Rrezikon të mbyllet Shtëpia integruese e shëndetit mendor

Nuk vihet në jetë memorandumi ndërmjet Ministrisë së Shëndetësisë dhe drejtuesve local të shëndetësisë

Nga 1 janari Shtëpia integruese e shëndetit mendor është dashur të vihej në mbikëqyrjen e Ministrisë së Shëndetësisë, por kjo gjë ende nuk ka ndodhur

Bekim Dobra

Drenas, 7 janar - Zyrtarë shëndetësie në Drenas janë shprehur të shqetësuar, ngase Shtëpia integruesemë e shëndetit mendor mund të mbyllet shkaku i moskujdesit nga Ministria e Shëndetësisë. Sipas Gani Halilajt, drejtor i Qendrës Kryesore të Mjekësisë Familjare (QKMF) “Dr. Hafir Shala”, nga 1 janari është dashur që shtëpia integruese e shëndetit mendor të mbikëqyrej nga Ministria e Shëndetsësië. Për këtë ai është bazuar në marrëveshjen e mirëkuptimit që është bërë midis MSH-së, SSHSHM-së në Prishtinë dhe Drejtorisë së Shendetësisë në Drenas. Halilaj ka thënë se deri në fund të 2008-es, kjo shtëpi si për nga stafi i infermiereve dhe paga e tyre është mundësuar nga DSH-ja komunale, duke shfrytëzuar mundësinë e bartjes së punëtoreve nga QKMF-ja, dhe pa pasur mundësin e shtimit të punëtoreve. Ai tregon se 3 punëtorë për një vit paga e tyre është mundësuar përmes një donacioni nga Keshilli Danez për Refugjatët. Dhe Halilaj shprhehet se nëse nuk do të këtë ndonjë përgjigje pozitive nga MSH-ja deri në fund të muajit janar, jemi të detyruar që punëtoret e shtëpisë të kthehën ne QKMF. Shpjegon se nëse respektohët marrëveshja, punëtoret që janë duke punuar në këtë shtëpi mbesin, ndërsa për punëtorë shtesë në QKMF do të shpallet konkurs. “Kjo qendër rrezikon të mbyllet nese MSH-ja nuk ndërmerr ndonjë iniciativë të shpejt për gjetjen e mundësisë së punëtoreve për t’i paguar” ka thënë drejtori Halilaj. Të dy drejtorët, ai i Drejtorisë komunale të Shëndetësisë Elmi Dobra dhe drejtri i QKMF-së, Gani Halilaj, kanë thënë se nuk janë të interesuar për mbylljen e këtij objekti, por nese nuk respektohet një marrëveshje e nënshkruar do të jenë të detyruar t’i kthejnë punëtoreve në QKMF. MSH-ja nuk e ka respektuar memorandumin e nënshkruar nga ish-sekretari i shëndeësisë në MSH, Ilir Rrecaj, Dr.Sarie Doko drejtore e Shëndetit mendor në Prishtinë, dhe 2 drejtorët, Dobra dhe Halilaj. Sipas meorandumit MSH-ja dhe SHSHM-ja duhët të sigurojë për 5 punëtorët e QKMF-së, të cilët do të punojnë në Shtëpinë e shëndetit mendor në Drenas pas datës 31. 12. 2008 për të cilën do të sigurohen mjete buxhetore nga buxheti i MSH-së, në mënyrë që këta punëtor të kalojnë në regjistrin e pagave të punëtorëve të kësaj ministrie. “Ministria e Shëndetësisë dhe Drejtoria e Shëndetësisë në Drenas kanë arrit këtë marrëveshje me qëllim të ofrimit të shërbimeve të shëndetit mendor për popullatën e këtij rajoni, ku aktualisht kërkesat për këto shërbime janë shumë të mëdha” thuhët në këtë memorandum. Drejtori i QKMF-së, Gani Halilaj, që njëkoherësh është edhe konsulltant në Shtëpinë e shëndetit mendor, ka thënë se “pas stabilizimit të punëtoreve jemi të interesuar që numri i pacientëve në këtë qendër të rritet, pasi që ekzistojnë mundësit dhe të orentohemi tek pacientet e Drenasit, duke marrë parasysh se kjo trevë është goditur nga lufta dhe si pasojë e saj ka shumë të prekur më semundje mendore”. Kryeinfermierja e kësaj shtëpie, Mirdita Leku ka thënë se deri tashti në këtë shtëpi kanë gjetur përkrahjen e qëndrimit 24 orë, 5 pacientë, 3 nga rajoni i Prsithinës, 2 nga Drenasi. Por ka shtuar se kanë klientë të shumtë që kryjnë terapinë ditore e mujore në këtë shtëpi. “Kemi mbi 200 pacientë që marrin ampula, ku vetëm brenda një muaji deri në 30 vetë kryjnë një shërbim të tillë”, thotë Leku. Ajo shton: “Qëllim yni është aftësimi i integrimit të klientëve në shoqëri, familje dhe komunitet, secili klient ka të caktuara detyrat e veta, ndërsa terapia dhe ushqimin e kanë të rregulluar”. Leku nuk është pajtuar më SHSHM-në në Prishtinë dhe më MSH-në që i sjellin pacientët nga Prishtina, kurse në Drenas fatkeqësisht thotë se ka paciant me sëmundje mendore që bredhin rrugëve. Ajo tregon se kanë kërkesa të shumta nga banorët e Drenasit, nga familjarë të të sëmurëve që të vendosin klientët në këtë shtëpi. Por thotë se deri sa të merret vesh së në “mëshirë” të kujt do te mbetet nuk kanë mundësi të pranohen më shumë pacientë për qëndrimit ditorë për më shumë se 10 veta. Klienti R.D nga Nekoci i Drenasit thotë se ndihet shumë mirë në këtë shtëpi dhe se ka filluar të merr vetën falë angazhimit dhe aktiviteteve që zhvillohen në këtë shtëpi.

