Mbyllet xhamia e fshatit Zabel i Ulët

Paqartësi të mëdha në Bashkësinë Islame të Drenasit


Përveç mbylljes së xhamisë, Bashkësia Islame e Drenasit ka kërkuar nga autoritetet komunale t’i mbyllin të gjitha lokalet ku zhvillohen aktivitetet fetare pa pëlqimin e këtij institucioni

Bekim Dobra

Drenas, 14 janar - Pas sulmit ndaj kreut të Bashkësisë Islame të Drenasit, mulla Osman Musliu, me vendim të Këshillit është mbyllur xhamia e fshatit Zabel i Ulët. Në të njejtën kohë, Bashkësia Islame e Drenasit i ka drejtuar një kërkesë Kuvendit Komunal, përkatësisht Inspektoratit Komunal që t’i mbyllë të gjitha lokalet ku zhvillohen aktivitetet fetare pa pëlqimin e këtij institucioni. “Të ghitha lokalet ku zhvillohen aktivitete fetare ilegale pa ndonjë vendim të Bashkësisë Islame në Drenas të mbyllen, sepse më këto veprime rrezikohët gjandja e sigurisë më komunën tonë”, thuhet nder të tjera ne kërkesën e BID-it drejtuar autoriteteve komunale. Në këtë kontekst, në këtë kërkesë është përmendur edhe biblioteka pranë shkollës së fshatit Komoran, në të cilën zhvillohët aktivitet i dyshimt fetarë. Këtë letër e ka firmosur i pari i BI-së, mulla Osmani, dhe ka thënë se të gjitha organizatat dhe shoqatat fetare islame duhet të kenë leje veprimi nga Këshilli i Bashkësisë Islame në Drenas. Vetë mulla Osmani, të merkurën në shtepinë e tij priste dhe përcillte njerez që kishin ardhur për të “ngushëlluar” për incidentin që i ka ndodhur në xhuman e kaluar dhe për të cilin janë arrestuar nentë përsona. Ai gjatë pritjes, ofshante ne shenjë irritimi. “Kurgja spo me dhambin palgët, sa po me vret ndërgjegjja se me rrahën njerëzit e mi që fenë islame e shndërruan ne një sekt të vehabizmit”, thoshte ai. Të premten e kaluar, mulla Osmani është sulmuar teksa ka prezentuar imamin e ri të xhamisë se fshatit Zabel i Ulët të Drenasit. Ai ka prezentuar para xhematit, imamin Rijad Sofiun, ndërkaq Zabeli i Ulët, Korrotica e Ulët dhe Shtrubullova kanë nenshkruar një peticion për t;u zgjedhur imam Bahri Hoxha. Plaku Feriz Nebihu, e ka cilësuar të rëndë aktin që i ka ndodhur mulla Osmanit. “Kjo është shumë e rëndë për Drenicën dhe për gjithë Kosovën”, shprehej Ferizi. Ndërkaq anëtari i Kryesisë së Këshillit të BI-së, Malik Gashi, ka thënë se incidenti kandikuar negativisht jo vetëm në drenicë, por edhe më gjerë.

Një shkollë e re për Çikatovën e Vjetër

Komuna e Drenasit dhe USAID-i me marrëveshje për përmirësimin e infrastrukturës shkollore

Bekim Dobra

Drenas,13 janar - Komuna e Drenasit do të bëhet edhe me një shkollë të re, falë një marrëveshje me USAID-in amerikan. Kjo shkollë do të ndërtohe në fshatin Çikatovë e Vjetër, ka bërë të ditur të martën zyrtarja për informim në KK, Rinore Veliu. Sipas saj, vlera e projektit është 160 mijë euro. USAID-i është zotuar se për këtë project do të ndajë mjete në vlerë prej 80 mijë euro, ndërkaq 80 mijë të tjera do t’i ndajë KK i Drenasit. Kreu i Drenasit, Nexhat Demaku, ka thënë se mjetet e KK-së në vlerë prej 80 mijë eurove janë si rezultat i mjeteve të grumbulluara nga të hyrat vetjake gjatë muajit nëntor dhe dhjetor të vitit 2008. “Ky projekt do të jetë i pari i këtij viti dhe ka një rendesi të veçantë, ngase nxënësit e kësaj shkolle deri tani kanë mësuar në kushte të veshtira infrastrukturore:, ka thënë Demaku. Ai ka bërë me dije se punimet për ndërtimin e kësaj shkolle pritet të fillojnë gjatë muajit mars të këtij viti dhe se do të përfundojnë në fillim të vitit shkollorë 2009/10. Shkolla fillore “Dëshmorët e Drenicës” në Çikatovë të Vjetër ka zhvilluar procesin mësimor në kushte të vështira.

Humbet besimi për punësim, çregjistrohen 1.074 punëkërkues

Zyra Komunale e Punësimit në Drenas paraqet raportin e punës për vitin 2008


Gjatë vitit 2008, përmes kësaj zyre janë punësuar 199 veta, në krahasim më vitin 2007 kur ishin punësuar 261 veta

