënësit e shkollave të Drenasit


Nxënësit mbajtjen e celularit e quajnë domosdo, kurse përdorimin e duhanit fazë pjekurie, ndëkaq zyrtarët e arsimit thonë se prindërit pak po kontribojnë duke mos marrë pjesë në mbledhje

Bekim Dobra

Drenas, 4 mars – Shkolllarë të mesëm të Drenasit e konsiderojnë telefonin si domosdo kohe, ndërsa konsumimin e duhanit si fillim i moshës së pjekurisë. Edhe vetë nxënësit pranojnë se mbajn celularë si pjesë përditshëmerie, madje edhe në objektet shkollore. Ndonëse celularit duani janë ndaluara në shkolla, janë më evidentet në dy shkollat e mesme të Drenasit. “Edukimi nga mësimdhënesit nuk mungon. Por janë evidente përdorimi i celularit dhe përdorimi i duhanit”, ka thënë petagogu i gjimnazit “Gjergj Kastrioti-Skënderbeu” në Drenas, Sylejman Hajdari. Për parandalimin e këtyre dukurive, Hajdari ka thënë se nuk e ka mbështetjen prindërore. Madje thotë se prania e tyre është shumë e rrallë më gjithë takimet e planifikuara që janë obliguese për çdo muaj. Ata nuk i përgjigjën thirrjes. “Secili nxënës bart me vete telefonin, ne po përpiqemi ta eliminojmë këtë dukuri, pasi që paraqet pengesë në mësim, por është tejet e vështirë”,thotë Hajdari. Ai shprehet se nuk kanë pasur raste deri tanshti të paraqitura kur nxënësi ka penguar procesin mësimorë, por ka pranuar se si dukuri është prezente. Profesoresha e biologjisë, Syzana Bytyqi, tregon t’i këtë lëshuar të përdorin celularët nga nxënësve kur thotë se kanë pasur raste urgjente. Por në raste tjera ka marrë masa sipas Kodit të Mirësjelljes. Edhe drejtori i SHMT “Fehmi Lladrovci”, Gani Krasniqi, ka pranuar se në shkollën e tij është evidente dukuria e përdorimit të celulareve dhe konsumimi i duhanit. Shton se deri sa të merret një hap tjetër që të ndalohet edhe bartja e telefonit në shkolla, përdorimi i bisedës, është vështirë t’u ndalohet në objekt shkollore. Drejtori Krasniqi, tregon se kanë pas raste kur edhe i kanë marrë nxënësit telefonin. Ndërsa për konsumimin e duhanit ka thënë se atë e përdorin meshkujt jashtë oborrit të shkollës. A.K, nënës i gjimnazit, tregon se ka përdorur disa herë telefonin pa u vënë re nga mësimdhënesi. “Po valla e kam përdor, se e la me vibrim edhe si te bahet zhurum pak në klasë une edhe bej thirrje”, tregonte ky nxënës. Astrit Hajdari, kryetar i Këshillit rinorë të nxënësve, ka thënë se të gjithë nxënësit bartin telefona dhe se ata e konsiderojnë atë si domosdo kohe. “Nuk jemi kundër bartjes së telefonit, por jemi kundër kohës ku shfrytëzohet, sidomos gjatë orës mësimore”, thotë Hajdari. Ai ka thënë se problem më i theksuar brenda objekteve shkollore është konsumimi i duhanit, sidomos ka veçuar femrat. Ndërkaq drejtori i DA-së në Drenas, Arsim Mehmeti, ka thënë se dukuria e përdorimit të celularëve në shkolla dhe konsumimi i duhanit është bërë problem i madhë. Thotë se është duke u punuar bashkërisht më mësimdhënësit për t’u zbatuar Kodi i Mirësjelljes, por tregon se mungon edhe mbështetja prindërore e nxënësve.

Administrat e Drenasit minus 31 punëtorë

Bekim Dobra

Drenas, 1 mars - Më miratimin e rekomnandimeve të Grupit punues ndërqeveritarë për kriteret e madhësisë së administratës komunale, ku sipas organogramit dhe tabelës numërike, Komuna e Drenasit karshi komunave që kanë deri në mbi 50 punëtor plus, Drenasi është minus 31 punëtorë administrativë. Kjo gjë është bërë e ditur me vendimin që ka marrë Komuna e Drenasit nga Qeveria e Republikës së Kosovës, në të cilin është thënë se Drenasi është në mungesë të punëtorëve administrativë për 31 veta. Për zbatimin e këtij vendimi, Qeveria ka ngarkuar Ministrinë e Administrimit dhe Pushtetit Lokal, Ministrinë e Ekonomisë dhe Financave si dhe atë të Shërbimeve Publike. Mirëpo më gjithë zbatimin e këtij vendimi KK të Drenasit i është rekomanduar që të zbatojë pas 20 muajve. Në bazë të këtij vendimi të firmosur nga kryeministri o Kosovës, Hashim Thaçi, është paraqitur edhe në menyrë tabelare organogrami i pozitave bazë për Komunat e Kosovës. Komunat e Kosovës që kanë më pak se 100 mijë banorë, 1 punonjës administrate do të shërbejë për 780 qytetarë, është thënë ne këtë vendim. Në kalkulimet e pozicionimit të stafit komunal, tabela e skenarit që është paraqitur nga Qeveria e Kosovës më statistika të përgjithshme për Drenasin, janë paraqitur 60 mijë banorë. Kjo gjë nuk duket të jetë ashtu. Në faqën zyrtare të OSBE-së numri i popullatës në Drenas arrin në mbi 75 mijë banorë, dhe në bazë të këtij numri i punonjësve adminstrativë që duhet shtuar arrinë në 40 veta. Zyrtarët komunalë të Drenasit kanë thënë se vendimi i arritur parasheh zbatim decentralizues pas 20 muajsh nga dita e hyrjes në fuqi të këtij vendimi.

Këshilltaarët komunal ende mbajnë poste të dyfishta

Drenas, 1 mars - Më gjithë vendimin e Ministrisë së Administrimit të Pushtetit Lokal lidhur me mbajtjen e vetëm një posti, nga këshilltarët e Kuvendit Komunal të Drenasit ata ende vazhdojnë t’i mbajn nga dy sosh. Kuvendi Komunal i Drenasit ka 6 këshilltarë që mbajn njëherësh nga dy vende pune, që bien ndesh më vendimin e MAPL-së. Megjithatë MAPL-ja ka marrë vendimin madje me ultimatum për zbatimin e këtij vendimi për një përiudhë të shpejt, zyrtarët komunal të Drenasit nuk e zbatojnë një vendim të tillë. Drejtori i Administratës dhe Përsonelit i Drenasit, Xhemë Binaku, ka thënë se nuk kemi marrë asnjë vendim të tillë deri më tashti. “Në zyra të Kuvendit Komunal nuk kemi marrë asnjë vendim të tillë për tërheqjen e këshilltarëve komunal nga njëri post”, thotë Binaku. Kuvendi Komunal i Drenasit ka gjithsejt 31 këshilltarë, 22 janë nga PDK-ja, 3 nga IBQ-ja, 3 kandidat të pavaruru (2 nga ish-AAK-së dhe një nga ORA), nga një kanë LDK-ja, LDD-ja dhe AKR-ja. Ndërsa nga 6 deputet që ushtrojnë nga dy pozita, 4 janë nga radhet e PDK-së, ndërsa një nga IBQ-ja dhe 1 nga LDD-ja. (B.D)

Gropa midis rruge, rrezikon pjesëmarrësit në qarkullim

Drenas, 1 mars - Kjo grop e hapur në mes të rrugës kryesore të Drenasit ka mrizuar sa ditë pa e penguar askënde. Ndonëse është tejet e rrezikshme dhe pengesë në rrugë , zyrtarët komunal nuk kanë ndërmarrë asgjë për mbulimin e saj pas vjedhjes së kapakut nga përsonat e pandërgjegjshëm. Qytetarët ankohen se ajo është bërë tejet e rrezikshme sidomos natën për automjtet të cilat mund të hasin në të. Ndërsa zyrtarët komunal nuk janë në dijeni për këtë gropë. B.D

Disa barnatore respektojnë, disa jo ararin e kujdestarisë

Drejtori i Shëndetësisë komunale Ilmi Dobra ka thënë se ne kemi marrë një vendim të tillë për respektimin e orarit të kujdestarisë, ndërsa për zbatimin e këtij vendimi janë inspektoret ata që do të kujdesën për zbatim apo moszbatim

Bekim Dobra

Drenas, 1 mars – Nuk është mbushut as edhe një muaj i plotë që kur është marrë vendimi i Drejtorisë së Shëndetësisë Komunale për orarin e kujdestarisë nga barnatoret private në Drenas, por një vendim i tillë nuk ka gjetur respektim nga barnatoret private. Drejtori i Shëndetësisë, Ilmi Dobra, ka thënë se gjatë një takimi me përfaqësuesit e të gjithave barnatoreve private qe kanë pas, kanë marrë një vendim të tillë. Ai ka thënë se në bazë të këtij vendimi caktohet orari i kujdestarisë në Drenas dhe se vlen për 4 barnatoret private që operojnë si ajo “Dea”, “Medikos”, “PallmaFarm” dhe “Internistika”. Dobra ka thënë se orari i kujdestarisë për barnatorët e cekura më lart fillon prej orës 21 deri në orën 8:00 të mëngjesit. “Më këtë orar kanë pajtuar përfaqësuesit e barnatorëve private, por pse tani nuk janë duke zbatuar une nuk e di, ne kemi qenë të obliguar të marrim këtë vendim, tani për zbatim ose jo duhët të merrën inspektoret”, ka thënë Dobra. Mirëpo përkundër këtij vendimi që është marrë, ai ende nuk është duke u venë në jetë nga të gjitha barnatoret. Këtë e pranon edhe pronarja e barnatores “MedKos”, Sebie Hasi. Ajo ka thënë se nuk janë duke bërë kujdestari gjatë orarit të natës. Hasi ka thënë se punojnë vetëm deri në orën 19:00, ndërsa për mosrespektim të orarit të caktuar si arsyetim ajo ka thënë se nuk kanë siguri të mjaftueshme. Nuk është vetëm barnatorja “MedKos” e cila nuk respekton këtë vendim janë edhe dy barnatore tjera që nuk bejnë kujdestari. Nevojtareve ju bie që të shkojnë për barëra në komunat tjera, si në Skenderaj e Malishevë. Ajo që bënë kujdestari kur të ka orarin, është barnatorja “Dea”. Esat Pajaziti, pronarë i barnatorës së fundit thotë se që nga marrja e vendimit janë duke zbatuar orarin e kujdestarisë, edhe ate kur të tjerat nuk kujdestarojnë. Drejtoresha e Inspektoriatit, Hyrije Xhemajlaj- Thaçi, ka thënë se vendimi posa është marrë dhe ka shtuar se do të përkujdesën që të respektohet nga të gjitha lokalet që kryejn shërbim farmacist, të kundërtetn ka thënë se do të merren masa ndeshkuese që parasheh ligji.