Disa rrugë fshatrash zor të kalueshme

Kompania "Pastrimi" nuk arrin t'u dalë zot pastrimit të ë gjitha rrugëve në Drenas

Në fshatrat Baicë, Tërdec, Abri, Verboc, Gllobar dhe Tërstenik rrugët kalohën me veshtirësi. Ndëraq zyrtarë të kompanisë “Pastrimi” kanë pranuar se ka disa rrugë të pakalueshme,porse ata janë munduar të bejnë punën e tyre

Bekim Dobra

Drenas, 6 janar - Rruga që lidh fshatrat Baicë, Tërdec dhe Abri vazhdon të jetë vështirë e kalueshme për automjete dhe për njerëz. Faruk Hyseni, pronar i një linje autobusësh që qarkullon në këtë relacion, ka thënë se është detyruar të intervenojë vetë që rrugën ta bëjë të kalueshme. “Kam blerë kripë kuzhine dhe kam larguar disa pjes të borës, por rruga është 15 kilometra dhe nuk k a mundesi ta pastrojë krejt rrugën, kjo është përgjegjësi e ndërmarrjes dhe e Komunës së Drenasit”, është ankuar ky operator. Sipas tij, në vendin e quajtur “Garrapole”rruga gati është tërësisht e pakalueshme. Një gjendje e tillë është edhe në rrugët e fshatrave Vërboc, Gllobar dhe Tërstenik. Sabit Gashi, nga fshati Vërboc, thotë se rruga e këtij fshati kalohet me vështirësi të mëdha, ngase kompanitë e pastrimit nuk kanë intervenuar në këtë anë. Përveç fshatrave, as gjendja e rrugëve në Drenas nuk është e mirë. Besnik Hoxha, banues në Drenas, është ankuar se shumica e trotuareve janë të pakalueshme. Nga ana tjetër, KK-ja ka përzgjedhur ndërmarrjen “Pastrimi” për të pastruar borën nëpër rrugët e kësaj komune. Mëgjithatë, kontrata në vlerë prej 7.883 euro duket të jetë jo e kënaqshme për drejtuesit e kompanisë. Menaxheri i kësaj ndërmarrjeje, Muhamer Çelaj, thotë se mjetet e KK-së nuk mjaftojnë as për shpenzimet e ndërmarrjes. Çelaj ka pranuar se disa rrugë janë të pakalueshme, por ka thënë se janë munduar t’i pastrojnë rrugët e të gjitha lokaliteteve. Nga ana tjetër, Drejtori i Shërbimeve Publike, Ragip Gjoshi, ka thënë se gjendja në trafik është veshtirësuar, por sipas tij, “të gjitha rrugët lokale janë kalueshme dhe janë të lidhura me qendrën komunale”. Ndërkaq togeri nga Stacioni policorë i Drenasit, Fehmi Hoti, ka thënë se gjatë këtyre ditëve kanë ndodhur 3 aksidente me dëme materiale. Ai ka apeluar te ngasësit që t’u përshtaten kushteve klimatike gjatë ngasjes dhe domosdoshmërisht t’i kenë pajisjet dimërore.

Kalon edhe një vit ,me peripeci invalidi i luftës ish-UÇK-së Vehbi Fazliu, nga Nekoci i Drenasit

Fazliut i humb vetëdija, shpeshherë ka ankthe, bëhet i palëvizshëm, nuk merr guximin të dalë jashtë shtëpie…, thotë pak kanë bërë institucionet për luftëtarët e lirisë

Bekim Dobra

Drenas, 31 dhjetor - Vehbi Faliu nga Nekoci i Drenasit, pjesëtar i ish-UÇK-së që nga 18 prill ‘99, jeton me ciftla metali në kokë tashmë 10 vjet dhe ka peripeci të mëdha jetësore. Atij i humb vetëdija shpeshherë ka ankthe, bëhet i palëvizhshëm, nuk merr guximin të dalë jashtë shtëpie. Vehbiu ka qenë pjesëtar i Brigadës 121 në Gryken e Gashit të Nekocit, ku edhe plagoset rendë. Merr si “dhuratë” cifla metali të predhës së minahedhësit, kalibri 120 mm. Jo vetëm në kokë, por edhe në gjithë trupin e tij. Ai lishte përjetuar edhe një gjendje të pavetëdijeshm goxha një kohë të gjatë. “Tri javë të tëra kam qenë pa vetëdije, ndërsa 3 javë krejtësisht i paralizuar. Dy javë kam qëndruar në shpellën e tij Ymer Devetakut të Lipjanit, pa ushqim dhe pa ilaqe”, kujton Vehbiu nisjen e peripecive, duke e falënderuar Ragip Gjoshin, një tjetër luftëtar i UÇK-së, i cili e kishte tërhequr atë nga shpella, vetëm pak orë pasi që atë ta merrnin forcat serbe.