Bekim Dobra

Drenas, 10 janar - Ndryshime të shumta kanë karakterizuar punën e Zyrës komunale të punësimit në Drenas, më 2008, në krahasim me vitin paraprak. Në një raport të paraqitur për punën e vitit 2008, kjo zyre ka evidentuar 11.829 punëkërkues, që është numër më i vogël për 203 punëkërkues në krahasim më vitin paraprak. Ndryshim tjetër ka pësuar edhe besimin e punësimit përmes kësaj zyre, ku numri i aplikuesve që janë çregjistruar ka arritur në 1.074 punëkërkues, ndërsa një vit më herët ky numër nuk kishte arritur më shumë se 468 veta të çregjistruar. Po ashtu vërehet një ndryshim edhe në numrin e përgjithshëm që janë punësuar më ndërmjetësim përmes ZKP-së. Gjatë vitit raportues kanë arritur të punësohen 199 veta, prej tyre 50 femra, që po ashtu është një ndryshim i madhë edhe në këtë shifër të të punësuarve në krahasim më vititn 2007 ku përmes ZKP-së kishin arrit të punësoheshin 261 veta. Shefi i ZKP-së në Drenas, Ragip Dervishi, ka thënë se numri i punëkerkueseve deri në fund të muajit dhjetor ka shënuar rënie për 15 për qind në krahasim me vitin paraprak. Sipas tij, edhe këtë vit numrin më të madh të punëkërkuesit e përbëjnë aplikuesit e paklualifikuar më 62 për qind. Duke pohuar se në Drenas numri i të papunësuarve është rreth 30 mijë, por që nuk janë paraqitur si të papunë, Dervishi ka përmendur si karakteristikë numrin e rritur të çregjistruarve, prej më shumë se 1 mijë sish, e që, sipaj tij, është pasojë e humbjes së besimit në këtë zyrë. Dervishi ka përmendur edhe faktin e rënies së numrit të të punësuarve nëpërmjes kësaj zyre, ngase në vitin 2007, vetëm në ndërmarrjen e “Ferronikelit” kishin arritur të punësohën 92 punëkërkues, ndërsa vitin 2008 janë në këtë gjigant janë punësuar 25 veta.

Udhëtarët mërdhijnë, derisa polemizohet për stacionin e shëndrruar në hotel

Komuna e Drenasit nuk tërhiqet nga kërkesa që restorant- hoteleria “Kalaja” të kthehet në stacion të trenit

Komuna e Drenasit kundërshton mënyrën se si Hekurudhat e kanë dhënë këtë object në kundërshtim më Ligjin për koncesionet, duke mundësuar që ai të shënderrohet në object hotelier privat, i cili nuk kryen obligime ndaj Komunës. Hekurudha arsyetohët se obligimet e klientëve të saj ndaj komunave nuk janë përgjegjesi e saj

Bekim Dobra

Drenas, 11 janar - Plaku Mehmet Hajdari ishte mërdhirë të premten derisa priste trenin që vindte nga Peja, në drejtim të Prishtinës. Ai bashkë më shumë udhëtarë të tjerë në Drenas, ishte i detyruar të qëndronte jashtë për të pritur trenin, pasi që stacioni i dikurshëm local i trenit ka disa vjet që e ka ndërruar destinimin për t’u shëndrruar në restorant. “Qe një gjysmë ore jam këtu, me hy me pi diçka në këtë restorant më kushton më nalt se bileta, kështu që kamë vendosur me prit trenin deri sa te vjen”, tha plaku, duke pohuar se ftohtë është edhe në kontenjerët e vendosur si zëvendësim i objektit të stacionit. Objekti i stacionit të trenit, tashmë i njohur si restorant- hotel “Kalaja”,ka disa muaj që është shndërruar në pikë konflikti ndërmjet strukturave komunale të Drenasit dhe atyre udhëheqëse të Hekurudhave të Kosovës. Të paret kundërshtojnë mënyrën se si Hekurudha e ka dhënë këtë objekt në kundërshtim më Ligjin për procedurën e dhënies së koncesioneve, duke mundësuar që ai të shndërrohet në object hotelier privat i cili nuk kryen obligim ndaj komunës. Ndërsa të dytët arsyetohetn se si kompani komerciale kanë të drejtë të dhënies me koncesion të objekteve të veta, por që nuk është obligim i tyre të kujdesen nëse përfituesi nga koncesioni do të kryejnë obligimet komunale. Ky konflikt disa mujor Komunë e Drenasit- Hekurudha të Kosovës ka kohë që zhvillohet nëpërmjet këmbimit të letrave. Një letër e tillë i ka ardhur ditë më parë në zyrë en e kryetarit të Drenasit, Nexhat Demaku, nga ana e drejtorit të Infrastrukturës në Hekurudhat të Kosovës, Nazmi Kajtazi, për të cilën kryetari Demaku ka thënë se është e paautorizuar dhe se nuk ka pasur të drejtë ai të japë konkluzione rreth kësaj çështje.

Lëmshi (jo)ligjor rreth koncesionit

Në këtë shkresë Kajtazi i ka thënë kryetarit Demaku se Hekurudhat e Kosovës janë kompani komerciale e ndarë në dy divizione, në atë të infrastrukturës dhe komerciale dhe që të dy këto divizione operojnë nga të ardhurat dhe mbijetojnë nga të ardhurat si i krijonë. “Ju njoftojmë (edhe pse jeni të informuar) se stacioni i trenit në Drenas është dhënë më koncesion për 15 vjet, koncesioni është dhënë nepërmes tenderit dhe atë e ka fituar Mihane Bekteshi me qëllim të hapjes së një restoranti, dhe ky koncesion është dhënë shumë transparent dhe në bazë të Ligjit për koncesion”, ka thënë në shkres drejtiori Kajtazi, duke shtuar se “Hekurudhat e Kosovës nuk e kanë për obligim që t’i shtyjnë klientët e hekurudhave të paguajnë tatimet ndaj KK-së”. Ndërsa sa i përket çështjes së udhëtareve që nuk kanë ku ta presin trenin Kajtazi ka thënë se Hekurudhat e Kosovës kanë siguruar kontenjerët dhe së shpejti do të përfundojë edhe riparimi i objektit (ish- depoja) që do të shfrytëzohët pë udhëtarë. Mirëpo këto pohime nga kjo shkres i kanë hudhur poshtë kryetari Demaku dhe avokati komunal, Hakif Hasi. Ky i fundit ka sqaruar se në cilat baza jepet koncesioni. Hasi ka thënë se dhënja e objekteve më koncesion bëhet sipas Ligjit 02/L-44 për procedurën e dhënies së koncesioneve. Ai ka shtuar se në vështrim te nenit 43 pika 2 të këtij ligji, autoriteti kontraktues objektin më koncesion e jep për 10 vjer. Hasi ka shtuar se në bazë të nenit 36 pika 9 të po të njejtit ligj punët ndërtimore mund të fillojnë pasi të merret leja e ndërtimit. Avokati Hasi ka thënë se në bazë të këtij ligjit ndyshimi i destinimit të objektit që është në rastin konkret, shndërrimi nga stacioni i trenit në objekt hotelier, kërkohët leja e re urbane dhe leja e re e ndërtimit,nga të cilat, sipas tij, anjërën nuk i ka restorant “Kalaja”. Hasi ka shtuar se autoriteti kontraktues (Hekurudhat e Kosovës) këtë objekt e kanë dhënë në kundërshtim me Ligjin për procedurën e dhënies se koncesioneve ngase punët ndërtimore në këtë objekt kanë përfunduar gjatë vitit 2006, para se të bëhet shpallja e tenderit për dhënien më koncesion. “Tendëri për dhënien më koncesion të këtij objekti është shpallur dy herë dhe atë në më rastin e pelqimit më datën 16.05.2006, ndërsa kontrata e lidhur është bërë më 16.02.2007, pa u zbatuar procedurat nga neni 4 deri nenin 17 të ligjit në fjalë”, ka thënë Hasi, duke përfunduar se stacioni i trenit në Drenas nuk ka qënë i dedikuar vetëm për pritjen e udhëtareve dhe kryerjen e shërbimeve për udhëtarë, por një kat ka qënë objekt banseor për punëtoret që kanë shfrytëzuar këtë objekt, ndërsa kati i dytë ka qënë zyre pune.