Në Drenas u prezentua Plani i veprimit rinor

Bekim Dobra

Drenas, 28 shkurt - Këshilli i veprimit rinor lokal i Drenasit përmes OJQ-së "Zana", të shtunën ka bërë prezentimin e planit për vitin 2009/2010 para nxënësve të shkollës së mesme teknike "Fehmi Lladrovci". Durmish Kurti, anëtar i hartimit të projektit dhe përfaqësues i OJQ-së "Zana", ka thënë se ky projekt ka rëndësi, ngase i bën më aktivë nxënësit dhe të rinjtë e kësaj komune. Përmes këtij projekti janë paraparë edhe fushat ku do të shtrihet aktiviteti rinor i Drenasit. Në arsim, është paraparë rregullimi i ambienteve shkollore, abatimi i reformave, parandalimi i dhunës në shkolla, zbatimi i të drejtave etj. Për të zhvilluar debate, konferenca, punëtori, seminare e fushata, për të gjitha ato që u përmenden, KVRL-ja ka prezentuar dhe ka kërkuar nga Kuvendi Komunal i Drenasit19 mijë e 100 europër ta mbeshtetur aktivitetin e tyre. Mirëpo, gjasat e zbatimit dhe implementimin e këtij plani të përgaditur nga KVRL-ja janë minimale, ngase KK-ja ka miratuar buxhetin për këtë vit dhe janë bërë planifikimet se ku do të shpenzohet buxheti i sivjetmë.

Të rinjtë gjimnazist debatuan kundër dukurive negative

Kryetari i KK-së Nexhat Demaku, ka thënë se në bashkëpunim më strukturat e sigurisë dhe aktivitetet tjera në shkolla do të mundohemi që së bashku t'i luftojmë dukurit që nuk i përkasin shoqerisë sonë

Bekim Dobra

Drenas, 26 shkurt - Një debat që ka organizuar këshilli rinorë i gjimnazit "Gjergj Kastrioti Skënderbeu" ku tema e të cilit ka qënë "Preokupimet e të rinjëve për dukurit negaztive", kanë marrë pjes strukturat komunale, ato të sigurisë,përfaqësues të OSCE-së, EULEX dhe struktura tjera e nxënës shkolle. Fillimisht përmes projektorit, kryetari i këshillir rinorë të shkollës Astrit Hajdari, ka paraqitur problemet që shkatërrojnë të rinjët e kësaj komune, si trafikimi i qënieve njerëzore, droga, duhani, alkooli, prostitucioni, vetëvrasja, lojërat e dhunshme kompjuterike, braktisja e shkollave, siguria e nxenësve si dhe përdorimi i armëmbajtjeve pa leje nepër shkolla. Kryetari i Komunës së Drenasit, Nexhat Demaku ka përgezuar të rinjët e kësaj shkolle për organizimin e ketij debati të rendesishem. "Ne duhët në bashkëpunim të ndersjell me organet e sigurisë dhe aktiviteteve siç është ky sot t'i luftojmë dukurit që nuk i përkasin shoqerisë sonë", ka thënë kryetari Demaku. Ai ka pranuar se fatkeqësisht dukurit që po debatohen përmes këtij takimi janë prezente në Kosovë dhe ato po shenojnë çdo ditë e më tepër rritje. Murat Gashi, profesor i sociologjisë nga nxënësit ka kërkuar që të mos bien pre e trafikimit të qenieve njerëzore. Si dukuri tejet shqetesuese e të rinjëve në shkolla, Gashi ka thënë se është konsumimi i tepert i duhanit. "Duhani dhe konsumimi i tij tek të rinjët ka filluar në masë shumë të madhe, dukuri që mundëson alternativë te leht edhe në konsumimin e alkoolit dhe gjërave narkotike", ka thënë profesori Gashi. Ndërsa Isuf Isufi profesor ka ngeh shqetësimin tjetër ku në shkolla behët braktisja e bankave shkollore. "Braktisja e shkollës është ikja e dritarës nga jeta, dhe kjo vie nga dukurit si duhani, droga, devijimi i gjendjes psikike, veshtirësit ekonomike dhe sociale" ka thënë Isufi. Ai ka kërkuar bashkëpunim edhe më të madhë nga institucionet dhe organet arsimore, prinderore mësimdhënes që të parandalojnë këtë dukuri të braktisjes së shkollave. Ndërsa komandanti i stacionit Policorë të Drenasit Valdet Bujupi, ka thënë se policia ka plan strategjik dhe plane operative për parandalimin e dukurive negative dhe se çdo herë janë në patrollime të luftimit të zvoglimit të dukurive negative. Ai ka premtuar nxënësit se kan përkrahjen maskimale të Policisë së Kosovës. Në fund takimi ka marrë karakterin e një debati dhe pyetësori, ku nxënësit kanë pyetur të pranishimit për dukurit që i pengojnë ata në shkollë.

Më çekan dhe thumba të falur, arrin të mbaj familjen

Kadri Zymberi, me zanatin e kepuctarisë merret që nga viti 1989, thotë se në kohën më të veshtirë ka filluar të ushtron këtë zej që ka arrit të shkollon tre femijët e tij edhe më diploma universitare

Bekim Dobra

Drenas, 25 shkurt - Kadri Zymberi më prejardhje nga Komuna e Vushtrrisë, është nga këpucëtaret e vetëm që ushtron zanatin në Drenas, ndonëse një zej i tillë konkurenca e lirë e mbathjes mund edhe të shuaj një zanat të këpuctarisë. Janë vetëm dy lokale të tilla në Drenas që më fanatizëm, pasion e punë ekzistenciale mbajn këtë zej. Kadri Zymberi thot se zejin e këpuctarisë tani e ka ekzistenc, por edhe deshirë, që në jetë i ka sjellur edhe të ardhura të mira materiale. Tregon se fillimisht ka nisur këtë punë më një çekan dhe disa thumba të falur nga dajallaret e tij nga Mitrovica që më pastaj ka marrë kembet dhe ka pas sukses në këtë zej. Zymberi tregon se këtë zej ka filluar kur masat e dhunshme të vitit 1989 e kishin larguar nga ndërmarrja gjigante e “Trepçës” dhe thot se i kishin mbetur dy rrugë, të fillonte një punë te re, ose të largohej nga shteti. Por Zymberi kishte zgjedhur pikërisht zejin e kepuctarisë, ku edhe kishte ndjekur trajnimin për këtë zanat në Skenderaj. “Në fillim kam nisur punen në një kiosk të vogël, më vetëm një çekan dhe disa thumba të falur nga dashamirët” tregon fillimin e veshtirë të punës Zymberi, që thot se ka arrit të mbaj familjen më një ekzistenc të mirë. “Kam shkolluar tre femijët e mijë edhe më diploma universitare nga ky zanat, kam ndërtuar edhe shtepi dhe kam plotësuar të gjitha kushtet e jetëses nga e vetmja kjo punë ”, thotë Zymberi. Ai tregon veshtirësin dhe përipecit e jetës që i ka sjellur ky zanat. Thotë se ka qënë e veshtirë krijimi si dhe mbajtja e kësaj pune, sidomos në kohën e masave të dhunshme, por nevoja më ka shtyer të krijoj një zanat për të mbajtur familjen. Zymberi kishte filluat të hapte dhe fabrikën e këpuceve dhe një organizat e grave ndërkombëtare i kishte sjellur edhe makinat, por veshtirësit më energji elektrike i kanë djegur ato, por ka ndikuar edhe çmimi i ulët i këpuceve, tregonte Zymberi. Ai kujton se para luftës zhvillimi i këtij zanati ka pas edhe efekt më të madhë, por edhe përfitime, ndonese tregon pasigurinë e atëhershme, ndërsa krahason kohën e sodit dhe thot se tani kesaj pune dalëngadal edhe po i vie fundi dhe se fitimet janë shumë më të vogla. Zymberi tregon se ka mbajtur edhe kurse të këpuctarisë, sidomos për femra. Tregon se rreth 60 femra kanë marrë zanat nga ky zej që thot se këtë e ka bërë për t’i ndihmuar zonat e luftës, por edhe familjet që kanë humbur më të dashurit e tyre. Ai tregon se punojnë në një lokal jo më të madhë se 2 metra katrorë, më çmime shumë të vogla, prej 0.30 cent deri në 3 euro, varësisht nga demtimi i këpucës. Këtë thot se e bejnë duke e ditur gjendjen e rendë ekonomike dhe sociale të shumë familje në Drenas. “Ne krahasim më komunat tjera, ne kemi tregun e punës mjaftë të lirë, krejt duke u bazuar në kushtet ekonomike të dobëta në shumë familje”, thot Zymberi. Djali i tij Bujari, ndonese ka kryer fakultetin e kriminalistikës, punon që nga mosha 13 vjeçare më prindin e vet. Zymberi tregon se 6 anëtarë të familjes mbahën nga ky zanat, ndonese thot se puna është e veshtirë dhe e zorshme, por thot se e kam respektuar ngase ka arrit të mbaj familje po nga kjo punë që vazdon të mbaj me pasion.