Mungesa e përkrahjes për shërim

Pas përfundimit të luftës, me imazhin e luftëtarit për liri dhe duke menduar se institucionet do të kujdeseshin për shërimin e tij, Fazliu nis të kërkojë trajtimin mjekësor. “Ajo çka më dhemb shumë, është pa dyshim moskujdesja ndaj meje. Eshtë për të ardhur keq, që asnjë institucion nuk është përkujdesur për shërimin tim. Jam detyruar të shes truall shtëpie për të paguar shërimin, më saktë vetëm për ta bërë një fotografim CT, më ka kushtuar 820 euro, ndonëse kam statusin e invalidit të luftës së UÇK-së”, thekson ai. Vehbiu ka bërë të paktën 11 fotografime të këtilla, asnjë nga mjekët nuk kishte pranuar që ta operonte, pasi që operacioni tregohet të jetë shumë i ndërlikuar dhe nëse do të ishte i pasuksesshëm, atëherë ai do të mund të mbetej i palëvizshëm. Shërimi i tij mund të bëhet vetëm jashtë vendit. “Mjekët më kanë ndalur të punojë çfarëdo pune. Ata ndëkombëtarë ma kanë caktuar shkallën e invaliditetit 79 për qind. Por komisioni i mjekëve ka menduar ndryshe dhe e kanë zbritur në 40 për qind”, sqaron Fazliu. Sipas tij nuk i ishte lejuar të aplikonte për t’u punësuar në polici. Nuk i ishte lejuar gjithashtu që të aplikonte për patentë shofer, pasi që është vlerësuar se është i paaftë. “Kur më mohohet e drejta për punë dhe kur më kufizohen shumë gjëra, të nevojshme për të mbijetuar, atëherë pyes veten, se cili është statusi im në Kosovën e lirë, për të cilën derdhëm gjakun”. Ai gjithashtu pohon, se tash e dhjetë vjet ndien pasoja e plagëve. “Tashmë 10 vjet jetoj me 5 cifla të granate në kokë. Më humbë vetëdija, kam ankthe, bëhëm i palevizshëm, nuk kam guximin të dal jashtë shtëpisë”, tregon gjendjen e tij. Ndërsa bashkëshortja e tij, Rabishja, shton se kur bashkëshortin e saj e kapin ankthet, atëherë ai bëhet “trup e krye bashkë”.

Një hallkë tjetër varfëra

Krahas problemeve të rënda me shëndetin e kryefamiljarit, familja e Vehbi Fazliut hallkë tjetër ka edhe varfërinë. Jeton në kushte të rënda banimi në një shtëpi më e djegur tashti e çarë në të gjitha anët. Ai mbijeton me vetëm 72 euro si invalid lufte. Por jo dhe ndihmat sociale për fëmijet e vegjel. “Paj vallahi e kam harrue veten krejt, sepse po e shoh që askush nuk kujdeset për shëndetin tim, por tash e kam hallin se si të mbijetoj me familjen. Kam tre fëmijë, marr vetëm 72 euro, të cilat as për barna nuk më mjaftojnë”, thotë Fazliu, i cili ankohet në institucionet e pushtetit lokal në Drenas, por edhe në ato të Kosovës, të cilat nuk e kishin ndihmuar. Derisa vajzat e Vehbiut, Rrezarta (7), Doruntina (5) dhe djali Rrezarti (3), të cilët edhe ata e ndjejnë varfërinë, përpiqeshin të ngrohëshin ne dhomen e ftohetë. Vehbiun herë pas here e kanë ndihmuar humanistë të ndryshëm më artikuj ushqimorë. Vehbiu është 30 vjeç dhe jeta është para tij, por më parë duhet që të shërohet. Kërkesat e shumta në Ministrinë e Shëndetësisë dhe në institucionet e tjera të vendit, që të ndihmohet për t’u shëruar jashtë vendit nuk kanë dhënë ndonjë rezultat deri më tashti. “Nuk kam marrë deri më tash ndonjë përgjigje konkrete. Por unë shpresoj se kjo do të ndodhë. Jam qytetar i këtij vendi, për të cilin kam derdhur gjakun. Do të ishte e drejt, që shteti, i cili u ngrit mbi gjakun e derdhur të bijave dhe bijve më të mire të vendit, përfundimisht të përkujdeset për shërimin tim”, përfundon Vehbi Fazliu.

Vërboci i Drenasit, vend i kulturës, traditës dhe legjendës shqiptare

Kalaja dhe Xhamia vende që mbajn traditat shekullore

Kalaja Vërbocit daton që nga viti 165 para erës sonë, ndërsa familja Kastrati mban imamin e xhamisë që nga ndërtimi i saj në vitin 1615, i 14 mulla Dritoni, ndërsa i pari mulla Ali ( Shkoza ) Kastrati.

Bekim Dobra

Vërboc, Drenas, 31 dhjetor - Fshati Vërboc shtrihët në pjesën veriore të komunës së Drenasit, ndërsa kufizohët më fshatrat, Shtiticë, Gllanasell, Gllobar, Tërstenik dhe Polluzhë. Është një fshat kodrinoro-malorë dhe ka një naltësi mbidetare prej 700 metrave. Karakteristikë e fshatit është kalaja shumëshekullore dhe xhamia e ndërtuar në vitin 1615. Kalaja e Vërbocit ekziston sipas historianit Ilaz Dobra që nga viti 165 para erës sonë. Për të gjitha këto, historiani Dobra thot se ekzistojnë të dhënat se në atë vend ka pasur vendbanim. “Në vitin 165 para erës sonë ishte ndëruar Kalaja e Vërbocit, në kohën e Justinanit, përandorit bizantin që ju kishte dhënë rëndesi ndërtimit të kalave, e njëra ndër to ishte edhe Kalaja e Vërbocit” ka thënë historiani Dobra. Kjo kala sipas tij është shfrytëzuar deri në vitin 1980, gjurmet dhe muret e saj kanë qënë të dallueshme deri në këtë vit, por pakujdesia e njerëzve kanë demtuar pjesët e gureve pa e ditur rendësin e saj. Dobra ka thënë se kjo është edhe një pakujdesi e organeve shtetërore të Kosovës që nuk i kanë ruajtur monumentet historike e kulturore. Këtë vend sipas historianit Dobra e kanë vizituar shumë arkeolog nga Kosova e Shqipëria edhe ndërkombëtaret dhe kanë konstatuar se është vendbanim ilir. Kalaja ka pas të gjitha elementet e një kështjelle; rrugicat, varrrezat, shkritoren, sallat, vendbanimet, vendet mbrojtese, vendsulmimet të cilat kanë konstatuar aty kanë jetuar fiset ilire. “Kalaja e Vërbocit ka qënë urë lidhëse e fiseve dardane dhe ilire në mes të kalasë së Mitrovicës, të Orllatit, Rahovecit dhe të asaj nga Prizereni” ka thënë historiani Dobra. Ai thotë se keto fakte janë të bazuara në bazë të studimeve dardane të librave historike. “Pos shënimeve në librat historikë ekzistues, ekziston edhe fakti se aty ka pasë banorë” ka thënë ai. Janë të gjitha gjurmët – shtëpitë nga guri, varrezat dhe shumë elemente tjera që syri t’i vertetonë. Dobra ka kritikuar qevërin e njëpasnjëshme të vendit që më gjithë kërkesat, këtë vend nuk e kanë shpallur vend historikë. Në këtë fshat është edhe legjenda e ferkemës së kalit të Mujë Halilit. Ajo gjindet vetëm pak metra prapa Kalas, përkatësisht të vendi i quajtur “mas rrasave”. Pamja e saj tregon vertetë një ferkem kali, por jo sikur madhesia normale e një patku kali, por të një kali gjigant që vetëm në legjenda mundë të thuhet. Për këtë legjend flet edhe historiani Dobra. Ai thot se për gjurmet e Mujë Halilit ekziton vetëm pamja e një ferkeme të Kalit, jo sikur një ferkeme normale e një kali, por jo dhe në shënime historike. Për këtë legjend, Dobra thot se ka mbetur vetëm gojëdhenë e trashiguar. “Thuhet se Mujë Halili me kalin e tij madhestorë ka kapercyer në malet e Çyçavicës të Vërrbocit dhe të fshatit Morinë kun ë të gjitha keto vende vertet ekziston një ferkem e një madhësie të tillë” thot histriani Dobra.