Bekteshi: Komuna nuk ka fuqi të ma mbyllë lokalin

Zyrtarë komunalë thonë se kthimi i destinacionit që ka qënë më herët bëhet me qëllim që udhëtaret të kenë një vend destinimi për rpitje të trenit. Skender Hasi, drejtor për Ekonomi dhe Bujqësi, ka thënë se “Kalaja” nuk ka leje të shfrytëzimit dhe se kurrë nuk ka paguar tatimin. Ndërkaq pronarja e restorantit “Kalaja”, Mihane Bekteshi, ka thënë se me Hekurudhat e Kosovës ka kontratë për ta shfrytëzuar objektin, që ka shërbyer si stacion i trenit, 15 vjet. “Komuna e Drenasit nuk ka asnjë kompetencë mbi objektet e hekurudhave të Kosovës, pavarësisht në territorin e cilës komunë gjenden ato. Në rastin konkret, Komuna e Drenasit nuk ka asnjë fuqi ligjore që ta anulojë kontratën e nëshkruar mes meje dhe HK-së, e aq më pak të ma mbyllë objektin”, ka thënë Bekteshi. Ajo ka shtuar madje se në marrëveshjen që ka bërë, me një klauzulë të veçantë kanë lënë mundësinë për vazhdimin e shfrytëzimit të të njëjtit objekt, edhe pas kalimit të kohës prej 15 vjetëve. Ajo thot se edhe pas kërkesës se kryetarit të Komunës së Drenasit, drejtuar Hekurudhave të Kosovës, që këta të fundit të lirojnë objektin dhe ta kthejnë në stacion të trenit, ka biseduar me drejtorin e Infrastuktures hekurudhore, Nazmi Kajtazi, i cili i ka konfirmuar se “kontrata mbetët në fuqi dhe nuk mund të anulohet nga askush, pasi që ajo është miratuar edhe në Bordin e Drejtorëve të Hekurudhave të Kosovës”. Kërkesa për kthimin Qështja e restorant “Kalas” që të kthehet në destinimin e mëparshëm, sipas zyrtareve komunal është bërë duke u bazuar në kërkesat e shumta të qytetareve që nuk kanë një vend të caktuar ku mund të presin trenin dhe se restoranti nuk ka kurfare leje komunale per shfrytëzim dhe se është e dhënë më koncesion pa asnjë bazë ligjore. Madje një aktëvendim që ka siguruar “Koha Ditore” të protokoluar nga Drejtoria Komunale e Inspeksionit në vitin 2006 ka marrë vendim për pëzullimin e punimeve në stacionin e trenit, mirëpo pse nuk është zbatuar ky aktëvendim atëherë zyrtarët të tanishëm komunal nuk japin sqarim. Ata vetëm pasi që janë kryer punimet dhe është dhënë më koncesion ky objekt kërkojnë të zbatohët igji. Këto ndryshime ka kërkuar i pari i KK-së Nexhat Demaku. Ndërsa një burim i komunal i informuar mirë, ka azkuzuar qeverinë e mëhershme lokale që nuk kanë marrë një hap të tillë për kthimin e këtij destinimi, dhe ka shtuar se ky vendim i kryetarit Demaku, ndonese i qëlluar, mund të jetë edhe i vonë.

Shkollat më kod të ri të mirësjelljes

Me vendim të përbashkët të Drejtorisë Komunale dhe Kuvendit Kounal të Drenasit

Asambleja Komunale e Drenasit ka votuar unanimisht propozimin e Drejtorisë Komunale të Arsimit për kodin e ri të mirësjelljes për nxënesit dhe masat disiplinore