Ndonëse Komuna kërkon të zgjidhet qështja, udhëtaret ende mërdhijnë jashtë

Komuna e Drenasit merret më shkresa drejtur Hekurudhave të Kosovës, pa veprim që restorant –hotelieri “Kalaja” të kthehet në stacion të trenit


Drenasi ka derguar edhe një letër përgjigje menaxhmentit të Hekurudhave të Kosovës lidhur më (ish) stacionin e trenit, ku nuk është terhiqur nga ajo se restorant- hoteleri “Kalaja” t'u kthehet destinimi që ka pas për udhëtarë

Bekim Dobra

Drenas, 22 shkurt - Përderisa Komuna e Drenasit dhe Menaxhmenti i Hekurudhave të Kosovës merren më shkresa derguar njëra tjetres pa asnjë rezultat për qeshtjen e stacionit të trenit që shfrytëzohet si restorant-hoteleri, më së shumti që pesojn janë udhetaret të cilët presin në qiell të hapur trenin që qarkullon në linjen Prishtinë - Pejë. Së fundi me letër përgjigje është marrur Kuvendi Komunal i Drenasit, ku i ka derguar menaxhmentit te Hekurudhave të Kosovës një shkres në të cilën është thënë se menyra e koncesionit të objektit në fjalë është dhenë në kundërshtim më Ligjin për procedurën e dhënies së koncesioneve. Letra që është e firmosur nga i pari i komunës, Nexhat Demaku drejtuar pikërisht drejtorit të infrastrukturës në HK, Nazmi Kajtazit, ku kërkohet që stacioni i trenit në Drenas të ju kthehet udhëtareve për çka edhe është i destinuar. Përderisa dy zyrtarë të lart në poste merren vetëm me letra dhe ato edhe fyese drejtuar njëri tjetrit, udhëtaret janë ata që mërdhijnë dhe që ju ekspozohën temperaturave plu e minus. Ata nuk kanë ende një vend ku do të mund të prisnin trenin. Në letër përgjigje kritikohët menaxhmenti i Hekurudhave të Kosovës në krye me Xhevat Ramosaj. Kryetari Demaku përmes saj drejton fjalet se Komuna e Drenasit ka kërkuar që restorant, “Kalaja” të kthehet në destinimin që ka pas, por nga ana e Hekurudhave të Kosovës nuk kemi marrë kurfarë përgjigje lidhur më këtë keresë. Përgjigje kemi marrë nga drejtori i infrastrukturës Nazmi Kajtazi i cili nuk është përgjigjur lidhur për mundësin e kthimit të objektit të stacionit të trenit në shfrytëzim të udhëtareve, por është marrë më çështje të cilat nuk janë objekt i kërkesës së parashtruar, është thënë në letrën që i është derguar HK-së. Më pastaj është shtuar se përgjigja e Kajtazit ka qënë se objekti është dhënë me koncesion dhe se mos të merrën (Komuna) më dezinformata për t’i informuar gabimisht votuesit e kryetarit Demaku. “Unë (duke përdorur vetën e parë kryetari Demaku në letër) nuk deshroj të bie në nivelin e tij (Nazmi Kajtazit) nga fakti se dihet kontributi i Komunës që përfaqësoj , kontributi im dhe dihet se une kam ardhë në pozit me votën e popullit të kësaj treve”, ka thënë kryetari Demaku në letër duke kritikuar drejtorin e infrastrukturës. Kryetari Demaku ka njoftuar strukturat menaxhuese të hekurudhave të Kosovës së koncesioni është dhënë në kundërshtim më Ligjin, nga baza se koncesionari (përfituesi i koncesionit) renovimin e objektit e ka bërë para se autoritetet kontraktuesetë shpallin publikisht dhënien e kontratës në pajtim më dispozitat përkatese të ligjit për prokurim publik dhe kjo dihët botërisht se koncesionari objekin e ka rinovuar duke filluar në muajin maj të vitit 2006, ndërsa tenderi nga autoriteti kontraktues është shpallur publikisht në muajin shkurt të vitit 2007. “Koncesionari nuk ka të drejtë, siç ka vepruar, ta ndryshoj në terësi funksionin e infrastrukturës, por është i obliguar të bejë modifikimin e shërbimeve me qëllim të plotësimit të nevojave për vazhdimësin e shërbimit për nevojat publike për qka edhe është i dedikuar ky objekt, ndërsa në rastin konkret i tërë objekti është shëndrruar në objekt hotilerie” është thënë ndër të tjera në shkres. Madje përmes letres strukturat komunale kanë mohuar të gjitha thëniet se autoriteti kontraktues nga organet komunale ka marrë lejën për renovimin e objektit, ata madje kanë thënë se palët kontraktuese kanë ndryshuar destinimin e objektit, kanë qënë të obliguar që nga organi kompetent komunal të kërkojnë leje të re urbane dhe leje të re ndërtimi, që një gjë të tillë as qe e kanë parashtruar. Objekt i stacionit të trenit, tani më i njohur si restorant-hoteleri “Kalaja” ka muaj që është shëndrruar në pik të konfliktit ndërmjet Kuvendit Komunal të Drenasit dhe Hekurudhave të Kosovës. Drenasi kundërshton mënyrën se si Hekurudha e ka dhënë këtë objekt në kundërshtim më Ligjin për procedurën e koncesioneve. Ndërsa Hekurudhat përmes shkresave arsyetohën se si kompani komerciale kanë të drejtën e dhënies me koncesion të objekteve të veta, por që nuk është obligim i tyre të kujdesën nese përfituesit nga koncesioni do të kryejnë obligimet komunale. Konflikti për sa muaj ende zhvillohët nëpërmjet këmbimit të letrave, pa një marrëveshje dhe zgjidhje të këtij problemi. Autoritetet komunale i “frikohën” vendimit të mbylljes, ndërsa Hekurudhave të Kosovës thonë se objekti është dhënë për 15 vjet më koncesion dhe se nuk ka drejt KK-ja e Drenasit të mërr masa ndaj vendimit të tyre.

Komuna “kërcenon” vetëm më letra, Hekurudhat më vendimin e koncesionit

Një shkres që kanë marrë Kuvendi Komunal i Drenasit rreth qështjes së stacionit të trenit që i ka derguar Nazmi Kajtazi, drejtori i infrastrukturës në HK, është thënë se Hekurudha e Kosovës është kompani komerciale e ndarë në dy divizione, në atë të infrastrukturës dhe komerciale dhe që të dyja këto divizione operojnë nga të ardhurat dhe mbijetojnë nga të ardhurat që i krijojnë. Përmes kësaj letre HK-ja ka informuar KK-në se stacioni i trenit është dhënë më koncesion për 15 vjet. Ky koncesion është dhënë përmes tenderit dhe fitues ka qënë Mihane Bekteshi nga Skenderaj, më qëllim të hapjes së një restoranti. Mirëpo zyrtaret komunal të Drenasit kanë kundershtuar kategorikish shfrytëzimin e objektit si restorant. Ata kishin thënë se dhenia e objekteve më koncesion bëhet sipal Ligjit 02/L-44 për procedurën e dhënies së koncesioneve. Dhe sipas këtyre thuhet se në vështrim të të nenit 43 pika 2 të këtij Ligji, autoriteti kontraktues objektin me koncesion e jep për 10 vite dhe në bazë të nenit 36 pika 9 të po të njejtit ligj punët ndërtimore mund të fillojn pasi të merret leja e ndërtimit. Zyrtarë komunal kishin thënë madje se më ndryshimin e destinimt të një objekti që është në rastin konkret, shëndrrimi i stacionit të trenit në objekt hotelier, kërkohet leja e re urbane dhe leja e re e ndërtimit nga zyret e KK-së, që këto të fundit nuk i posedon restorant “Kalaja”. Kërkimin që restorant “Kalaja” të ktheher në destinimin që ka pas, zyrtarë komunal thonë së është bërë ngase prej që është leshuar linja e trenit ka kërkesa të shumta të qytetareve që objekti të këtë shfrytezimin për pritje të udhëtareve.

Shtëpia e Shëndetit Mendor shpërndan klientët

Për mosrespektim të memorandumit ndërmjet Ministrisë së Shëndetësisë dhe Drenasit



Mirdita Leku, kryeinfermiere, thotë se 2 klientë janë derguar në shtëpitë e tyre, ndërkaq 2 të tjerë në Repartin e Psikiatrisë në Prishtinë, ndërkohë që njëri ka mbetur në rrugë