Xhamia e fshatit më e vjetra në Drenicë

Vërboci nuk njihet vetëm më kalan shekullore dhe legjenden e ferkemes së kalit të Mujë Halilit. Në këtë fshat ekziston edhe xhamia më e vjetër në Drenicë (pas djegjes së xhamisë së Krajkovës nga forcat serbe ). Ajo daton që nga viti 1615. Karakteristikë e kësaj xhamie mbetet trashigimia e prijesit të saj. Që nga ndërtimi i saj imam i kësaj xhamie e kanë trasheguar familja Kastrati nga ky fshat. Për këtë rastësi flet imami mulla, Driton Kastrati që është pasardhës i 14 i imameve të kësaj xhamie. Kjo familje sipas mulla Dritonit ekziston në fshatin Vërboc që nga viti 1610 dhe mulla Alia i pari ka qënë qe e ka vnuar gurëthemelin e ndërtimit të kësaj xhamie. Mulla Dritoni thot se kanë ardhë nga fshati Shkozë të Gjakovës dhe mënjeher kur janë vendosur në këtë fshat pas pesë viteve paraardhesit e tij kanë ndëruar xhaminë e parë në këto anë. Këtë objekt të ritit fetar islam e kanë shfrytezuar më shumë se 10 fshatra përreth. “Pas xhamisë së Krajkovës që është djegur terësisht nga forcat serbe ka mbetur xhamia e Vërbocit më e vjetra në Drenicë” thotë mulla Dritoni. Në oborrin e kësaj xhamie gjetum mulla Dritonin, duke i numëruar varret e paraardhseve të vet që si familje kishte trasheguar këtë fe. Ai numëronte imamat sipas emrave, thoshte se kanë qenë 1 mulla Alia, 4 mulla Isufa, 5 mulla Syla, 2 mulla Bajrama, 1 mulla Rexhepi dhe i fundit mulla Dritoni, nga po e njejta familje. Vendi ku është ndertuar xhamia është pronë e familjes Kastrati që është leshuar për ndërtim të xhamisë. Pikërisht në oborrin e saj gjinden edhe varret e njëpasnjëshme të familjes Kastrati. Xhamia ekziston sipas mulla Dritonit në po të njejtat themele të vitit 1615, thot se vetëm janë bërë disa riparime të vogla. Familja Kastrati mban me epitet dhe një lloj fanatizmi prijesin e xhamisë. Mulla Dritoni thot se kjo është pjes e trashigimis familjare që më më shumë deshirë e mbajn. “Këtë prijesi të imamit të xhamisë e kemi ndjekur më një deshire brez pas brezi dhe na është bërë edhe traditë familjare” thoshte mulla Dritoni. Ai tregon peripecit e mbajtjes së këtij epiteti të mullave. Thot se ka pas që nga ta edhe janë burgosur nga luftërat e ndryshme dhe janë malltretuar, vetëm se kanë mbrojtur vendin dhe traditen e fesë islame. Tradië e kësaj familje sipas mulla Dritonit ka qënë edhe pajtimi i familjeve të hasmuara. Ai thot se për sa vite gëzojnë një autoritet në Drenicë dhe më gjerë. Fshati Vërboc identifikohet me emrin Shelgjajë, por okupatoret serb këtë toponim shqiptarë e perkthyen me ermrin që tani quhet Verboc. Në pjesën verilinore të fshatit është edhe lumi Vërboc që është degë e lumit Drenica, si burim kryesor i ketij lumi. Fashati ka msëse 2000 mijë banorë dhe është i ndarë me lagje, ka edhe shkollën më 470 nxenes.