Bekim Dobra

Drenas, 9 janar - Në prag të fillimit të gjysmëvjetorit të dytë të vitit shkollor 2008/09, Drejtoria e Arsimit dhe Asambleja Komunale kanë marrë vendim që në dy shkolla të mesme të kësaj komune të aplikohët kodi ri i mirësjelljes. Ky kod do të aplikohët në gjimnazin “Gjergj Kastrioti-Skenderbeu” dhe në SHMF “Fehmi Lladrovci”. Drejtori i Arsimit në Drenas, Arsim Mehmeti, ka thënë se Kodi i mirësjelljes ka për qëllim të përcaktojë të drejtat, obligimet, veprimet e ndaluara, vijueshmërinë në mësim dhe masat, si dhe procedurat për zbatimin e masave disiplinore, ndaj nxënësve të cilët i shkelin dhe bien ndesh me rregullat e kodit të mirësjelljes. Sipas tij, respektimi i Kodit është obligativ për nxënësit e shkollave të mësme të larta, për sa kohë që ata qëndrojnë në ambiente shkollore. Në këtë kod janë përfshirë të drejtat e nxënësve në shkollë, si e drejta për shkollim, e drejta t’i shfrytëzojë të gjitha format dhe mjetet , të cilat i posedon shkolla, të shprehin lirshëm mendimet dhe idet e tyre përsonale, të jetë i informuar etj. Gjithashtu janë paraparë edhe dispozitat obligative të nxënësve, ku ai duhët të respektoi kodin e mirësjelljes, orarin mësimorë, të këtë kujdes për hixhenën në shkollë, të bëjë arsyetimin e mungesave më deshmi përkatëse në kohën e duhur, të respektojë uniformën e caktuar nga shkolla, të këtë sjellje korrekte ndaj nxenësve dhe mësimëdhenësve, etj. Më këtë kod janë paraparë edhe veprimet e ndaluara të nxënësve në shkollë. Nxënësi nuk mund të hyjë në klasë pasi të këtë filluar mësimi, ndalohet rreptësisht bartja e armëve, përdorimi i drogës, duhanit, alkoolit, telefonit mobil në të gjitha hapësirat shkollore,etj. Në kuadër të këtyre rregullave nxënësi që bënë më shumë se 32 mungesa pa asrye gjatë vitit shkollor e humbë statusin e nxënësit të rregullt. Kodin e ri e kanë mbështetur edhe partitë opozitare. Rifat Bilalli nga LDD-ja ka thënë se këto rregulla nga DKA-ja janë shumë të mirëpritura, ndëkohë ka shfaqur brengën se ato mund të mbesin vetëm në letër. Edhe Nexhmedin Bala, nga AKR-ja ka vlerësuar këtë kod, dhe ka potencuar se zbatimi i tij mund të ndikojnë në aspektin pozitiv nëpër shkolla.

Rrezikon të mbyllet Shtëpia integruese e shëndetit mendor

Nuk vihet në jetë memorandumi ndërmjet Ministrisë së Shëndetësisë dhe drejtuesve local të shëndetësisë

Nga 1 janari Shtëpia integruese e shëndetit mendor është dashur të vihej në mbikëqyrjen e Ministrisë së Shëndetësisë, por kjo gjë ende nuk ka ndodhur

Bekim Dobra

Drenas, 7 janar - Zyrtarë shëndetësie në Drenas janë shprehur të shqetësuar, ngase Shtëpia integruesemë e shëndetit mendor mund të mbyllet shkaku i moskujdesit nga Ministria e Shëndetësisë. Sipas Gani Halilajt, drejtor i Qendrës Kryesore të Mjekësisë Familjare (QKMF) “Dr. Hafir Shala”, nga 1 janari është dashur që shtëpia integruese e shëndetit mendor të mbikëqyrej nga Ministria e Shëndetsësië. Për këtë ai është bazuar në marrëveshjen e mirëkuptimit që është bërë midis MSH-së, SSHSHM-së në Prishtinë dhe Drejtorisë së Shendetësisë në Drenas. Halilaj ka thënë se deri në fund të 2008-es, kjo shtëpi si për nga stafi i infermiereve dhe paga e tyre është mundësuar nga DSH-ja komunale, duke shfrytëzuar mundësinë e bartjes së punëtoreve nga QKMF-ja, dhe pa pasur mundësin e shtimit të punëtoreve. Ai tregon se 3 punëtorë për një vit paga e tyre është mundësuar përmes një donacioni nga Keshilli Danez për Refugjatët. Dhe Halilaj shprhehet se nëse nuk do të këtë ndonjë përgjigje pozitive nga MSH-ja deri në fund të muajit janar, jemi të detyruar që punëtoret e shtëpisë të kthehën ne QKMF. Shpjegon se nëse respektohët marrëveshja, punëtoret që janë duke punuar në këtë shtëpi mbesin, ndërsa për punëtorë shtesë në QKMF do të shpallet konkurs. “Kjo qendër rrezikon të mbyllet nese MSH-ja nuk ndërmerr ndonjë iniciativë të shpejt për gjetjen e mundësisë së punëtoreve për t’i paguar” ka thënë drejtori Halilaj. Të dy drejtorët, ai i Drejtorisë komunale të Shëndetësisë Elmi Dobra dhe drejtri i QKMF-së, Gani Halilaj, kanë thënë se nuk janë të interesuar për mbylljen e këtij objekti, por nese nuk respektohet një marrëveshje e nënshkruar do të jenë të detyruar t’i kthejnë punëtoreve në QKMF. MSH-ja nuk e ka respektuar memorandumin e nënshkruar nga ish-sekretari i shëndeësisë në MSH, Ilir Rrecaj, Dr.Sarie Doko drejtore e Shëndetit mendor në Prishtinë, dhe 2 drejtorët, Dobra dhe Halilaj. Sipas meorandumit MSH-ja dhe SHSHM-ja duhët të sigurojë për 5 punëtorët e QKMF-së, të cilët do të punojnë në Shtëpinë e shëndetit mendor në Drenas pas datës 31. 12. 2008 për të cilën do të sigurohen mjete buxhetore nga buxheti i MSH-së, në mënyrë që këta punëtor të kalojnë në regjistrin e pagave të punëtorëve të kësaj ministrie. “Ministria e Shëndetësisë dhe Drejtoria e Shëndetësisë në Drenas kanë arrit këtë marrëveshje me qëllim të ofrimit të shërbimeve të shëndetit mendor për popullatën e këtij rajoni, ku aktualisht kërkesat për këto shërbime janë shumë të mëdha” thuhët në këtë memorandum. Drejtori i QKMF-së, Gani Halilaj, që njëkoherësh është edhe konsulltant në Shtëpinë e shëndetit mendor, ka thënë se “pas stabilizimit të punëtoreve jemi të interesuar që numri i pacientëve në këtë qendër të rritet, pasi që ekzistojnë mundësit dhe të orentohemi tek pacientet e Drenasit, duke marrë parasysh se kjo trevë është goditur nga lufta dhe si pasojë e saj ka shumë të prekur më semundje mendore”. Kryeinfermierja e kësaj shtëpie, Mirdita Leku ka thënë se deri tashti në këtë shtëpi kanë gjetur përkrahjen e qëndrimit 24 orë, 5 pacientë, 3 nga rajoni i Prsithinës, 2 nga Drenasi. Por ka shtuar se kanë klientë të shumtë që kryjnë terapinë ditore e mujore në këtë shtëpi. “Kemi mbi 200 pacientë që marrin ampula, ku vetëm brenda një muaji deri në 30 vetë kryjnë një shërbim të tillë”, thotë Leku. Ajo shton: “Qëllim yni është aftësimi i integrimit të klientëve në shoqëri, familje dhe komunitet, secili klient ka të caktuara detyrat e veta, ndërsa terapia dhe ushqimin e kanë të rregulluar”. Leku nuk është pajtuar më SHSHM-në në Prishtinë dhe më MSH-në që i sjellin pacientët nga Prishtina, kurse në Drenas fatkeqësisht thotë se ka paciant me sëmundje mendore që bredhin rrugëve. Ajo tregon se kanë kërkesa të shumta nga banorët e Drenasit, nga familjarë të të sëmurëve që të vendosin klientët në këtë shtëpi. Por thotë se deri sa të merret vesh së në “mëshirë” të kujt do te mbetet nuk kanë mundësi të pranohen më shumë pacientë për qëndrimit ditorë për më shumë se 10 veta. Klienti R.D nga Nekoci i Drenasit thotë se ndihet shumë mirë në këtë shtëpi dhe se ka filluar të merr vetën falë angazhimit dhe aktiviteteve që zhvillohen në këtë shtëpi.