Bekim Dobra

Drenas, 19 shkurt - Shtëpia Shëndetit Mendor në Drenas ka shpërndarë klientët për mungesë përkrahjeje institucionale. Kryeinfermierja e kësaj shtëpie, Mirdita Leku, ka thënë se për mosrespektim të memorandum të mirëkuptimit ndërmjet Ministrisë së Shëndetësisë, shtëpia në fjalë ka ndërprerë klientet të cilët kanë qendruar 24 orë. Leku, kryeinfermiere, thotë se janë shpërnda klientet që kanë qendruar 24 orë: 2 për në shtepit e tyre, 2 të tjer në Repartin e Psikiatrisë, kurse një ka mbetur në rrugë. "Puna e jonë nuk është ndërprerë, ndonëse punojmë edhe në muajin e dytë pa paga. Nuk jemi të interesuar që një qendër e ngritur të mbyllet", ka thënë Leku. Ajo ka shtuar se 3 nga punëtorët e shtëpisë punojnë në mënyre krejt vullnetare. Veprimi për largimin e klientëve është marrë nga drejtoresha e shëndetit mendor në Prishtinë, Sarie Doko. Drejtori i QKMF-së, Gani Halilaj, ka thënë se veprimi i tillë është marrë pasi që punëtorët e kësaj shtëpie nuk janë përfshirë në listën e pagave dhe se as që ka ardhur ndonjë përgjigje nga Ministria e Shëndetësisë për zgjidhjen problemit. "Marrëveshja midis MSH-së dhe DSHMS-së komunale është injoruar dhe në bazë të gjërave aktuale ajo marrëveshje as që do të arrihët", është shprehur Halilaj. Ai ka thënë se nëse MSH-ja mbështet memorandumin e nënshkruar dhe jep një afat, do t’i kthejë punëtorët në këtë shtëpi nga QKMF-ja për riaktivizimin. "Ne kurrë nuk kemi qënë për mbyllhjen e kësaj shtëpie kur dihet roli i saj, por injorimi i marrëveshjes na ka detyruar që t’i kthenim punëtorët në QKMF", ka thënë ai. Në fillim të këtij muaji drejtori Halilaj pa dashje u është përmbajtur deklaratave të veta për kthimin e 3 punëtorëve nga Shtëpia Shëndetit Mendor në QKMF. Ai i kishte dhënë një muaj ultimatum Ministrisë së Shëndetësisë për t’u zbatuar marrëveshja e mirëkuptimit. Tashti është detyruar që 3 punëtoret sa kanë punuar në mënyrë vullnetare në shtëpinë integruese t’i kthejë në QKMF. Ndërsa 3 të tjerë që paga e tyre ishte mundësuar deri më 31.12.2008 nga një donacion i Këshillit danez, kanë mbetur pa vende pune, ngase marrëveshja e nënshkruar nga zyrtarë të MSH-së ende nuk është zbatuar. Sipas marrëveshjes së mirëkuptimit, nënshkruar ndërmjet Ministrisë së Shëndetësië, Shtëpisë së Shëndetit Mendor të Prishtinës dhe Drejtorisë së Shëndetësisë në Drenas ishte se që nga 1 janari i vitit 2009, Shtëpia Shëndetit Mendor në Drenas të këtë mbikëqyrje nga MSH-ja. Sipas memorandumit, MSH-ja dhe SHSHM-ja duhët të sigurojnë për 6 punëtorë e Shtëpisë së Shëndetit Mendor paga dhe përkujdesje të plotë dhe punëtoret të kalojnë në regjistrin e pagave të punëtorëve të MSH-së. Drejtori i Shëndetësisë komunale, Ilmi Dobra, dhe ai i QKMF-së Gani Halilaj, së fundi i kishin drejtuar edhe një letër rikujtese të memorandumit të nënshkruar MSH-së, por nuk kanë marrë asnjë përgjigje ende.

Kërkohët strehimi i personave nevojtarë nëpër familje

"Hendikosi” në Drenas prezantoi projektin e strehimit familjar të personave me aftësi të kufizuara


Taibe Morina, kordinatore në “Hendikos”, ka thënë se qëllimi i këtij projektit është që secili fëmijë të rritet sikur fëmijë tjerë dhe të këtë përkrahje prindërore nëper familje

Bekim Dobra

Drenas, 18 shkurt – “Handikosi” në Drenas në bashkëpunim më organizatën "Save the Children" dhe në mbeshtetje donatorësh ndërkombëtarë, të mërkurën ka prezentuar para prindërve të personave më aftësi të kufizuara projektin më të ri që u kushtohet fëmijëve më aftësi të kufizuara të vendosur në institucionet shteterore. Qëllimi i implementimit të këtij projekti është që fëmijëve dhe personave me aftësi të kufizuara t’u ofrohet mundësia të vendosen dhe të jetojnë në familje strehuese. Në takimin informues mbajtur në Drenas kanë marrë pjes prindër të shumtë të personave më aftësi të kufizuara, përfaqësues të QPS-së e përfaqësues të “Hendikosit”, prirë nga Taibe Morina. Menaxheri i “Hendikosit” për regjionin e Prishtinës, Behxhet Binaku, ka thënë se shërbimi i “Hendikosit” në Drenas është për femijet e dy komunave, Drenasit dhe Skenderajt. Binaku ka thënë se ky projekt do t’u paraqitet së pari prindërve, pastaj të bëhet senzibilizimit nëpërmjet medieve. Taibe Morina ka thënë se qëllimi i këtij projekti është që secili fëmijë të rritet dhe të ndihet sikur fëmijët e tjerë nëpër familje. "Disa fëmijë deri vonë kanë jetuar në spitale dhe rezidenca, që nuk janë vende adekuate për këto kategori personash të hendikepuar. Më implementimin e këtij projekti do të eliminoheshin këto shërbime ndaj kësaj kategorie, ndaj kërkohet përkrahje institucionale", ka thënë Morina. Ajo ka thënë se Drenasi është përzgjedhur që të hapet ky projekt dhe ka kërkuar nga prindërit e fëmijëve që të njoftojnë të interesuarit për mundësin e strehimit të femijeve më aftësi të kufizuara. Projekti sipas Morines parasheh që një familje që shpreh dëshirën për të strehuar fëmijë me aftësi të kufizuara duhet të plotësoj disa kritere, të cilat janë që në atë shtepi të mos këtë fëmijë nën moshen 2- vjeçare, t’i bëhët strehuesit testi psiko-fizik, të mos jetë nën hetime dhe caktimi i kujdestarit ligjor nga Qendra për Punë Sociale. Gjithashtu strehuesi i fëmijëve do të ketë edhe një ndihmë sociale në vler prej 150 eurosh, mbi 50 për qind të heqjes së tarifës së energjisë, lehtësim në sherbimet mjekësore, ndihma të ndryshme të OJQ-ve dhe benifite të tjera. Sadik Zogaj nga QPS-ja e Drenasit, ka thënë se strehimi i familjar në Kosovë ka filluar që nga paslufta dhe ka kërkuar që ky projekt të vazhdojnë më strehimin e fëmijëve më aftësi të kufizuara. Ai ka thënë se ekzstojnë fëmijë të braktisur më aftësi të kufizuara që janë vendosur nërezidenca të ndryshme. Ndërkaq Binaku ndërkaq ka shtuar se ka shumë familje që kanë fëmijë më aftësi të kufizuara dhe shprehin interesimin që të gjejnë familje të tjera strehuese. “Jemi OJQ që promovojmë vlera, ndërsa institucionet vendëse janë ato që duhët përkrahur këto kategori", ka thënë Binanku. Gjatë këtij takimi janë njoftuar prinderit më Ligjin më të ri të miratuar në Kuvendin e Kosovës që parasheh një pagë mujore simbolike prej 100 eurosh për familjet që mbajnë persona më aftësi të kufizuara.

Vjedhja e kapakëve të pusetave, rrezikon kalimtarët

Vazhdon “trendi” i vjedhjeve të kapakëve të pusetave në Drenas


Bekim Dobra

Drenas, 11 shkurt – Në Drenas jo pak gropa septike kanë mbetur pa kapakë. Ata janë vjedhur për t’u shitur për hekur. Kështu kanë konstatuar zyrtarët komunal dhe ata policorë të Drenasit, dhe kanë shtuar se ato paraqesin rrezik për kalimtarët. Kreshnik Hoxha, një banor i Drenasit, tregon se i kishte ndodhur të lëndohej natën në një gropë të tillë. Drejtori i Shërbimeve Publike, Ragip Gjoshi, ka shprehur shqetësimin për dukuri të shëmtuar. Ai ka stheksuar se janë duke shqyrtuar mundesit për rregullimin e kapakëvë të gropave. Shqetësimin e ka shprehur edhe menaxheri i ndërmarrjes regjionale “Pastrimi”, Muhamer Qela. Ai ka thënë se pas hapjes së këtyre gropave ato janë shndërruar në deponi mbeturinash dhe për ndërmarrjen paraqet një vështirësi shtesë pastrami.Thotë se më të gjitha kapacitetet që ka ndërmarrja janë duke u munduar të mbajë një pasterti të qytetit, por shton se vetëdijesimi i qytetarëve mungon. Togeri Fehmi Hoti ka thenë se dukuria e shpeshtë e paraqitur në Stacionin policorë të Drenasit është vjedhja e kapakëve të pusetave. Tregon kjo gjë ndodhë ne pjesët që llogaritën të jenë pronë komunale dhe kur hapen raste të tilla policia merr masa. “Kemi pas raste të shumta kur edhe kemi marrë masa dënimi me burgim ndaj disa pronarëve të doponive të hekurishtave që kanë pranuar materiale të kundërligjshme”, ka theksuar Hoti. Hoti thotë se këto raste pos që konsiderohen më ligj si vepra penale, ato paraqesin edhe rreziqe të mëdha për qytetarë. Ai ju ka bërë apel të gjithë pronarëve të deponive të mos të blejnë pjesë të dyshimta, të cilat vidhen dhe përdoren për përfitime materiale. Togeri Hoti tregon rastin e fundit të së mërkurës kun ë Komoran përgjatë trotuarit, përsona të papërgjegjshëm, kanë vjedhur bulonat mbajtës të mbrojtësve të çeliktë të vendosura para pak ditësh.