Komuna mendon për fshatin Vërboc në vitin 2009


Kreret e komunës së Drenasit kanë metuar që vitin e ardhshëm të shëndrrohët fshati Vërboc si fshat kulturor e turistik. Më këtë ata kanë menduar ndërtimin e një liqeni akumulues për ujë të pijshëm, si dhe shëndrrimin e Kalas në qendër turistike-kulturore. Kryetari i KK-së, Nexhat Demaku ka thënë se komuna ka planifikuar që vitin e ardhshëm grumbullon mjete për ndërtimin e në liqeni artificial si dhe për ndërtimin e një qendre tutistike-kulturore. Më ndërtimin e këtij liqeni artificial është thënë se do të këtë një vend ekologjik, turistik, shfrytëzim i ujërave për pije, ndalim të vershimeve dhe karakterin e vizitave kulturore e artsistike. Vendi për ndërtimin e këtij liqeni akumulues artificial është caktuar “Fusha e Mollës”, përkatësisht pranë Kalas shumëshekullore dhe pran gjurmeve legjendare të Halil Mujës. Realizimi i një projekti të tillë do t’i printe rajonit të Drenicës. Këtë plan ideor e ka shpalosur i pari i Komunës, Nexhat Demaku në fillim të muajit gusht. Ai pat thenë se me realizimin e këtij projekti komuna do të ketë përfitime të shumëfishta zhvillimore. Fshataret e kanë mirëprit iden e realizimit të një projekti të tillë.

Shuhet AAK-ja në Drenas

E pakënaqur me qendrën, Dega e Aleancës në Drenas merr vendim për t’i ndërprerë aktivitetet politike

“Më gjithë punën së palodhshme dhe të veshtirë të Degës sonë në Drenas, niveli qendror e ka injoruar atë me zgjedhjen e kryesive të reja në AAK, andaj ne më nuk do të jemi argatë i këtij subjekti që injoron degët dhe që zgjedh njerëz në baza lokaliste”, ka thënë ish-nenkryetari i AAK-së në Drenas, Shemsi Elezi

Bekim Dobra

Drenas, 27 - Aleanca për Ardhmërinë e Kosovës, Dega në Drenas në mledhjen e së shtunës përmes një vendimi ka ndërprerë aktivitetet politike të këtij subjekti. Tanimë ish-anëtari i kryesisë së AAK-së në Drenas, Fatmir Dugolli, njëherësh edhe anëtarë i Asamblesë Komunale të Drenasit ka thënë se komplet Dega e AAK-së në Drenas ka ndërprerë aktivitetet e saja politike. Dugolli ka shtuar se në mbledhjen e mbajtur të shtunën të Kryesisë së kësaj dege është marrë unanimisht një vendim i tillë. Nënkryetari i AAK- së në Drenas, Shemsi Elezi, (kandidati që kishte konkurruar edhe për kryetarë komune nga radhet e kësaj partie) ka thënë se arsyeja e tërheqjes nga partia e Aleancës për Ardhmerinë e Kosovës është si shenjë pakënaqësie më ndodhitë që janë paraqitur në nivelin qendror të këtij subjekti. “Më gjithë punën e palodhshme dhe të vështirë të degës sonë në Drenas, niveli qendrorë ka lujt një rolë lokalist dhe degën e Drenasit e ka injoruar më zgjedhjen e kryesive të reja në AAK, andaj ne më nuk do të jemi argat i këtij subjekti që injoron deget dhe që zgjedh njerëz në baza lokaliste” ka thënë ish-nenrkyetari i AAK-së në Drenas, Shemsi Elezi. Ai ka shtuar së që nga dalja e AAK-së si opozitë e ka injoruar gjithëherë Degën e AAK-së në Drenas dhe askush nuk ka dhënë mbështetje, më gjithë punën e palodhshme të kësaj dege. “Ne kemi elektoratin tonë që na e kanë besuar edhe votën, për hirë që edhe ne mos ta injorojmë besueshmërinë e tyre, kemi marrë vendim që e gjithë kryesia e kësaj dege të tërhiqet nga kjo parti dhe më nuk do të jemi argat i punës së pashpërblyer dhe nuk do të jemi argatë i një partie që na ka injoruar si degë”, ka thënë Elezi. Ai ka përmendur rastin e fundit të Aleancës së Gruas së Kosovës, ku ka thënë se edhe pse një delegate e kësaj ane ka marrë 30 për qind besueshmërinë, ajo nuk ka hyrë në AGK. Dega e AAK-së në Drenas nuk ka mbajtur as edhe kuvend për zgjedhjen e kryetarit të kësaj partie, dhe me vite dega nuk ka pasur as edhe kryetar. Një burim mirë i informuar brenda PDK-së, ka thënë për “Kohën Ditore” se komplet Dega e AAK-së në Drenas do të kalojë në strukturat e Partisë Demokratike të Kosovës dhe se tanimë edhe janë zhvilluar edhe bisedime për këtë. Fatmir Dugolli nuk e ka mohuar një mundësi të tillë, por ka thënë se “ne gjatë mbledhjes së sotme (e shtunë) kemi dalë më një vendim të shuarjes së AAK-së në Drenas dhe kjo ka ardhë nga shumë pakënaqësi më nivelin qendror dhe më organizmin e kësaj partie, ndërsa vendim unanimi për t’u rreshtuar në PDK nuk është përmend, por kjo tani mbetet të vendos secili individ, ne kemi marrë vetëm një vendim, por në janar të vitit të arsdhshëm nuk përjashtohët mundësia që të jemi edhe ne pjes e PDK-së”. Ai ka shtuar se ne mbledhjen e radhës së Asamblesë Komunale do të paraqes informimin se tani më në Asamblenë Komunale do të ushtrojë veprimtarinë si kandidat i pavarur. Drenasi që nga zgjedhjet e fundit është pa ndonjë opozit, edhe ajo që ka qënë është shumë “e heshtur”, asnjëra nga to nuk ka mbledhur kryesinë për të vlerësuar apo kritikuar punen e pozitës. Rasti i fundit i shuarjes së opozitës ishte ORA, kur ish-kryetari i Degës në Drenas, Imsail Dibrani, kishte ndërprerë aktivitetet e kësaj partie në këtë komunë dhe në Asamblenë Komunale kishte vendosur të jet si kandidat i pavarur.