Disa rrugë fshatrash zor të kalueshme

Kompania "Pastrimi" nuk arrin t'u dalë zot pastrimit të ë gjitha rrugëve në Drenas

Në fshatrat Baicë, Tërdec, Abri, Verboc, Gllobar dhe Tërstenik rrugët kalohën me veshtirësi. Ndëraq zyrtarë të kompanisë “Pastrimi” kanë pranuar se ka disa rrugë të pakalueshme,porse ata janë munduar të bejnë punën e tyre

Bekim Dobra

Drenas, 6 janar - Rruga që lidh fshatrat Baicë, Tërdec dhe Abri vazhdon të jetë vështirë e kalueshme për automjete dhe për njerëz. Faruk Hyseni, pronar i një linje autobusësh që qarkullon në këtë relacion, ka thënë se është detyruar të intervenojë vetë që rrugën ta bëjë të kalueshme. “Kam blerë kripë kuzhine dhe kam larguar disa pjes të borës, por rruga është 15 kilometra dhe nuk k a mundesi ta pastrojë krejt rrugën, kjo është përgjegjësi e ndërmarrjes dhe e Komunës së Drenasit”, është ankuar ky operator. Sipas tij, në vendin e quajtur “Garrapole”rruga gati është tërësisht e pakalueshme. Një gjendje e tillë është edhe në rrugët e fshatrave Vërboc, Gllobar dhe Tërstenik. Sabit Gashi, nga fshati Vërboc, thotë se rruga e këtij fshati kalohet me vështirësi të mëdha, ngase kompanitë e pastrimit nuk kanë intervenuar në këtë anë. Përveç fshatrave, as gjendja e rrugëve në Drenas nuk është e mirë. Besnik Hoxha, banues në Drenas, është ankuar se shumica e trotuareve janë të pakalueshme. Nga ana tjetër, KK-ja ka përzgjedhur ndërmarrjen “Pastrimi” për të pastruar borën nëpër rrugët e kësaj komune. Mëgjithatë, kontrata në vlerë prej 7.883 euro duket të jetë jo e kënaqshme për drejtuesit e kompanisë. Menaxheri i kësaj ndërmarrjeje, Muhamer Çelaj, thotë se mjetet e KK-së nuk mjaftojnë as për shpenzimet e ndërmarrjes. Çelaj ka pranuar se disa rrugë janë të pakalueshme, por ka thënë se janë munduar t’i pastrojnë rrugët e të gjitha lokaliteteve. Nga ana tjetër, Drejtori i Shërbimeve Publike, Ragip Gjoshi, ka thënë se gjendja në trafik është veshtirësuar, por sipas tij, “të gjitha rrugët lokale janë kalueshme dhe janë të lidhura me qendrën komunale”. Ndërkaq togeri nga Stacioni policorë i Drenasit, Fehmi Hoti, ka thënë se gjatë këtyre ditëve kanë ndodhur 3 aksidente me dëme materiale. Ai ka apeluar te ngasësit që t’u përshtaten kushteve klimatike gjatë ngasjes dhe domosdoshmërisht t’i kenë pajisjet dimërore.

Kalon edhe një vit ,me peripeci invalidi i luftës ish-UÇK-së Vehbi Fazliu, nga Nekoci i Drenasit

Fazliut i humb vetëdija, shpeshherë ka ankthe, bëhet i palëvizshëm, nuk merr guximin të dalë jashtë shtëpie…, thotë pak kanë bërë institucionet për luftëtarët e lirisë

Bekim Dobra

Drenas, 31 dhjetor - Vehbi Faliu nga Nekoci i Drenasit, pjesëtar i ish-UÇK-së që nga 18 prill ‘99, jeton me ciftla metali në kokë tashmë 10 vjet dhe ka peripeci të mëdha jetësore. Atij i humb vetëdija shpeshherë ka ankthe, bëhet i palëvizhshëm, nuk merr guximin të dalë jashtë shtëpie. Vehbiu ka qenë pjesëtar i Brigadës 121 në Gryken e Gashit të Nekocit, ku edhe plagoset rendë. Merr si “dhuratë” cifla metali të predhës së minahedhësit, kalibri 120 mm. Jo vetëm në kokë, por edhe në gjithë trupin e tij. Ai lishte përjetuar edhe një gjendje të pavetëdijeshm goxha një kohë të gjatë. “Tri javë të tëra kam qenë pa vetëdije, ndërsa 3 javë krejtësisht i paralizuar. Dy javë kam qëndruar në shpellën e tij Ymer Devetakut të Lipjanit, pa ushqim dhe pa ilaqe”, kujton Vehbiu nisjen e peripecive, duke e falënderuar Ragip Gjoshin, një tjetër luftëtar i UÇK-së, i cili e kishte tërhequr atë nga shpella, vetëm pak orë pasi që atë ta merrnin forcat serbe.