11 mësimdhënës të Drenasit prej katër muajsh pa paga

Problemet me paga të disa mësimdhënësve, bartën edhe këtë vit kalendarik


Sipas drejtuesve të arsimit, mësimdhënësit nuk janë tepricë edhe pse janë jashtë formules së Bankës Botërore, e cila përcakton 21.3 nxënës për 1 mësimdhënës

Bekim Dobra

Drenas, 9 shkurt - Problemi i mospërfshirjes se të gjithë mësimdhënësve në listën e pagave është përcjellë edhe në këtë fillim vit shkollorë, kanë njoftuar drejtues arsimi në Drenas. Ata kanë thënë se janë 11 mësimdhënës të cilët është dashur t’i pranonin në arsim jashtë formulës së Bankës Botërorë (21.3 nxnës për një mësimdhënës), për shkak se janë të nevojshëm ngase janë rritur ngritja e objekteve shkollore dhe rritjën e nxënësve në shkolla të sapohapura. Mirëpo, Sindikata e Arsimit në Drenas ka shprehu pakënaqësinë te MASHT-i dhe të DKA-ja për mosmarrje pagash. Kryetari i Sindikatës së Arsimit në Drenas, Hajriz Berisha, ka thënë se procesi i vonesës së pagave është duke u përcjellë që nga fillimi i vitit të ri shkollor. Ai thot se kulmi i këtij problemi ka arritur në janar të këtij viti, ku pagat nuk janë marrë nga asnjë punëtor. Berisha ka thënë se 90 për qind e punëtoreve arsimorë në Drenas mbahen nga këto të ardhura, ndërsa një numri kredimarrësish në banka vonesa u ka shkaktuar probleme. Berisha potencon edhe problemin tjetër, ku ka thënë se ka punëtorë që kanë mbetur pa paga4 muaj dhe se as që janë përfshirë në lista. “Unë si kryetar i sindikatës e di që 945 punëtorë arsimi janë të sistemuar për paga, ndërsa për shkak të të punësuarve më tepër për 11 veta janë pengesë për marrjen e pagave për të gjithë mesimdhënësit”, thotë Berisha dhe shton se Drejtoria e Arsimit nuk ka bërë me kohë sistemimin e duhur të punëtoreve. Për këta punëtor Berisha thot se janë të pranuar nga DKA-ja komunale, por jo nga MASHT-i, ngase kjo e fundit , thotë Berisha nuk pranon punëtorë shtes. Përfaqësues të Sindikatës së Drenasit përmes një kërkese drejtuar DKA-së dhe MASHT-it kërkojnë që ky problem të zgjidhet dhe të mos përsëritet dhe të rehabilotohet numri i punetoreve arsimorë, në të kundërtën paralajmerojnë se do të marrin masa radikale. Drejtori i Arsimit në Drenasi, Arsim Mehmeti, thotë se nuk ka numër të tepërt punëtorësh arsimorë, por ka 11 veta që nuk janë përfshirë në listën për paga 4 muaj dhe pranon se në mossistemimin e tyre ka vonesa për të gjithë punëtorët arsimorë. Ai kërkon nga MASHT-i që të marrë masa për t’i sistemuar punëtoret arsimorë, ngase janë të nevojshëm.

Mësimi në kontinjerë e me 3 ndërresat, i paefektshëm

Disa shkolla të Drenasit ende përballen me mungesë hapësirash



Zyrtarët e arsimit thonë se mësimi në kontinjerë dhe problemi i ndërresave mundë të zgjidhën tek në fillim të shtatorit të sivjetmë për disa shkolla, tash për tash nuk ka zgjidhje për shkollën e Gllobarit

Bekim Dobra

Drenas, 9 shkurt - Katër shkolla në Drenas ende përballën me mungesë të madhe hapësirash shkollore. Në kontinjerë zhvillohet mësimi në 3 ndërresat më orar të shkurtuar orësh. Ora zgjat 25 minutam thonë zyrtarë arsimi në Drenas. Sipas tyre kjo gjë po e pengon procesin dhe arritjen e sukseseve. Problemi më i theksuar i mungesës së hapësirës shkollore është në SHMT "Fehmi Lladroci", e cila ka 2000 nxënës. Ndërsa ende vazhdon të aplikohet mësimi me 3 ndërresa e në kontinjer, ku një dhomë mësimi ka më shumë se 55 nxënës, ndërsa ora mësimore zhvillohet vetëm për 25 minuta. Për drejtorin e kësaj shkolle,Gani Krasniqi, problemi më i theksuar është mësimi më 3 ndërresa, mungesa e hapësirës së mjaftueshme dhe numri tejet i madh i nxënësve nëpër klasë. Në këtë shkollë në një klasë të vetme minimumi i nxënësve është 30, ndërsa maksimumi 57 nxënës. Drejtori i shkollës, Krasniqi thotë se problemet e mëdha në këtë shkollë ndikojnë në procesin mësimor. " Nuk mundë të kemi nivel të kënaqshëm të mësimit në këto kushte ku një orë mësimore zgjatë vetëm 25 minuta”, thotë Krasniqi. Blerim Hoxha, nxënës i kësaj shkolle, thotë se nga aplikimi i mësimit me 3 ndërresa po ndikon që të mbesin mbrapa dhe se nuk ka asnjë qetësi në klasë. “Me 25 minuta mësim është absurd të mbahet mësim cilësor”, thotë ky nxenës. Shkolla ka vetëm 10 dhoma mësimi, pa asnjë kabinet për praktikë. Më po të njëjtat telashe përballet edhe SHF e vetme e qytetit “Bashkimi”. Në të mësimi zhvillohet në 3 ndërresa dhe në kontinjerë. Më probleme dhe hapsirë shkollore nuk është fare më mirë as SHF “Naim Frashëri” e Gllobarit. Nxënësit e kësaj shkolle në gjysmëvjetorin e dytë objektin e kanë gjëtur vetëm më të dëmtuar. Problemin e paraqet edhe drejtori i kësaj shkolle, Skënder Elshani, i cili thotë se që nga ndërtimi i këtij objekti asnjëherë nuk ka pasur riparime. Shkolla ka 366 nxënës, ndërsa në mungesë të hapësirës shkollore mësimi zhvillohet edhe në kontenjerë. Edhe SHF “Dëshmorët e Drenicës” në Çikatovë të Vjetëer ka telashe të tilla për të zhvilluar procesin mësimor. Madje në këtë shkollë për mungesë kushtesh hixhenike, paralelja e parashkollorëve është e mbyllur. Për problemet e hapsirave shkollore flet edhe drejtori i Arsimit në Drenas, Arsim Mehmeti. Ai pranon problemet e paraqitura dhe thotë se pikërisht në këto shkolla kushtet e mësimit janë minimale. Por Mehmeti tregon se për SHMT-në “Fehmi Lladrovci” është menduar zgjidhhja pasi që ka nisur ndërtimi i një shkolle të mesme profesionale, e cila do të arrijë vlerën 2 milion 200 mijë euro. Ndërsa për shkollën fillore të qytetit tregon se i është ndërtuar aneksi në Lagjën e Bajraktarëve dhe në fillim të muajit prill pritet të hapet. Gjithashtu tregon memorandumin e nënshkruar midis USAID-it dhe KK-së për ndërtimin e shkollës fillore “Dëshmorët e Drenicës” në Çikatovë të Vjetër, e cila do të kushtojë 160 mijë euro. Mehmeti thotë se deri tashti nuk është bërë asnjë zgjidhje për shkollën e Gllobarit, por tregon se është në listën e prioriteteve.

Familjet që jetojnë në baraka të drurit rrezikojnë të mbesin edhe pa to

Banorët e barakave të “Ferronikelit” në pritje të një strehe të sigurt


Ndonëse 25 familje të vendosura në barakat të improvizuara nga druri në lagjen e “Ferronikelit”. ish-“Ramiz Sadiut” shpresojnë se do t’u zgjidhet çështja e banimit, zyrtarët komunal thonë se me banesat sociale plotësohen vetëm 20 për qind e nevojave

Bekim Dobra

Drenas, 8 shkurt - Gjendja ekonomike e 25 familjeve që jetojnë në barakat e “Ferronikelit” është rënduar edhe më, ndërkohë që pushteti i Drenasit nuk ka lëvizur ne drejtim të ndonjë zgjidhje të qëndrueshme. Në pritje të ndërtesave sociale banorët edhe me tej i nënshtrohen presionit të “Ferronikelit” për t’ua liruar hapësirën dhe mosgadishmërisë së pushtetit lokal për një veprim me të shpejtë. Familjes së Elheme Zeqitit është njëra nga këto familje që vazhdon ta bëjë jetën në këto Baraka. Elhemja tregon se aktualisht gjinden disi me një pension invalidor. Ajo pohon se është dashur të hyjë kredi për të sheruar vajzën, e cila i është nënshtrimi një ndërhyrje kirurgjike. Kjo familje jeton vetëm më 70 euro ndihmë sociale dhe një asistenc invaliditeti. Nëntë anëtarë të kësaj familje jetojnë me këto të ardhura, ndërkohë që pesë fëmijë ndjekin mësimin në shkollë.

Lutjet drejtuar qeverisë qendrore dhe asaj lokale të Drenasit

“Jetojmë në kushte të mjerushme, për sa vite kërkojmë të gjendet një zgjidhje e strehimit, por deri tash kemi marrë vetëm premtime” ka thënë Elhemja dhe ka shtuar se “asfalti nuk na bjen me hanger neve, problemi jonë është qeshtja e strehimit dhe ekzistenca për jetë”, ka shprehur shqetësimin drejtuar institucioneve kosovare Elhemja. “Nëse nuk ndërmerr Kuvendi Komunal i Drenasit për na zgjidhur qeshtjen e banimit do t’i drejtohëm dyerve të Parlamentit të Kosovës”, thotë Elhemja. Në kushte edhe të rënda jeton familja 13- anëtareshe e Dalip Morinës. “Shumë ditë e net më ka ndodhur me i shti femijët me fjet, ngase nuk kam pas miell per gatojë”, fillon rrefimin rrënqethës të jetës kryefamiljarja Mihrije Morina. Ajo tregon se ka burrin e sëmurë që nga pas lufta, ndërsa tregon se marrin një ndihmë sociale prej 50 eurove. “Mos me na ndihmu kanihere me miell dhe gjëra tjera elementare komuna, nuk e di se si kishim me jetu”. Kjo familje ka 3 fëmijë në shkollë, të cilëve nuk po arrin t’ua sigurojë kushtet. Prej 23 vitesh, kjo familje jeton në Baraka. Mihrija tregon se fëmijët e saj mbledhin mbeturina te metalta për të fituar kafshatën e gojës. Jo më mirë se dy familjet e lartëpermendura jeton edhe familja e Muhamet Deliut me 12 anëtarë. Gjendjen e vështirë të banimit në barakat e drurit e tregon Islam Zekaj, zëvendëskryetar i fshatit, i cili jeton në këto shtëpiza të improvizuara të drurit. “Të gjitha familjet që jetojnë në këto baraka marrin asistenc sociale, ndërsa gjendja e tyre është tejet e vështirë e banimit” tregon Zekaj. Ai thotë se dhomat e improvizuara janë ndërtuar para më shumë se 40 viteve dhe secila është e dëmtuar thuajse krejtësisht. “Jeta në këtë vend është e pamundur, por s’kemi ku të shkojmë” thot ai.