Shfuqizohen vendimet e masave të dhunshme, 90-98

KK i Drenasit, pas 8 vjetësh merr një vendim rreth pronave komunale

Përfaqësues të Drejtorisë së Gjeodezisë kanë thënë se për çdo ditë po shtohen qytetarë me vendime të marra nën masa të dhunshme, të kohës së Millosheviqit, të cilat janë në dëm të interesit të përgjithshëm

Bekim Dobra

Drenas, 27 dhjetor - Komuna e Drenasit, përkatësisht Drejtoria e Gjeodezisë, ka marrë një vendim për pezullimin e përkohshëm të regjistrimit kadastral për pronat e palujajtshme, të fituara nga pronat komunale dhe ish-ndërmarrjet shoqërore, për shkak të disa problemeve që mund të paraqitën më vonë. Sipas këtij vendimi, është mësuar se përkohësisht bëhet pezullimi i regjistrimit të pronës në regjistrat kadastral të pronave të paluajtshme të evidentuara në emër të ish-ndërmarrjeve shoqërore në personat e ndryshëm fizik dhe juridik, kryesisht me vendime gjyqësore dhe administrative të viteve të 90-ta deri më tani. Madje gjithëher sipas këtij vendimi me rastin e aplikimit të personave fizik dhe juridik për regjistrimin e pronave të palujtshme pran zyrës Komunale të Kadastres së Drenasit paraqitën mospërputhshmeri në bazë te dhënave me gjendjen e vjetër me të dhënat që pala i sjell me vendimin gjyqësor apo administrativ. Andaj në këtë vendim thuhet se deri sa të mos kompletohet dokumentacioni kadastral për shumë arsye pezullohet regjistrimi i kësaj të drejte, të drejtën e pronësisë gjërsa të kthehën shënimet kadastrale. Drejtoria e Gjeodezisë ka dhënë edhe një arsyetim dhe sqarim se në cilat baza është marrë ky vendim. Në arsyetim thuhet se me rastin e instalimit të masave të dhunshme në komunen e Drenasit, në vitet e 90-ta deri në vitin 1998, janë nxjerr vendime për transaksione të ndryshme lidhur me pronat komunale, shtëterore dhe shoqërore, duke u përvetësuar këto prona nga përsona të ndryshëm fizikë, në dëm të interesit të përgjithsëm të qytetarëve të komunës së Drenasit. Komuna vendimet e atëhershme i ka quajtur diskriminuese të nxjerrura nga organet e dhunshme dhe në një kohë jo të duhur për qytetarët e kësaj ane. Më ato vendime Komuna e Drenasit dëmtohet konsiderueshëm, lidhur me tokat për realizimin e projekteve të ndryshme të infrastructures. Komuna e Drenasit deri tashti ato vendime nuk i ka regjistruar si të ligjshme në kadastër, duke e ruajtur interesin e përgjithshëm të qytetarëve, që të mos krijohen probleme me palët që kanë përfituar me vendimet e tillanë, është theksuar në arsyetimin e shfuqizimit të vendimeve në kohën e masave të dhunshme. “Ne edhe sot e kësaj dite nuk kemi një regjistër të saktë, se sa është numri i përsonave që kanë përfituar me këto vendime apo siperfaqja e saktë e tokës së fituar ne dëm të pronave komunale”, thuhët tutje në arsyetimin dhe shpjegohet se për çdo vit po rritet numri i vendimeve të tilla

Më shumë tentativa vetëvrasjesh, më shumë aksidente

Policia flet per gjendjen e sigurisë në Drenas gjatë periudhës njëvjeçare


Në Komunën e Drenasit gjatë këtij viti janë shënuar gjithsejt 11 tentativa vetëvrasjeje, 3 më shumë se vjet

Bekim Dobra

Drenas, 27 dhetor – Stacioni Policorë i Komunës së Drenasit ka prezentuar statistikat e ngjarjeve që kanë ndodhur brenda këtyre 12 muajve. Togeri Fehmi Hoti, vitin që po shkon e ka cilësuar si më të qetë në kuptim të sigurisë, më gjithë shtimin e tentativave për vetëvrasjeje dhe hajnive të ndryshme. “Situate e sigurisë brenda rajonit të Komunës së Drenasit gjatë këtij viti ka qënë relativisht e qetë dhe e sigurt”, ka theksuar Hoti, ndërsa për këtë ka falenduar qytetarët për bashkëpunim më policinë. “Puna policore, si për ruajtjen e gjendjes së sigurisë, dhunën në familje, sigurinë në komunikacionit etj., varet edhe nga bashkëpunimi me qytetarë dhe të gjitha institucionet e kësaj komune”, ka vlerësuar togeri Hoti dhe ka shtuar se sivjet ka pasur më shumë raportime të dërguara në polici nga qytetarët. “Tek qytetarët është shtuar edhe besimi në Stacionit Policore të Drenasit. Ata i kanë kuptuar detyrat tona dhe detyrat e tyre kushtetuese për të bashkëpunuar më organet e sigurisë”, ka thënë Hoti, sipas të cilit ky vit ka shënuar rëenie të konsiderueshme të aksidenteve, sidomos ato raste më fatalitet. “Gjatë 12 muajve, nëse krahasojmë më vitin paraprak, kemi një rënje të veprave penale dhe kundërvajtjeve. Rastet më të shpeshta kanë qenë vjedhjet”, ka thënë Hoti. Ai ka shtuar se nga 885 raste të veprave kriminale që janë raportuar, 151 kanë qenë vjedhje kundër pasurisë, vjedheje të rënda 74, prishje të rëndit dhe qetësisë publike 126, demtim më qëllim të pronës 56, godit e e ik 52 raste, lëndime të lehta trupore 42, posedim i paautorizuar armësh 37 raste, kansosje 29, vjedhjeve mjetesh eksplozive të pashpërthyera 27, tentim vjedhje 25, dhunë familjare 25 etj. Hoti ka thënë se krahasuar më vitin 2007 ka një rënie të veprave penale. Dukuri shqetësuese këtë vit ka thënë se është rritja e tentativës së vetëvrasjeve, sidomos të moshat e reja. “Brenda një viti janë raportuar 11 tentativa vetëvrasjeje, dërisa një vit më parë janë shënuar vetëm 8 raste”, ka saktësuar Hoti, duke vleresuar si faktorin kryesor gjendjen ekonomike. Gjatë këtij raportimi të punës njëvjeçare, togeri Hoti ka dhënë edhe informacione të tjera rreth punës së policisë.