Mungesa e përkrahjes për shërim

Pas përfundimit të luftës, me imazhin e luftëtarit për liri dhe duke menduar se institucionet do të kujdeseshin për shërimin e tij, Fazliu nis të kërkojë trajtimin mjekësor. “Ajo çka më dhemb shumë, është pa dyshim moskujdesja ndaj meje. Eshtë për të ardhur keq, që asnjë institucion nuk është përkujdesur për shërimin tim. Jam detyruar të shes truall shtëpie për të paguar shërimin, më saktë vetëm për ta bërë një fotografim CT, më ka kushtuar 820 euro, ndonëse kam statusin e invalidit të luftës së UÇK-së”, thekson ai. Vehbiu ka bërë të paktën 11 fotografime të këtilla, asnjë nga mjekët nuk kishte pranuar që ta operonte, pasi që operacioni tregohet të jetë shumë i ndërlikuar dhe nëse do të ishte i pasuksesshëm, atëherë ai do të mund të mbetej i palëvizshëm. Shërimi i tij mund të bëhet vetëm jashtë vendit. “Mjekët më kanë ndalur të punojë çfarëdo pune. Ata ndëkombëtarë ma kanë caktuar shkallën e invaliditetit 79 për qind. Por komisioni i mjekëve ka menduar ndryshe dhe e kanë zbritur në 40 për qind”, sqaron Fazliu. Sipas tij nuk i ishte lejuar të aplikonte për t’u punësuar në polici. Nuk i ishte lejuar gjithashtu që të aplikonte për patentë shofer, pasi që është vlerësuar se është i paaftë. “Kur më mohohet e drejta për punë dhe kur më kufizohen shumë gjëra, të nevojshme për të mbijetuar, atëherë pyes veten, se cili është statusi im në Kosovën e lirë, për të cilën derdhëm gjakun”. Ai gjithashtu pohon, se tash e dhjetë vjet ndien pasoja e plagëve. “Tashmë 10 vjet jetoj me 5 cifla të granate në kokë. Më humbë vetëdija, kam ankthe, bëhëm i palevizshëm, nuk kam guximin të dal jashtë shtëpisë”, tregon gjendjen e tij. Ndërsa bashkëshortja e tij, Rabishja, shton se kur bashkëshortin e saj e kapin ankthet, atëherë ai bëhet “trup e krye bashkë”.

Një hallkë tjetër varfëra

Krahas problemeve të rënda me shëndetin e kryefamiljarit, familja e Vehbi Fazliut hallkë tjetër ka edhe varfërinë. Jeton në kushte të rënda banimi në një shtëpi më e djegur tashti e çarë në të gjitha anët. Ai mbijeton me vetëm 72 euro si invalid lufte. Por jo dhe ndihmat sociale për fëmijet e vegjel. “Paj vallahi e kam harrue veten krejt, sepse po e shoh që askush nuk kujdeset për shëndetin tim, por tash e kam hallin se si të mbijetoj me familjen. Kam tre fëmijë, marr vetëm 72 euro, të cilat as për barna nuk më mjaftojnë”, thotë Fazliu, i cili ankohet në institucionet e pushtetit lokal në Drenas, por edhe në ato të Kosovës, të cilat nuk e kishin ndihmuar. Derisa vajzat e Vehbiut, Rrezarta (7), Doruntina (5) dhe djali Rrezarti (3), të cilët edhe ata e ndjejnë varfërinë, përpiqeshin të ngrohëshin ne dhomen e ftohetë. Vehbiun herë pas here e kanë ndihmuar humanistë të ndryshëm më artikuj ushqimorë. Vehbiu është 30 vjeç dhe jeta është para tij, por më parë duhet që të shërohet. Kërkesat e shumta në Ministrinë e Shëndetësisë dhe në institucionet e tjera të vendit, që të ndihmohet për t’u shëruar jashtë vendit nuk kanë dhënë ndonjë rezultat deri më tashti. “Nuk kam marrë deri më tash ndonjë përgjigje konkrete. Por unë shpresoj se kjo do të ndodhë. Jam qytetar i këtij vendi, për të cilin kam derdhur gjakun. Do të ishte e drejt, që shteti, i cili u ngrit mbi gjakun e derdhur të bijave dhe bijve më të mire të vendit, përfundimisht të përkujdeset për shërimin tim”, përfundon Vehbi Fazliu.

Vërboci i Drenasit, vend i kulturës, traditës dhe legjendës shqiptare

Kalaja dhe Xhamia vende që mbajn traditat shekullore

Kalaja Vërbocit daton që nga viti 165 para erës sonë, ndërsa familja Kastrati mban imamin e xhamisë që nga ndërtimi i saj në vitin 1615, i 14 mulla Dritoni, ndërsa i pari mulla Ali ( Shkoza ) Kastrati.