Ndërtimi i banesës kolektive nuk i plotëson as 20 për qind të kërkesave

Islam Zekaj është njëeri nga banuesit, i cili tregon në përpjekje pë t’i bërë care vetes ka drejtuar një kërkesë në adresë të qeverisë lokale dhe asaj qendrore. Asnjëra qeveri nuk i ka dalë në ndihmë. Brakat e “Ferronikelit” janë pronë e vetë ndërmarrjes, dhe se kjo e fundit i kishte kërkuar disa herë KK-së që t’i gjej një zgjidhje familjeve dhe t’i lirojnë vendin kërë hapsirë, por komuna nuk kishte bërë asnjë lëvizje, duke u arsyetuar në mungesë buxheti. Madje, banorët së fundi pranuar një kërkesë nga drejtues të “Ferronikelit”, të cilët sërish kanë kërkuar që banuesit t’ia lirojnë këtë haësirë. PNjë kërkesë e tillë, sipas tyre, u është drejtuar edhe strukturave të pushtetit lokal. Mëgjithate, zyrtarët komunalë mohojnë të kënë një kërkesë të tillë. Kryetari i KK-së, Nexhat Demaku ka theksuar se ndërtesa kolektive e cila është duke u ndërtuar nuk i përmbush as 20 për qind të kërkesave të banimit. Ai pohon se në Drenas janë mbi 200 familje që jetesën e kalojnë në kushte të vështira, por ankohet se mjetet buxhetore janë të vogla për të zgjidhur çëshjte të banimit. “Drenasi deri më tani nuk ka pasë asnjë ndërtesë të banimit social, tani është duke u ndërtuar një objekt i cili nuk do t’i përmbush nevojat as edhe 20 për qind të familjeve nevojtare”, ka thënë ai. Kreu i Drenasit pa dhëën ndonje afat kohorë ka thënë se shikohet mundësin e ndërtimit edhe të një objekti tjetër të banimit social.

Uji i puseve i kontaminuar nga ujërat e zeza

Reshjet krijojnë probleme të përdorimit të ujit të pijshëm në Drenas

Dr. Hatip Hulaj, epidemiolog në qendrën e mjekësisë familjare “Dr. Hafir Shala”, ka deklaruar se 33 për qind e puseve janë kontaminuar nga depërtimi i ujërave të zeza

Bekim Dobra

Drenas, 6 shkurt - Pjesa më e madhe e fshatrave të Komunës së Drenasit përdorin ujë të kontaminuar për pije nga puset e tyre. Si pasojë e të reshjeve të fundit, uji i puseve është turbulluar, ndaj epidemiologë lokal kanë tërhequr vërejtjen për rrezik të përdorimit të tij. Dr.Hatip Hulaj, epidemiolog në qendrën e mjekësisë familjare “Dr Hafir Shala”, ka deklaruar se puset nuk i plotësojnë asnjë standard për pije, sidomos pas turbullimit të uji nga reshjet e fundit. Ai ka shtuar se gjatë analizave të bëra është konstatuar se uji i puseve i kontaminuar dhe i papijshëm. Në këtë kontekst, ai ka sugjeruar qytetarët që të përdorin mundësisht ujin nga ujësjellësi regjional “Prishtina”, i cili furnizon qytetin dhe disa fshatra. Hulaj ka bërë të ditu se 33 për e puseve janë kontaminuar nga depertimi i ujërave të zeza. Fshatrat që konsiderohen se kanë probleme më të theksuara me ujin e pijes janë Zabeli i Ulët, Llapushniku, Abria, Kizhnareka, Komorani, Shtutica, Gllobari, Tërsteniku I dhe II dhe fshatra të tjera. Për mungesë uji është ankuar edhe kryetari i fshatit Tërstenik II, Rifat Demaku. Ai thot se ujësllesi që është duke u rregulluar më financim të komunes ka mbetur i përgjysmuar. Ndonese janë shtrirë në pjesën më të madhe të fshatit gypat e ujit, ende nuk është bërë një lidhje furnizuese për ta. Demaku thot se fshati përballet me krizë të ujit të pijshëm, ngase puset janë turbulluar nga reshjet e fundit. Shqetësim të njëjtë ka paraqitur edhe Nezir Krasniqi nga fshati Gllobar. Ai thot se pas shkrirjes së borës dhe reshjeve të shiut uji në fshat është bërë i paperdorshëm për pije. Ndërsa zyrtarë komunalë këto ditë kanë nenshkruar një marrëveshje me USAID-in për të rregulluar çështjen e ujit tëpijshëm në tri vitet e ardhshme në Komunen e Drenasit.

Banorët ankohen për munges kushtesh, kryetari për mungesë buxheti

Administratorë fshatrash të Drenasit kërkojnë angazhim të pushtetit komunal


Bekim Dobra

Drenas, 4 shkurt - Përfaqësues të fshatrave të Drenasit në takim me strukturat komunale kanë parashtruar një varg kërkesash që kanë të bëjnë me përmirësimin e kualitetit të tyre të jetesës. Faton Sallahu (Lagja e Ferronikelit) ka thënë se qytetarët e lagjës që ai përfaqëson janë të lodhur nga takimet, pasi që në këtë lagje nuk është përmbushur asnjë premtim. Elmi Dobërdolani nga Korrotica e Lartë ka thënë se prioritet për sa vite ka qënë asfaltimi i rrugës, kanalizimit, por që nga pas lufta asnjë projekt nuk është realizuar në fshatin, të cilin ai e përfaqëson. “Si t’i njoftojmë qytetaret kur ata kanë humbur besimin në institucione, nuk besojnë më në premtime boshe të parealizueshme, asnjë qytetarë i fshatit nuk i bëson më këtij pushteti, madje kanë thënë se kur të vie koha e votës edhe do t’i bojkotojnë ato”, ka thënë Dobërdolani. Ndërsa Flamur Bujupi nga Pakleku i Ri ka thënë se fshati ka 214 nxënës, të cilët nuk kanë shkollë fillore i duhet në shkollën e qytetit për t’i vijuar mësimet, ndërsa rruga brenda fshatit ka thënë se është krejt më baltë. Edhe Isa Berisha nga Vasileva është ankuar se në këtë fshat nuk është realizuar asnjë projekt. Pasi që ka degjuar ankesat e banorëve, kryetari Demaku është arsyetuar se kufizimet buxhetore ia pamundësojnë përmbushjen e shumë premtimeve të dhëna. Megjithatë, ai ka premtuar se të gjitha ankesat do të trajtohen me seriozitet dhe do të shikohen mundësit për realizimin e tyre. Demaku ka thënë se gjatë tri viteve në vazhdim do të zgjidhen problemet e ujit në Drenas, për këtë ai është bazuar në nenshkrimin e memorandumit me USAID-in dhe me ujësjellësin rajonal “Prishtina”.

Komuna humb kontestin pronësor, padit Agjencinë Kadastrale

Lokacioni ku po ndërtohet shkolla “Bashkimi” sipas GJSA-së dhe AKK-së u ktheht pronarëve


Gjykata Supreme dhe Agjencia Kadastrale e Kosovës kanë kërkuar nga Kuvendi Komunal i Drenasit që pronën ku po ndërtohet shkoola ta regjistrojnë në emër të familjes Hasi. Kurse KK-ja më vendim të ri nuk e njeh sit ë ligjshme asnjë pronë që është marrë gjatë viteve të 90-ta

Bekim Dobra

Drenas, 1 shkurt - Derisa punimet në ndërtimet e shkollës fillore “Bashkimi” në Lagjen e Bajraktareve të Drenasit II, kanë arritur fundin, Gjykata Supreme e Kosovës dhe Agjencia Kadastrale kanë marrë vendim që prona ku po bëhet kjo shkollë t’i kthehet familjes së Jupë e Rexhep Hasit. Gjykata Supreme ka aprovuar padin e familjes Hasi ndaj KK-së dhe ka anuluar aktvevendimin e Kuvendit Komunal të Drenasit. “Paditësit në padinë e paraqitur kundërshtojnë ligjshmërinë e akvendimit të kontesuar, për shkak të rregullave të procedurës, vërtetimit jo të plotë dhe të gabuar të gjendjes faktike dhe zbatimit të gabuar të ligjit material, duke theksuar se Ligji është zbatuar në dëm të atyre, sepse vlerësojnë që në mënyrë arbitrare organet administrative (Komuna) kanë injoruar validitetin e provave të prezentuara në bazë të cilave atyrë iu është pranuar e drejta e pronësisë në palujsthmëri” është thënë në akvendimin e Gjykatës Supreme dhe është shtuar se padia të aprovohët si e bazuar, nërkohë që anulohët aktvendimi i konstesuar. “Gjykata Supreme e Kosovës aktvendimin e kontestuar e vlerësoi në pajtim me nenin 40, pika 1 të Ligjit për konflikte administrative dhe pas vlerësimit të thënieve në padi, përgjigjen në padi dhe shqyrtimit të shkresave në lendë, konstatoi se: Padia është e bazuar” është thënë prerë në këtë vendim. Pas akvendimit të kësaj të fundit edhe Agjensioni Kadastral i Kosovës ka aprovuar si të bazuar ankesat e parashtruara nga Jupë e Rexhep Hasit. Një akvendim që ka leshuar Agjencioni Kadastal i Kosovës, drejtuar KK-së, përkatësisht Drejtorisë për Gjeodezi dhe Kadaster, është mesuar se kërkesa e parashtruar nga Jupë dhe Rexhep Hasi kundër akvendimit të KK-së është aprovuar, ndaj shfuqizohet ai akvendim i Drejtorisë për Gjeodezi, Kadastër dhe Pronë e cila obligohet që të bëjë regjistrimin e të drejtave mbi pronën e paluejtshme sipas dokumentacionit juridik. Madje AKK-ja ka dhënë edhe një arsyetim për marrjen e këtij vendimi, sipas të cilit në bazë dokumenteve të paraqitura nga pala ankuese është njohur e drejta e pronësisë. Nga ana tjetër, zyrtarët komunal pas këtyre aktvendimeve kanë drejtuar padi ndaj Agjensioni Kadastral të Kosovës. KK-ja insiston se prona është e tyre. Në padinë që ka siguruar “Koha Ditore” komuna ka akuzuar AKK-në se është thirrur vetëm në Gjykatën Supreme të Kosovës, më të cilën është aprovuar padia e paditësve, pa i dhënë shkaqet e shfuqizimit të aktvendimit. Komuna nëpërmjet padisë ka cilësuar aktvendimin e kundërshtuar të pabazë dhe jo i ligjshëm. Kuvendi Komunal përmes një vendimi të miratuar në Asamblen Komunale ka anuluar përkohësisht të gjitha vendimet e pronave që janë marrë para vitit 1999. Pas vendimit të Gjykatës Supreme dhe të AKK-së, në Stacionin policorë të Drenasit më urdhër të Prokurorit, Njësia e hetimeve ka hapur hetimet, në cilat Jupë dhe Rexhep Hasi, konsiderohen sit e dëmtuar. Togeri Fehmi Hoti ka thënë se më urdhër të Prokurorit në cilësinë e pushtimit të pronës së paluejtshme janë intervistuar zyrtaret komunalë. “Sipas urdhrit të Prokurorit qytetarëve në mënyrë të paligjshme i është pushtuar prona e tyre nga ana e Kuvendit Komunal të Drenasit, në të cilën pronë është duke u ndërtuar një shkollë”, ka thënë Hoti.