Familja Plakiqit bëhet me shtepi të rë, falënderon donatorin

Mërgimtari Halim Hoti nga Caralluka e Malishevës ndihmonë skamnorët


Mërgimtari Hoti, ka vite që ndihmon familjet skamnore të Drenasit, ndërtimi i shtëpisë në fshatin Nekoc është e dyta që ai financon, ndërsa ka dhënë mijëra euro ndihma kësaj kategorie për festa

Bekim Dobra

Drenas, 24 dhjetor - Sherif Plakiqi është ndier më i gëzuari kur ka kuptuar së dora humane e mërgimtarit Halim Hoti, nga fshati Carallukë i Malishevës më qendrim në Suedi do t’ia ndërtojë shtëpinë. Sherif Plakiqi më 9 anëtarë të familjes nga Nekoci i Drenasit jeton në gjendje të rendë ekonomike dhe sociale. Kjo familje jetonë në një dhomë që i ngjan një gremine të shkatërruar, më vetëm 55 eurove në muaj ndihmë sociale. Këto para nuk i dalin as për barna. “Jam detyruar t’ia ndërpres shkollën dy vajzave, ngase nuk kam pasur, kam qënë i detyruar, skamja më ka shtyrë” ka thënë Sherifi. Vajzat që kishin ndërprerë shkollimin në oborrin e tyre vogël me piqnin një fli. “Ma kanë falë miqësia një lopë dhe nga ajo mbahemi. Po të mos të ishte edhe ajo, nuk e di se qka do të hanim” tha i mërzitur Sherifi që cili kishte frymëmarrje të veshtirësuar. Edhe e shoqja e Sherifit vuan nga semundja e mushkerive. Shoqata “Kapanamuri” kishte nisur t’ia ndërtonte një shtëpi pas luftës, por kishte mbetur vetem me mure dhë mbuloja të një kulmi të përkohshëm. Objekti, duke qëndruar ashtu i pameremetuar ka filluar edhe të dëmtohet. Familja Plakiqi jeton në një dhomën pa një ngrohje. Fëmijët endeshin të zbathur në copat e tepihave dhe mërdhinin. Mërgimtari Halim Hoti kësaj familjeje ia ka dhënë edhe 200 euro për pritjen festive të fundvitit. Ai po këtë ditë ia kishte kumtuar lajmin kësaj familje se do të bëhen me shtëpi të re. “Ëndërr imja është ndërtimi i shtëpisë. Edhe nëse vdes, bile mos t’i lë fëmijet pa kulum mbi kokë” thoshte kryefamiljari Plakiqi. Do theksuar që nuk është kjo ndihma e parë që mërgimtari Hoti u ka ofruar skamnorëve. Ai, vjet, kishte ndërtuar shtëpin e Shaban Berishës nga Gllanasella, e cila kishte kushtuar mbi 20 mijë euro. Po ashtu ka ndihmuar për festa familje të ndryshme skamnore.

Më gjitha përparimet, kontinjerët dhe tri ndërresat mbetën

Përfaqësues të arsimit në Drenas publikojnë arritjet njëvjeçare
Fillimi i punimeve për ndërtimin e Shkollës së Mesme Profesionale, e do të kushtoj mbi 2 milion e 200 mijë euro, sipas drejtorit të Arsimit, Arsim Mehmetit, është projekti më madhor në këtë rrafsh