Bekim Dobra

Vërboc, Drenas, 31 dhjetor - Fshati Vërboc shtrihët në pjesën veriore të komunës së Drenasit, ndërsa kufizohët më fshatrat, Shtiticë, Gllanasell, Gllobar, Tërstenik dhe Polluzhë. Është një fshat kodrinoro-malorë dhe ka një naltësi mbidetare prej 700 metrave. Karakteristikë e fshatit është kalaja shumëshekullore dhe xhamia e ndërtuar në vitin 1615. Kalaja e Vërbocit ekziston sipas historianit Ilaz Dobra që nga viti 165 para erës sonë. Për të gjitha këto, historiani Dobra thot se ekzistojnë të dhënat se në atë vend ka pasur vendbanim. “Në vitin 165 para erës sonë ishte ndëruar Kalaja e Vërbocit, në kohën e Justinanit, përandorit bizantin që ju kishte dhënë rëndesi ndërtimit të kalave, e njëra ndër to ishte edhe Kalaja e Vërbocit” ka thënë historiani Dobra. Kjo kala sipas tij është shfrytëzuar deri në vitin 1980, gjurmet dhe muret e saj kanë qënë të dallueshme deri në këtë vit, por pakujdesia e njerëzve kanë demtuar pjesët e gureve pa e ditur rendësin e saj. Dobra ka thënë se kjo është edhe një pakujdesi e organeve shtetërore të Kosovës që nuk i kanë ruajtur monumentet historike e kulturore. Këtë vend sipas historianit Dobra e kanë vizituar shumë arkeolog nga Kosova e Shqipëria edhe ndërkombëtaret dhe kanë konstatuar se është vendbanim ilir. Kalaja ka pas të gjitha elementet e një kështjelle; rrugicat, varrrezat, shkritoren, sallat, vendbanimet, vendet mbrojtese, vendsulmimet të cilat kanë konstatuar aty kanë jetuar fiset ilire. “Kalaja e Vërbocit ka qënë urë lidhëse e fiseve dardane dhe ilire në mes të kalasë së Mitrovicës, të Orllatit, Rahovecit dhe të asaj nga Prizereni” ka thënë historiani Dobra. Ai thotë se keto fakte janë të bazuara në bazë të studimeve dardane të librave historike. “Pos shënimeve në librat historikë ekzistues, ekziston edhe fakti se aty ka pasë banorë” ka thënë ai. Janë të gjitha gjurmët – shtëpitë nga guri, varrezat dhe shumë elemente tjera që syri t’i vertetonë. Dobra ka kritikuar qevërin e njëpasnjëshme të vendit që më gjithë kërkesat, këtë vend nuk e kanë shpallur vend historikë. Në këtë fshat është edhe legjenda e ferkemës së kalit të Mujë Halilit. Ajo gjindet vetëm pak metra prapa Kalas, përkatësisht të vendi i quajtur “mas rrasave”. Pamja e saj tregon vertetë një ferkem kali, por jo sikur madhesia normale e një patku kali, por të një kali gjigant që vetëm në legjenda mundë të thuhet. Për këtë legjend flet edhe historiani Dobra. Ai thot se për gjurmet e Mujë Halilit ekziton vetëm pamja e një ferkeme të Kalit, jo sikur një ferkeme normale e një kali, por jo dhe në shënime historike. Për këtë legjend, Dobra thot se ka mbetur vetëm gojëdhenë e trashiguar. “Thuhet se Mujë Halili me kalin e tij madhestorë ka kapercyer në malet e Çyçavicës të Vërrbocit dhe të fshatit Morinë kun ë të gjitha keto vende vertet ekziston një ferkem e një madhësie të tillë” thot histriani Dobra.

Xhamia e fshatit më e vjetra në Drenicë

Vërboci nuk njihet vetëm më kalan shekullore dhe legjenden e ferkemes së kalit të Mujë Halilit. Në këtë fshat ekziston edhe xhamia më e vjetër në Drenicë (pas djegjes së xhamisë së Krajkovës nga forcat serbe ). Ajo daton që nga viti 1615. Karakteristikë e kësaj xhamie mbetet trashigimia e prijesit të saj. Që nga ndërtimi i saj imam i kësaj xhamie e kanë trasheguar familja Kastrati nga ky fshat. Për këtë rastësi flet imami mulla, Driton Kastrati që është pasardhës i 14 i imameve të kësaj xhamie. Kjo familje sipas mulla Dritonit ekziston në fshatin Vërboc që nga viti 1610 dhe mulla Alia i pari ka qënë qe e ka vnuar gurëthemelin e ndërtimit të kësaj xhamie. Mulla Dritoni thot se kanë ardhë nga fshati Shkozë të Gjakovës dhe mënjeher kur janë vendosur në këtë fshat pas pesë viteve paraardhesit e tij kanë ndëruar xhaminë e parë në këto anë. Këtë objekt të ritit fetar islam e kanë shfrytezuar më shumë se 10 fshatra përreth. “Pas xhamisë së Krajkovës që është djegur terësisht nga forcat serbe ka mbetur xhamia e Vërbocit më e vjetra në Drenicë” thotë mulla Dritoni. Në oborrin e kësaj xhamie gjetum mulla Dritonin, duke i numëruar varret e paraardhseve të vet që si familje kishte trasheguar këtë fe. Ai numëronte imamat sipas emrave, thoshte se kanë qenë 1 mulla Alia, 4 mulla Isufa, 5 mulla Syla, 2 mulla Bajrama, 1 mulla Rexhepi dhe i fundit mulla Dritoni, nga po e njejta familje. Vendi ku është ndertuar xhamia është pronë e familjes Kastrati që është leshuar për ndërtim të xhamisë. Pikërisht në oborrin e saj gjinden edhe varret e njëpasnjëshme të familjes Kastrati. Xhamia ekziston sipas mulla Dritonit në po të njejtat themele të vitit 1615, thot se vetëm janë bërë disa riparime të vogla. Familja Kastrati mban me epitet dhe një lloj fanatizmi prijesin e xhamisë. Mulla Dritoni thot se kjo është pjes e trashigimis familjare që më më shumë deshirë e mbajn. “Këtë prijesi të imamit të xhamisë e kemi ndjekur më një deshire brez pas brezi dhe na është bërë edhe traditë familjare” thoshte mulla Dritoni. Ai tregon peripecit e mbajtjes së këtij epiteti të mullave. Thot se ka pas që nga ta edhe janë burgosur nga luftërat e ndryshme dhe janë malltretuar, vetëm se kanë mbrojtur vendin dhe traditen e fesë islame. Tradië e kësaj familje sipas mulla Dritonit ka qënë edhe pajtimi i familjeve të hasmuara. Ai thot se për sa vite gëzojnë një autoritet në Drenicë dhe më gjerë. Fshati Vërboc identifikohet me emrin Shelgjajë, por okupatoret serb këtë toponim shqiptarë e perkthyen me ermrin që tani quhet Verboc. Në pjesën verilinore të fshatit është edhe lumi Vërboc që është degë e lumit Drenica, si burim kryesor i ketij lumi. Fashati ka msëse 2000 mijë banorë dhe është i ndarë me lagje, ka edhe shkollën më 470 nxenes.