BOX:

Familjes Hasi nga Drenasi në vitin 1952 i është marrë një pjes e tokës bujqesore. Në vitin 1998, Kuvendi Komunal ka marrë vendim që lokacioni prej 1 ha e 25 ari ku aktualisht po ndërtohet shkolla t’u kthehet pronareve. Mirëpo zyrtarët e KK-së kishin thënë se lokacioni i është kthyer në kohën e masave të dhunshme dhe së nuk ka bazë që prona është e tyre pasi që pronesia i është kompenzuar. Madje, sipas KK-së, këta pronarë dëshirojnë ta kthejnë tokën mbi dy baza, të komosacionit dhe kthimit sipas Ligjit mbi kthimin e pronave të konfiskuara. Kuvendi Komunal i Drenasit nuk i njeh si pronarë familjen Hasi nëpërmjet dokumenteve zyrtare, të cilat ata i posedojnë. Drejtues të KK-së kishin thënë se lokacioni në të cilin është duke u ndërtuar shkolla përpara është menagjuar nga ndërmarrja ndërtimore “Ndertimtari” dhe më falimentimin e kësaj ndërmarrje, pasuria i është bartur Kuvendi Komunal.

Këshilltarët e KK të Drenasit kundër aktiviteteve të dyshimta fetare

Aktiviteti fetar i OJQ-ve u debatua në Kuvendin Komunal të Drenasit


Të 31 këshilltarët e KK-së kanë votuar që ky institucion të marrë një vendim, sipas të cilit të gjitha OJQ-të që ushtrojnë aktivitete fetare fillimisht të licencohen

Bekim Dobra

Drenas, 31 janar - Këshilltarët e Asamblesë Komunale të Drenasit në seancën e parë të vitit 2009, unanimisht ka votuar propozimin që ky institucion të dalë me një vendim që ndalon të gjitha aktivitetet fetare të OJQ-ve të palicencuara. Një vendim i tillë është marrë pas shkresës së Bashkësisë Islame të Drenasit, e cila ka kërkuar që komuna të mos lejojë aktivitete fetare të asnjë organizate joqeveritare papëlqimin e saj. Për këtë shkak, deputetët kanë kërkuar që komuna të obligojë secilën organizatë joqeveritare që të pajiset me leje për të zhvilluar veprimtarinë e saj. Këshilltaret kanë shprehur të shqetësimin me punën e disa OJQ-ve dhe veprimtarinë e dyshimtë që zhvillojnë ato. Ismail Dibrani ka thënë se me to duhet të merret komuna, përkatëisht Drejtoria e Kulturës dhe ajo e Arsimit. “Të gjitha lokalet ilegale ku OJQ-të zhvillojnë aktivitete apo rite fetare e jofetare të mbyllën”, ka kërkuar Dibrani. Të njëjtën qasje këshilltarët e kanë pasur edhe ndaj zhvillimit të aktiviteteve fetare nëpër shkolla. Fatime Veseli duke kërkuar rregull në shkollë, ka rikujtuar normat petagogjike, të cilat përcaktojnë mënyrën e veshjes dhe shelljes në shkollë Kurse Fatmir Istogu ka alarmuar për rrezikun nga “njerëzit me mjekrra”, të cilët, sipas tij, po ndikojnë ne edukimin e fëmijëve. Në të njëjtën linjë ka qenë edhe diskutimi i Ramiz Krasniqit, sipas të cilit “personat me mjekra dhe pantollona të shkurtër financohen nga njerëz të dyshjimt”. Në këtë kontekst, këshilltarët e KK të Drenasit kanë shfaqur vërejtjet e tyre për Udhëzimin Administrativë të Ministrisë së Shërbimeve Publike për veshjen dhe paraqitjen e personelit arsimor dhe nxënësve neë shkollë. Sipas paragrafit IV, pikës së 7 dhe 8 të UA-së “mustaqet, zylyfet, llojet e ndryshme të mjekrave, lejohen vetëm nëse mbahen të pastra dhe të prera mirë. Nuk lejohen kapela, shamitë, shallet e kokës, syzet e diellit gjatë procesit mësimor”. Kësisoj, deputeti Salih Elshani ka thënë se vendimi i MSHP-së nuk është aspak vendim që iu përshatatet shkollave. Duke kundërshtuar UA-në, ai ka thënë se nuk duhet të lejohen fare mjekrat, pantollonat e shkurtër, mustaqet dhe veshtjet tjera që përcaktojnë sekte fetare. Kolegi i tij, Sahit Bytyqi, njëherësh mësimdhënës në shkollën e Mesme Profesionale, “Fehmi Lladrovci”, ka pranuar se në shkollën ku ai punon në kabinetin e informatikës kryhen rite fetare, ndaj ka kërkuar nga KK-ja që një gjë e tillë të ndalohet në të gjitha shkollat.

Box:

Hapet xhamia e Zabelit

Drenas, 31 janar - Pas më shumë se tri javë të qendrimit mbyllur, xhamia e fshatit Zabel i Ulët, më vendim të Bashkësisë Islame të Drenasit është hapur. Kryetari i BI-së në Drenas, mulla Osman Musliu ka thënë se xhamia e fshatit Zabel së shpejti do të bëhet me imam të ri. Ky imam. Sipas tij, do të zgjidhet në bashkëpunim më banorët e fshatit dhe më Këshillin e Bashkësisë Islame. Xhamia e fshatit Zabel i Ulët të Drenasit ishte mbyllur pas rrahjes së kryetarit të BID-së, Osman Musliut. (B.D)

“Handikosi” rrezikon të mbyllet

Shkaku i mosmbështetjes financiare nga qeveria lokale e Drenasit


Menaxheri i Hendikos-it, Behxhet Binaku ka thënë se nga donatoret tjer që kanë përkrahë financimin për vitin 2009 është kusht që edhe KK i Drenasit të merr pjes më 6000 mijë euro, kjo e fundit ende më një përgjigje konrkete

Bekim Dobra

Drenas, 24 janar - Qendra e Rehabilitimit “Hendikos” në Drenas për munges të përkrahjes finanfiare nga qeveria lokale e Drenasit rrezikon të mbyllet. Menaxheri i “Hendikosit” për Drenas, Malishevë dhe Prishtinë, Behxhet Binaku, ka shprehur shqetësimin e tij për shkak të rrezikut të mbylljes së qendrës. Sipas Binakut, për këtë vit janë paraparë 17 mijë euro buxhet në menyrë që kjo qendër të funskionojë. Për ta realizuar këtë buxhet, kjo organizatë ka marrë mbështetjen nga Ministria e Punëve të Jashtme e Finlandës “FIDIDA”, por me kushte që edhe KK-ja të ndajë një shumë mjetesh. “Kusht për të marrë përkrahjen nga “FIDIDA” është që Kuvendi Komunal i Drenasit të ndajë 6.000 mijë eurove për t’i mbuluar shpenzimet e këtij viti”, ka potencuar Binaku. Përveq këtij donatori, Binaku thot se është ofruar edhe një tjetër me kusht. “Save the Children” na ka premtuar 3.250 euro, nese participon në këtë gjë edhe KK-ja”, ka theksuar Binaku. “Ne besojmë në premtimet që i ka dhënë kryetari Demaku”, ka shfaqur shpresën Binaku. Nga ana tjetër, kreu i KK-së, Nexhat Demaku, ka thënë se do të shikojë mundësinë për ta financuar Hendikosin. “Më rritjen e buxhetit për vitin 2009, jemi duke shikuar mundësitë që të kryejmë obligimin tonë ndaj “Hendikosit” dhe besoi se shumë shpejt edhe do të nenshkruajmë një marëveshje bashkëpunimi”, ka thënë Demaku. Në Qendrën e “Hendikosit” në Drenas shërbimet e tyre i kryejnë 1150 persona me aftësi të kufizuara.