Bekim Dobra

Drenas, 24 dhjetor - Pas përfundimit të gjysmëvjetorit të parë shkollor, drejtues të Arsimit në Drenas kanë vlerësuar vitin 2008 më të suksesshmin. Drejtori i Arsimit, Arsim Mehmeti, ka theksuar se ky vit ishte më i realizuari, ngase janë përmirësuar kushtet mësimore më shumë se 90 për qind. Mehmteti ka përmend inaugurimin e 5 shkollave, në Abri, Gllanasellë, Dobroshec, në Tërstenik II, dhe ajo në fshatin Godanc. Ai ka thënë se pritet shumë shpejt të bëhet edhe inaugurimi i SHF “Bajram Curri” në Nekoc dhe ajo “Bashkimi” në Drenasin III. Si projektin më madhorë, Mehmeti ka përmend fillimin e punimeve në Shkollën e Mesme Profesionale, vlera e të cilit projekt do të arrin në mbi 2 milion e 200 mijë euro. Përurimi i këtij objekti pritet të bëhet para fillimit të vitit shkollorë 2009. Duke folur për rregullimin e infrastrukturës shkollore, ai ka përmendur kompjuterizimin e SHMT “Fehmi Lladrovci”, pastaj inagurimi i 4 bibliotekave në shkollat fillore dhe 4 sallave me paisje informative kompjuterizimit. Për këtë ka dhënë donacion biznesmeni Hetem Ramadani. Mehmeti ka theksuar gjithashtu se në shumicën e shkollave është siguruar uji i pijshëm, rregullimi i nyjeve sanitare, rrethojat e oborreve shkollore etj. Si rast më specifik ka përmendur hapjen e parafillorëve në të gjitha shkollat fillore. Gjithashtu, drejtori Mehmteti ka thënë se para disa muajsh është arritur marrveshja me “Caritasin” zviceran dhe atë të Luksemburgut që Qendra e Rinis, përkatësisht “Qendra Dielli” të shfrytëzohët për trajnime të edukatoreve dhe mentorëve, të cilët do të pajisen edhe më diploma. Një projekt i tillë ka gjetur përkahje dhe licencim edhe nga MASHT-i. “Është projekti i parë ballkanik që mundësohët nga “Caritasi” i Zvicrës dhe i Luksemburgur, kurse në Komunën tone, nga ky pilotprojekt janë diplomuar 8 edukatore dhe janë duke vazhduar trajnimin edhe dhjetëra të tjera”, ka thënë Mehmeti. Gjatë këtij viti janë dhënë edhe tri lloj bursash, DA-ja ka ndarë 40 bursa studentësh, firma “Al-Trade” 10, dhe nga fondacioni “Solos” i Zvicerës përmes QPEA-s nga Ferizaj kanë dhënë 74 bursa për nxenes të shkollave të mesme. “Gjithashtu, këtë vit është arritur marrëveshje bashkëpunimi edhe më Bankën Botërore dhe përmes saj janë realizuar 10 projekte, e po ashtu një marrveshje edhe më USAID-in amerikan për t’u ndërtuar shkolla fillore në Çikatovë të Vjetër. Është thelluar bashkëpunimi më shtetin e Holandës, ngase një delegacion nga Drenasi ka marrë pjes në këtë shtet. Gjithashtu kemi pritur edhe mysafirë nga Holanda” ka theksuar Mehmeti. Drejtori pasi ka përmendur edhe projekte të tjera ka potencuar se edhe këtë vit kanë trasheguar probleme të vjetra. Ka veçuar SHMT “Fehmi Lladrovci”, ku nxënësit ende mësojnë më kushtet më të veshtira. “Në këtë shkollë ende qëndron problemi i tri ndërresave, mësimi në kontinjerë, si dhe grumbullimi i shumë nxënësve në një klasë, deri në 55 vet” ka thënë Mehmeti dhe ka shtuar se “më probleme madhore ka mbetur edhe SHF “Bashkimi” në qytet. Nxënësit mësojnë në tri ndërresa dhe në klasa kontinjerë”. Gjithashtu edhe SHF “Naim Frashëri” në fshatin Gllobar, vazhdon të mbaj mësim në tri ndërresa dhe në kontinjerë, kurse SHF “Deshmorët e Drenicës” në Çikatovë të Vjetër ka një problem tjetër. Një klasë me parafillorë edhe është mbyllur për shkak të lagështisë. Për të gjitha këto probleme shkollore, i pari i Arsimit në Drenas, Mehmeti ka thënë se për disa nga to janë gjetur zgjidhjet.

Hepatiti prek 8 nxënës, doktorët rekomandojnë kujdes

Shfaqet hepatiti në disa fshatra të Drenasit si pasojë e ujit të ndotur


Dr. Hatip Hulaj, epidemiolog, thotë se hepatitii është pasojë edhe e kushteve ekonomiko-socoale

Bekim Dobra

Drenas, 18 dhjetor - Në Korroticë të Eperme, përkatësisht në SH “Shaban Polluzha”, janë paraqitur rastet të hepatitit A. Këtë e ka paraqitur epidemiologu, dr.Hatip Hulaj në QKMF “Dr.Hafir Shala” të Drenasit. Ai thotë se në Korroticë te Epërme nga hepatitit A, 8 fëmijë, nxënës. Kjo, sipas tij, është shfaqur nga kontakti midis nxënësve. 8 rastet në Korroticë e Epërme janë duke u hospitalizuar në QKUK në Prishtinë, tregon Hulaj. “Shkolla përdor ujin e ujësjellësit nga burimi i Kroit të Mbretit, ujë të cilin e përdor edhe fshati. Ndaj është e nevojshme të merren mostrat e ujit nga baseni i kroit dhe të bëhët klorizimi në atë vend, ngase dyshohet se nga po ai krua është bërë edhe infektimi i nxënësve”, ka thënë epidemiologu Hulaj. Rasti i parë, sipas Hulajt, është paraqitur në një familje nga një fëmijë shkolle dhe nga ai është përhapur edhe te shokët e klasës së tij. Hulaj ka shpreh shqetësimin edhe për reshjet e shumta për të cilat ka theksuar se se ajo mund të ndikojë edhe më shumë në hapjen e kësaj epidemie. “Tashti kemi reshje të shpeshta dhe vershime të shumta, kjo ndikon, dhe rreziku është më i madhë”, thotë ai. “Ne u kemi rekomanduar shumë familjeve që ujin e dyshimtë ta vlojnë para se përdorin” ka thënë epidemiologu Hulaj dhe nuk ka mohuar mundësinë e përhapjes së kësaj semundjeje edhe nga hixhena e dobët në familje. “Fatkeqësisht në rajonin e Drenasit ka shumë familje që jetesën e kalojnë në gjendje shumë të veshtire, nuk kanë as kushtet elementare të jetesës”. Hulaj tregon se këtë vit kanë pasur shumë raste të hepatitit edhe në Paklek . Në Paklek ishin 16 raste, në Polluzhë dhe Makerrmal 7, në fshatin Shtuticë 6 dhe në Negroc 5 raste. Për të gjitha rastet, epidemiologu Hulaj thot se kemi të bejëm kryesisht më një epidemi familjare (kontakti). Edhe drejtori i Shëndetësisë, Elmi Dobra, ka thënë se gjendja nuk është alarmante, por edhe jo e pashqëtesime. Sipas tij, ekipi mjekësor çdo herë ka qënë i gatshëm dhe ka dalë ne terren, ku është munduar të lokalizojë semundjen. “Ju bëjmë thirrje qytetarëve që të jënë të kujdeshëm gjatë përdorimit të ujit, sidomos kur është i dyshimt”, ka thënë Dobra.