Komuna mendon për fshatin Vërboc në vitin 2009


Kreret e komunës së Drenasit kanë metuar që vitin e ardhshëm të shëndrrohët fshati Vërboc si fshat kulturor e turistik. Më këtë ata kanë menduar ndërtimin e një liqeni akumulues për ujë të pijshëm, si dhe shëndrrimin e Kalas në qendër turistike-kulturore. Kryetari i KK-së, Nexhat Demaku ka thënë se komuna ka planifikuar që vitin e ardhshëm grumbullon mjete për ndërtimin e në liqeni artificial si dhe për ndërtimin e një qendre tutistike-kulturore. Më ndërtimin e këtij liqeni artificial është thënë se do të këtë një vend ekologjik, turistik, shfrytëzim i ujërave për pije, ndalim të vershimeve dhe karakterin e vizitave kulturore e artsistike. Vendi për ndërtimin e këtij liqeni akumulues artificial është caktuar “Fusha e Mollës”, përkatësisht pranë Kalas shumëshekullore dhe pran gjurmeve legjendare të Halil Mujës. Realizimi i një projekti të tillë do t’i printe rajonit të Drenicës. Këtë plan ideor e ka shpalosur i pari i Komunës, Nexhat Demaku në fillim të muajit gusht. Ai pat thenë se me realizimin e këtij projekti komuna do të ketë përfitime të shumëfishta zhvillimore. Fshataret e kanë mirëprit iden e realizimit të një projekti të tillë.

Shuhet AAK-ja në Drenas

E pakënaqur me qendrën, Dega e Aleancës në Drenas merr vendim për t’i ndërprerë aktivitetet politike

“Më gjithë punën së palodhshme dhe të veshtirë të Degës sonë në Drenas, niveli qendror e ka injoruar atë me zgjedhjen e kryesive të reja në AAK, andaj ne më nuk do të jemi argatë i këtij subjekti që injoron degët dhe që zgjedh njerëz në baza lokaliste”, ka thënë ish-nenkryetari i AAK-së në Drenas, Shemsi Elezi

Bekim Dobra

Drenas, 27 - Aleanca për Ardhmërinë e Kosovës, Dega në Drenas në mledhjen e së shtunës përmes një vendimi ka ndërprerë aktivitetet politike të këtij subjekti. Tanimë ish-anëtari i kryesisë së AAK-së në Drenas, Fatmir Dugolli, njëherësh edhe anëtarë i Asamblesë Komunale të Drenasit ka thënë se komplet Dega e AAK-së në Drenas ka ndërprerë aktivitetet e saja politike. Dugolli ka shtuar se në mbledhjen e mbajtur të shtunën të Kryesisë së kësaj dege është marrë unanimisht një vendim i tillë. Nënkryetari i AAK- së në Drenas, Shemsi Elezi, (kandidati që kishte konkurruar edhe për kryetarë komune nga radhet e kësaj partie) ka thënë se arsyeja e tërheqjes nga partia e Aleancës për Ardhmerinë e Kosovës është si shenjë pakënaqësie më ndodhitë që janë paraqitur në nivelin qendror të këtij subjekti. “Më gjithë punën e palodhshme dhe të vështirë të degës sonë në Drenas, niveli qendrorë ka lujt një rolë lokalist dhe degën e Drenasit e ka injoruar më zgjedhjen e kryesive të reja në AAK, andaj ne më nuk do të jemi argat i këtij subjekti që injoron deget dhe që zgjedh njerëz në baza lokaliste” ka thënë ish-nenrkyetari i AAK-së në Drenas, Shemsi Elezi. Ai ka shtuar së që nga dalja e AAK-së si opozitë e ka injoruar gjithëherë Degën e AAK-së në Drenas dhe askush nuk ka dhënë mbështetje, më gjithë punën e palodhshme të kësaj dege. “Ne kemi elektoratin tonë që na e kanë besuar edhe votën, për hirë që edhe ne mos ta injorojmë besueshmërinë e tyre, kemi marrë vendim që e gjithë kryesia e kësaj dege të tërhiqet nga kjo parti dhe më nuk do të jemi argat i punës së pashpërblyer dhe nuk do të jemi argatë i një partie që na ka injoruar si degë”, ka thënë Elezi. Ai ka përmendur rastin e fundit të Aleancës së Gruas së Kosovës, ku ka thënë se edhe pse një delegate e kësaj ane ka marrë 30 për qind besueshmërinë, ajo nuk ka hyrë në AGK. Dega e AAK-së në Drenas nuk ka mbajtur as edhe kuvend për zgjedhjen e kryetarit të kësaj partie, dhe me vite dega nuk ka pasur as edhe kryetar. Një burim mirë i informuar brenda PDK-së, ka thënë për “Kohën Ditore” se komplet Dega e AAK-së në Drenas do të kalojë në strukturat e Partisë Demokratike të Kosovës dhe se tanimë edhe janë zhvilluar edhe bisedime për këtë. Fatmir Dugolli nuk e ka mohuar një mundësi të tillë, por ka thënë se “ne gjatë mbledhjes së sotme (e shtunë) kemi dalë më një vendim të shuarjes së AAK-së në Drenas dhe kjo ka ardhë nga shumë pakënaqësi më nivelin qendror dhe më organizmin e kësaj partie, ndërsa vendim unanimi për t’u rreshtuar në PDK nuk është përmend, por kjo tani mbetet të vendos secili individ, ne kemi marrë vetëm një vendim, por në janar të vitit të arsdhshëm nuk përjashtohët mundësia që të jemi edhe ne pjes e PDK-së”. Ai ka shtuar se ne mbledhjen e radhës së Asamblesë Komunale do të paraqes informimin se tani më në Asamblenë Komunale do të ushtrojë veprimtarinë si kandidat i pavarur. Drenasi që nga zgjedhjet e fundit është pa ndonjë opozit, edhe ajo që ka qënë është shumë “e heshtur”, asnjëra nga to nuk ka mbledhur kryesinë për të vlerësuar apo kritikuar punen e pozitës. Rasti i fundit i shuarjes së opozitës ishte ORA, kur ish-kryetari i Degës në Drenas, Imsail Dibrani, kishte ndërprerë aktivitetet e kësaj partie në këtë komunë dhe në Asamblenë Komunale kishte vendosur të jet si kandidat i pavarur.