Imami i ri në Komoran pengohet në punë

Vazhdojne problemet në përzgjedhjen e imameve në Drenas

Bekim Dobra

Drenas, 18 janar - Rrahja e paradisaditshme kryetarit të Bashkësisë Islame në Drenas, mulla Osman Musliut është përcjell me kërcenime dhe mos pranime edhe të imamëve të rinjë që i ka caktuar Këshilli i BI-së në Drenas. Maliq Gashi i zgjedhur me konkurs nga Këshilli i BI-së në Drenas është penguar të premten, ditën e xhuma për të kryer obligimin ndaj BI-së. Ai ka thënë se këtë pengesë e ka hasur nga ish-imami i deritanishëm i kësaj xhamie, Musli Bajraktari, kundërkandidati i tij i konkursit, Betim Gruda dhe xhemati, kryesisht farefisi i këtyre dy të fundit. Dita e xhuma, që të feja islame konsiderohët si një ditë e shenjtë, nuk ka qënë edhe për ata që kryejn obligimet e kësaj dite. “Në orën 11:30 kamë qënë në oborrin e xhamisë së Komoranit dhe imami i i deritanishëm së bashku më Betim Grudën kan filluar të falin xhuman para kohe”, ka thënë Maliq Gashi. Ai ka shpjeguar se në konkursin e Këshillit të BI-së në Drenas ka marrë 5 vota për dhe vetëm një kundër dhe tregon edhe vendimin për emrimin e tij si imam i kësaj xhamie. “Mos falja ime në ditën e xhuma ka qënë kur Musli Bajraktari (ish-imami i kësaj xhamie) e ka urdhëruar muezinin që ta therras ezanin, me 15 minuta para kohe që në islam rreptësisht është e ndaluar”, ka nis rrefimin e ditës së premte mulla Gashi, duke shtuar se i ka kërkuar mulla Bajraktarit që është duke filluar para kohe faljen dhe se ky duhet falur këtë ditë xhuman, mirëpo ka treguar se ky i fundit nuk ka degjuar dhe ka urdhëruar të thirret ezani. “Para se të përfundonte synetin e xhumasë më ka thirrë komandanti i Policisë së Drenasit, Valdet Bujupi, për të biseduar me të, sepse falja është bërë nen masa të sigurise dhe biseda ime nuk ka zgjatur më shumë se 4 minuta dhe deri sa une jam kthyer, falja e xhumasë tashmë kishte përfunduar”, ka thënë Gashi. Zgjedhja e imamit të ri të kësaj xhamie ka trazuar edhe familjen e Maliq Gashit. Babai i këtij të fundit, Sejdi Gashi, ka thënë se në orën 9 e 30 minuta, ditën e xhuma kanë ardhë para shtepisë së tij 5 përsona dhe i janë kërcenuar. “Nëse vjen djali yt për të falur xhumanë do të ja bëjmë më zi se mulla Osmanit”, imiton fjalet e këtyre përsonave që për Sejdiun janë edhe të njohur. Ai thot se i ka kthyer atyre se nuk do ta ndalë djalin, “e kam shkolluar për shërbim të popullit dhe nese ma mbytni une edhe ju fali gjakun se kam edhe 6 tjer, por dua të kem arsye se pse po e mbytni”, ka thënë Sejdiu përgjigjen që i ka kthyer. Mulla Osman Musliu, ka thënë se në konkursin e Këshillit të Bashkësisë Islame të Drenasit kanë qënë dy kundërkandidatë për zgjedhjen e imamit të ri, (pasi që imami i deritanishem ka dalë ne pension), Maliq Gashi dhe Betim Gruda, mirëpo Këshilli ka vendos që më 5 vota për të zgjidhet Maliq Gashi. Osmani ka thënë se veprimi i xhematit të xhamisë së Komoranit është i jashtëligjshëm për faljen e xhumasë para afatit kohorë, mirëpo ka thënë se është bërë me prapavijë. Komandanti i Stacionit Policorë të Drenasit, Valdet Bujupi ka pranuar se më një kërkesë të imamit të ri të zgjedhur të xhamisë së Komoranit është bërë siguria e faljes së xhumasë, por ka thënë se falja ka kaluar pa asnjë ekces. Komandanti Bujupi ka treguar se një rast kërcenimi në familjen Gashi të fshatit Nekoc të Drenasit është paraqitur dhe se hetimet për këtë janë duke vazhduar.

Dëmtohet kati i sipërm nga pikja e çatisë

Në Qendrën Kryesore të Mjeksësisë Familjare të Drenasit

Drejtori i kësaj qendre, Gani Halilaj, ka akuzuar invesitorët që kanë riparuar kulmin dhe ka alarmuar se, nëse nuk merren masa të shpejta, mund të mbyllet QKMF-ja

Bekim Dobra

Drenas, 17 janar - Shkaku i kulmit të pariparuar, Qendra e Mjekësisë Familjare “Dr. Hafir Shala” në Drenas, të shtunën, është përfshirë nga uji pas shkrirjes së borës. Drejtori i kësaj qendre, Gani Halilaj, ka thënë se është vështirësuar tej mase puna në katin e tretë të QKMF-së. Ai ka thënë se kjo nuk është hera e parë që ballafaqohen më këtë problem, dhe se për këtë problem kanë njoftuar edhe strukturat komunale. “Kulmi është krejtësisht i demtuar, janë bërë riparime dy herë, por pa ndonjë rezultat, vetëm sa janë shtuar vështirësitë nga depertimi i ujit në shumë reparte”, ka sqaruar drejtori Halilaj. Sipas tij, vendet ku, ka depërtuar uji në masë të madhe janë: reparti i maternitetit, salla e mbledhjeve, shërbimi i vaksinimit dhe zyre tjera. “Shenjat e një defekti të tillë janë parë edhe me herët dhe i është sugjeruar organeve komunale se duhët intervenuar në demtimin e kulmit, për mos ndodhur dëmtimi i metejmë i objektit dhe kryerja e një shërbimi tjetër profesional, në të kundërtën, nëse nuk ndërhyhet, mund edhe të mbyllet”, ka thënë Halilaj. Ai ka akuzuar invesitoret e parë që kanë renovuar kulmin, por nuk ka kursyer edhe të dytet për mos moskryerje të punëve siç duhet. Kjo situate u ka vështirësuar punën përsonelit mjekësor. Dr.Murat Tahiraj, mjek në QKMF, ka thënë se janë detyruar t’ua ndërrojnë vendin pacientëve, ngase shumica e ordinancave në katin e tretë janë mbuluar me ujë. Pavarësisht kësaj situate, në listën prioritare të Komunës për investime kapitale të vitit 2009 nuk ka figuruar ky projekt. Drejtori i Shëndetësisë dhe Mirëqenies Sociale, Elmi Dobra, ka thënë se depërtimi i ujit në QKMF është problem i trasheguar. Ai ka thënë se është bërë një përpjekje e vazhdueshme për të evituar këtë, por pranon se nuk ka pas efekt. “Ne kemi menduar se gjatë këtij viti riparimi i kulmit të QKMF-së të hyjë në listën e projekteve emergjente dhe të rregullohet ky problem, edhe pse rregullimi i tij kërkonë një investim më të madhë, mirëpo përpjekjet tona do të jenë që zgjidhja e kësaj çeshtjeje të përfundojë gjatë këtij viti”, ka thënë drejtori Dobra.

Dega e AAK-së dhe ajo e ORA-s në Drenas i bashkohen PDK-së

Partia Demokratike fillon të bëhet gati për zgjdhjet locale 2009

Bekim Dobra

Drenas, 16 janar – Partia Demokratike e Kosovës ka shënuar të premtën përvjetorin e saj nëntë në Drenas, me ç’rast kësaj partie i janë bashkuar edhe degët e dy forcave të tjera politike të kësaj komune, ajo e AAK-së dhe e ORA-s. Në këtë ceremoni kanë marrë pjes kryeminsitri i Kosovës, Hashim Thaçi, zëvendëskryteministri, Hajredin Kuçi, kryetari i KK-së, Nexhat Demaku si zyrtarë të tjer të kësaj partie. Kryeministri Thaçi në këtë përvjetor ka përmendur të arriturat e vitit 2008, duke vequar shpalljen e pavarësisë së Kosovës, hyrjen në fuqi të Kushtetutës , njohjet dhe perkrahjen në Konferencën e Donatorëve. Thaqi më këtë rast ka thënë se " këtë fillim të vitit, kemi filluar me një progres të prekshëm për të gjithë qytetarët e Kosovës , me një qevrisje të instaluar mirë, efektive dhe transparente në shërbim të të gjithë qytetarëve". Kryetari i Kuvendit Komunal, Nexhat Demaku, ka thënë se 2008-a ishte vit i përkrahjes dhe i besimit ndaj qytetarëve të Drenasit me vizionin e PDK-së . " PDK-ja në Drenas 9 vite pasë është forca e parë politike dhe e pakontestueshme e cila është bartëse e pushtetit, në këtë rastë i falenderojë të gjitha strukturat politike te Drenasit që kanë treguar angazhim dhe që po vazhdojnë të punojnë për fuqiziminë e partisë", duke aluduar në radhitjen e dy subjekteve politike lokale të AAK-së dhe Partisë Reformiste ORA. Demaku ka thënë se ne do të vazhdojmë me një qeverisje të stabilitetit politik në ushtrim të pushtetit në formën demokratike dhe është zotuar se PDK-ja në Drenas do të hyjë edhe më fuqishëm për t'i fituar zgjedhjet e vitit 2009. "Në këtë tubim kemi edhe degën e AAK-së dhe ORA-së, të cilat janë bashkuar radhëve të PDK-së", ka thënë ai. Ish- nënkryetari i Degës së AAK-së në Drenas, tani anëtari më i ri i PDK-së, Shemsi Elezi, ka thënë se e ka marrë vendimin për të kaluar në PDK pas përcjelljës së punës të Kuvendi Komunal të Drenasit. "Pas konsultave që kemi bërë me ish-Degën e AAK-së, kemi ardhë në perfundim që te jemi pjesë e kësaj partie, dhe që nga sotë deklarojmë se ish-strukturat e AAK-së aderojnë në PDK", ka thënë ai. Lëvdata të qeverisjes lokale të Drenasit i ka bërë edhe ish kryetari i Partisë Reformiste ORA nëDrenas , Ismail Dibrani. Ai ka thënë se "viti 2008 është viti i sukëseseve të mëdha të historisë së kombit shqiptar dhe fatmirësisht komuna e Drenasit pati fatin të ketë një qeverisje të suksesshme, si rezultat i punës së strukturës komunale, por edhe një përkrahje të fuqishme të Qeverisë së Kosovës".